(( لعيون أعضاء مصراوى كافيه )) * شهد ملايكه *

[عصفور النار]

كل يوم استاذ احساس
بيطل علينا من كلامك
بنعيش معاه احلي اللحظات الجميلة
تسلم ع الاحساس والشعور والابداع
والف مبروك التميز تستاهل
وبشكر الادارة المتميزة
وتقبل تحياتي
اخيك ابو الفتوح

[لؤى]

(( لعيون أعضاء مصراوي كافيه شهد ملايكه ))

كل حاجة منك حبيبي
بتفرق معايا كتير
صوتك بيخليني طاير
حاسس إني بحضن هواك
مع إني مش معاك
لما بقيت من
إحساسي أغير
وآه من تنهيدة منك
ياه أد إيه بسرح فيها
لما تلمسني
كأني بلمس عبير
و دي حاجة
منك حبيبي
بتفرق معايا كتير

و إيدك لما تبات
في إيديا
شوق بيجي منها
يملكني
واتمني ما يفارقني
سلام بيدوب في كفي
نبعه أنامل من حرير
ولا عينيك الله عليك
لما أشوفها
كأني فيها بشوف
كل صنوف السعادة

كأني عايش في واحة
رمشك رسم لي غصونها
وظلها من ورد خدك
وأنا كالعادة
عايش فيها أمير
و دي حاجة
منك حبيبي
بتفرق معايا كتير

ولما بستطعم كلامك
وأقول معقولة
يكون داه غرامك
ولا داه شهد ملايكه
كل يوم طعمه جديد
بعيش عليه
كأني من حبك
بفطم جوايا وليد
والشجن ايللي ساكن
في حنانك

يدغدغ حاجات جوايا
و يخليني هايم بيك
و دي حاجة
منك حبيبي
بتفرق معايا كتير

كلمات / محيى زقزوق

الاثنين 06/07/2009م

كل كلمه بتكتبها بتفرق معانا كتير
كل حرف فى كلماتك يحمل عبق العبير
كل مواضيعك لها لمسة سحر تنتقل عبر الاثير
كلك احساس ورقه لانك راجل امير
فما كتبت الا كلام الشهد
تقبل مرورى

لؤى

[محيى زقزوق]

[QUOTE=لؤى;478543]كل كلمه بتكتبها بتفرق معانا كتير
كل حرف فى كلماتك يحمل عبق العبير
كل مواضيعك لها لمسة سحر تنتقل عبر الاثير
كلك احساس ورقه لانك راجل امير
فما كتبت الا كلام الشهد
تقبل مرورى

لؤى

لؤي انت جبت كل القوافي
وصيغتها في رد ولا اروع من كدهـ
حبيبي انا بشكرك لانك بتقرا كلماتي
باحساس وبتروي واتقان ودي عادة الكتاب الجامدين
مايمروا علينا مر الكرام
انا سعيد بيك لؤي
لقلبك السعادة
تحياتي

[مؤمنه]

جميل كلامك
جميل احساسك
كلماتك معبره عما بداخلك
من حب وشوق
اتمنالك السعاده والراحه

مؤمنه

[jewel_lowis]

طبعا روعه
وحشتنى كلماتك اوى اوى
تسلم الايادى


الف مبروك على اللقب الجميل ده

شكرا لك

[بحر الحنان]

قولت السعادة موجودة في كل مكان حوالينا
بس طلعت غلطانة لان السعادة اللي بجد موجودة هنا وبس
بين حروف كلماتك بين قلب نابض حي بعيد عن كل حاجة
صافي مليان بحب يكفي الدنيا وشوق يملا البحر
كلماتك واحساسك دايما بندورعلى حاجة توفيهم ما شاء الله
والف الف مبرووووك مرة تانية عاللقب تستاهلو واكتر كمان
ربنا يسعدك يارب ويوفقك دايما لما تحبه تحياتي بحر الحنان

[محيى زقزوق]

[QUOTE=مؤمنه;478910]جميل كلامك
جميل احساسك
كلماتك معبره عما بداخلك
من حب وشوق

اتمنالك السعاده والراحه

مؤمنه

يارب يسعدك يا مؤمنة ويسعد حبايبك
انا بشكرك من كل قلبي
ومانحرم منك ابدا ومن مروه
محيى

[حدوته مصريه]

بجد كلمات جميله ورقيقه جدا جدا
وبتدل علي قلب نابض بالحب
اكيد لن اجد كلمات مناسبه امام روعه كلماتك
لكن شكرا ليك ولملهمتك
ادام الله لقلبك السعاده وراحه البال
في انتظار المزيد من ابداعاتك

[محيى زقزوق]

[QUOTE=jewel_lowis;478989]طبعا روعه
وحشتنى كلماتك اوى اوى
تسلم الايادى

الف مبروك على اللقب الجميل ده

شكرا لك

بشكرك جدا علي حضورك الرائع واتمني كلماتي
تنال اعجابك دائمااااااا وحضورك كان بعبق الياسمين والطلب الصغير من عيوني وحاضر
ولا تشيلي هم كانك موجودة وبالفعل انت موجودة
بدون شك تحياتي من القلب
اتمنالك السعادة
والف مبروك واجازة ان شاء الله يملئها السعادة
محيى

[محيى زقزوق]

[QUOTE=حدوته مصريه;479281]

بجد كلمات جميله ورقيقه جدا جدا

وبتدل علي قلب نابض بالحب
اكيد لن اجد كلمات مناسبه امام روعه كلماتك
لكن شكرا ليك ولملهمتك
ادام الله لقلبك السعاده وراحه البال

في انتظار المزيد من ابداعاتك

طبعا انا اسعدني حضورك كان رقيقا
كرقة اوراق الورد والقلم الذي كتب
الرد كان بدافع من قلب نابض واحساس
راقي بالعكس سيدتي
اجمل الكلام حينما يكون من القلب
والمناسب والغير مناسب
لا يساوي كلام من القلب
احسست بردك لانه وصل الي القلب
لقلبك السعادة
محيى