الايس كريم ووووصل

**بسبوووسه** · 7 - 7 - 2009, 10:27 AM

السلام عليكم ورحمة الله وبركاته
ازيكم يابنانيييت
بصو بقي انا لسه حااااالا عاملة الايس كريم وقولت ادخل اقولكم علي طريقته عشان ناكل سوا والطريقه في منتهى السهوووووووله

تروحى عند العطار او السوبرماركت وتجيبي نص كيلو بودرة ايس كريم
واختارى النوع اللى بتحبيه (الفراوله , المانجه , الشيككولاته , الفانيليا)

تجيبي الخلاط او العجانه اللى يريحك
وتحطى فيه
كوبايتن شاى ميه سقعه + كوبايتين زيهم مكعبات تلج + بودرة الايس كريم
وتضربيهم بقي حوالى نص ساعه
يعنى لغايه مايتقل
وبعد كده تحطي الخليط في علبة بلاستك وتحطيه في الديب فريزر او فريزر التلاجه العادى

بس خلاص

والطريقه سهله اهى
يعنى مش البنات بس اللى يقدرو ينفذوها
فاهمنى طبعا
يلا

كل استاذ معانا في المنتدى يدوقنا عمايل ايديه

**~ man neO ~** · 7 - 7 - 2009, 10:34 AM

هو وراناا وراناا
دناا لسه سايبو من ساعات
بس انصحكم محدش ياكل ايس كريم
من المحلات اعملوه فى البيت احسن
اناا اعمل فى شركه الايس مان
بس بيحصل عك ولا فى رعايه ولا فى لجان بتراقب
ده حصل مره ان برميل ايس كريم قعد ثلث ايام وحمض
بلغوا المسؤل قالهم زودوا السكر والمثبت والطعم
ودخلوه من جديد
عك للصبح بس بصراحه احناا بناكل بيبقى طعمه حلو
بس الصراحه زى ما بقول عك جامد
وشكراا لوصفتك بسبوسه

**بسبوووسه** · 7 - 7 - 2009, 01:16 PM

معقوووول

لاحول ولا قوة الا بالله
بس علي فكرة المفروض انك تبلغ عن الموضوع ده
اللى انت شوفته بنفسك مسؤليه في رقبتك لانك كده اصبحت مسؤل عن صحة الناس اللى هتاكل من الايس كريم البايظ ده

ياريييت بقي تجرب وتعمل الايس كريم بنفسك وتقولي علي النتيجه

وياحبذا لو جيبته معاك المرة اللى جايه وادوقه انا بنفسي

لسه علي فكرة مطلعه الايس كريم بتاعى من الفريزر وطعمه
تحفففففففففففه

تسلم علي مرورك الجميل

**botta** · 8 - 7 - 2009, 04:59 PM

**gongoma** · 14 - 7 - 2009, 01:48 PM

معلش وضحيلى يعنى ايه كوبايتن شاى ميه سقعه ؟؟؟؟؟؟؟؟؟!!!!!!!!

على العموم تسلمى

اختك ياسمين

**شيري العسولة** · 15 - 7 - 2009, 12:59 PM

تسلمى يابسبوووسة ياقمراية
وصفة جميلة بس انتى فين مش بتدخلى لية يارب تكون بخير

بصى يا ياسو ياقمر انتى كوبيتن شاى يعنى الكوباية اللى بتعملى فيها الشاى وتمليها مياه صقعة فهمتى ياقمر