بترووح سيتي ستارز لييه ؟؟

[bad_guy]

بعد عمل الاحصائيات والابحاث اللازمه وصلنا لاكتشاف خطير اوي

الناس الي بتروح سيتي ستارز بتروح علشان سبب من دول

* تدخل السينما

* تاكل في الفوود كورت

* علشان تفضل تلف وتدور ومتشتريش حاجه وفي الاخر تروح

*علشان لو حد سألك كنت فين .. تقول " اصلي كنت في سيتي ستارز " ..

*عشان تبحلق في البنات الحلوه الي رايحه وجايه

* تدخل فيرجين ميجا ستورز وتمسك ولا 30 سي دي وتفضل تقلبهم ال يعني بتقرا الكلام الي عليهم وانت متعرفش يا عيني ولا مغني منهم اصلا

* تدخل سبينيز وتفضل ساعه تحط حاجات في العربيه وبعدين تلاقي الكاشيير زحمه اوي فتسيب العربيه مليانه قدام الكاشيير وتمشي وترجع تشتري من السوبر ماركت الي تحت بيتكو

* علشان تفضل طالع نازل علي السلالم المتحركه وفي الاسانسير الازاز

* علشان انت مزنوق وحمامات سيتي ستارز نضيفه

* علشان تقعد علي الموكيت الي قدام باب السينما

* علشان تضايق السيكيوريتي وبتوع الامن وتسند علي السور تتفرج علي الدور الارضي

* علشان ده أكبر موول في مصر

* علشان تطلب أكل وتفضل ساعتين تلف علي ترابيزه فاضيه لغايه ما الاكل يسقع ويبقي مالوش طعم

* علشان مش طايق تقعد في البيت

* علشان تجري من الأمن الساعه 2 الصبح لما ييجوا يقفلو الموول وانت مش عايز تروح

* عشان الدنيا بره حر موووت وجوه فيه تكييف

وانت بتحب تروح سيتي ستارز ليه
يا ريت تقولنا !!

[طيف عابر]

والله روعه الموضوع يا اسامه كالعادة متالق
شكرا كتير للمشاركة الحلوة



* علشان تفضل تلف وتدور ومتشتريش حاجه وفي الاخر تروح

*علشان لو حد سألك كنت فين .. تقول " اصلي كنت في سيتي ستارز " ..

[احمد الصباغ]

هو مين سيتى استارز ده
انجليزى ده يا مرسى

[مسلمـ]

هههههههههههههههههههههههه عمو أحمد


سيتي ستارز دا يعتبر أكبر مول في مصر وأنضف مول في مصر



بصراحة انا مدخلتوش غير مرة واحده

هو وهم

بس بردو مرحتوش تاني

مليش تقل على الحاجات الحلوة

[أحمد عمر]

هههههههههههههههههههههههه عمو أحمد

سيتي ستارز دا يعتبر أكبر مول في مصر وأنضف مول في مصر

بصراحة انا مدخلتوش غير مرة واحده

هو وهم

بس بردو مرحتوش تاني

مليش تقل على الحاجات الحلوة