نصائح في السواقة في مصر

[bad_guy]

النصيحة الاولى :
اوعى تهين نفسك واوعى تدى لحد الفرصة انه يعلم عليك

النصيحة التانية :
لو حد غلط فى حقك .... اوعى تسكتله ..... كيل له و بعدين اردحله وبعدين ناوله

النصيحة التالتة :
لو حسيت انك غلطان فى حق حد ..... اوعى تعتذر ..... بخ فيه بسرعة وكومه قبل ما هو يبخ فيك ويكومك

النصيحة الرابعة :
ما تسيبش الدبرياش مره واحدة عشان العربية ما تهؤش
و ما تدوسش فرامل من غير دبرياش بغباء عشان العربية ما تكركش
وثبت رجلك على درجة معينة فى البنزين عشان العربية ما تهنجش

النصيحة الخامسة :
لو اللى حواليك ماشيين امواس ........ ما تتواركش وتمشى براحه
لو اللى حواليك ماشيين ب( لا مؤاخذه) ........ زمر لهم و ما تعتقهمش

النصيحة الأخيرة :

القيادة فن وذوق وأدب

[dr_manoon]

والنبى ايه الحلاوه دى نصايح جنان بس الا قولى اللى بيتروش زى حلاتى اما يشوف ان شاء الله عربيه فى المرايا هههههههههههه
ياسلام لو اسوق فى الصحرا ياهههههههه تسلم يا جميل على الموضوع ده

[MoOoRa]

طب واللي مش بيعرف يسوق يعمل ايه

خلاص انا هتعلم السواقه واعمل بنصايحك

[AhMeD El-Za3eEm]

لأ نصايح شديدة جدا .. بس يظهر ان كله بقي بيمش بالنصايح دي
عموما من عينيا أنا حأعمل كل حرف قلت عليه
بس حلوة الألفاظ دي (تهؤش - تكركش )
تسلم ايدك يا جميل علي الموضوع اللذيذ

[طيف عابر]

حلوة منك باد
نصائح تودى بداهيه
شكرا كتير وقابله للاستخدام في اى شارع في اي مكان

[bad_guy]

خخخخخخخخخخخ , شكرا ليكو يا جماعة !! على الردود الحلوة

[مسلمـ]

تحفة