دعوه لأعضاء المنتدى لرحله الى مدينة الفيوم

[Serag Magdy]

موافقين او ممكن تبعت تمن تزاكر الطيارة وتتكفل بمصاريف الاقامة والتجول في ربوع الفيوم ونحنا علينا ولا شي

موافق
يعني ها تصرف كام العملية دي؟؟؟
5جنيه مثلاً؟

[Serag Magdy]

الله يا بختكم..فكرة جميلة



يارب تفرحوا جميعا يارب وإنتم مع بعض يارب

طب وبختنا احنا بس ليه؟؟؟؟
ممكن حضرتك تبقي معانا برده
ومتخفيش
كل المصاريف ع حازم

[Serag Magdy]

ايه ده انتو مش عاملين حسابي ولا ايه


انا زعلانه بجد

كده يا استاذ صباغ ماشي شكرا

وانت يا احمد كمان حتعملو 22/2 في فرحي يعني عشان مقدرش اجي طب خليها بعدها باسبوع ولا اتنين

اجي معاكو انا وجوزي



انا زعلانه

طب انا عندي فكرة جامدة جداً
ما تأجلي انت فرحك
فكرة برده
وبعدين ايه الطمع ده؟؟؟
انتي
وجوزك كمان؟؟؟؟
ويا ست عادي ممكن لو الكلام ده حصل ممكن نعمل زيارة تاني تحت اشراف الاستاذ احمد برده وها تبقي انتي وجوزك والعيلة كلها لو عايزة
بس المرافق ها يدفع 50% من قيمة الرحلة

[احمد الصباغ]

احنا لم نحدد الموعد بعد والموعد المقترح مش مناسب ناس كتير وبعدين فين باقى الاعضاء المنتشرين فى انحاء الجمهوريه ولا احنا هنعمل رحله بعشره افراد فقط ومعظمهم من طاميه وعارفين بعض كويس احنا عايزين الاعضاء من المحافظات الاخرى علشان الرحله تحقق الهدف منها
يالا شدو حيلكم علشان نخلص الموضوع
ولا داعى للكسل

[Mr.Karsa]

لا بوصوا يا شباب يوم 22/2 ده فرح اخو علي

يعني مينفعش الرحله تتعمل في نفس اليوم

الرحله هتكون دسمه ان شاء الله نروع الفرح ازاي بقى وحنا ميتين؟

لا لا انتوا تيجوا طبعا يوم الفرح

بس الرحله تكون يوم تاني بعون الله

وغالبا كده يا استاذ احمد كفيش غيرنا احنا وشباب اسكندريه

انا مش شايف حد يعني

يعني نعمل دعايا بقى ونطبع ورق وكده؟

انا بقترح نعمل بنر في الصفحه الرئيسيه

لما نشوف على بس

[ساندرا]

موافق
يعني ها تصرف كام العملية دي؟؟؟
5جنيه مثلاً؟[/center]

5 جنيه هو انت بتشتري حبة علكة
يا ه ع البخل

[Serag Magdy]

وغالبا كده يا استاذ احمد كفيش غيرنا احنا وشباب اسكندريه

مرة كصريين؟؟؟؟
ومرةكفيش؟؟؟؟؟
تصدق اول مرة اعرف انك الدغ

[Serag Magdy]

5 جنيه هو انت بتشتري حبة علكة
يا ه ع البخل

هيا اللبانة عندكم بخمسة جنيه؟؟؟
واحنا اللي ظالمين الحكومة في مصر علي غلاء الاسعار؟؟
طب الحمد لله احنا عندنا لبان الكوكوواوا لسة بشلن

والله يا ساندرا انتي تؤمري بس انتي وطيف
مش اوي يعني
وتشرفي في اي وقت

[samamasr]

طب وبختنا احنا بس ليه؟؟؟؟
ممكن حضرتك تبقي معانا برده
[/center]

شكرا جزيلا ربنا يكرم حضرتك على دعوتك دي بجد

لكن أنا ملاحظة إن الرحلة هتكون كلها شباب بس..


فتتقابلوا جميعا يارب على خير بإذن الله



وبإذن الله تشرفونا إنتم جميعا في رحلة للمنصورة إن شاء الله في يوم


وشكرا لحضرتك مرة تانية على زوقك والله


وآسفة والله إني رديت كتير معلهش والله


بس بجد فعلا أحب أقولكم..إنتم ناس محترمة وتتسحقوا الإحترام بجد..أتمنالكم كل توفيق يارب


وأتمنى رحلتكم تكمل بجد على خير ويكون فيه أعضاء وأعداد كبيرة تنضم ليكم بإذن الله

[Mr.Karsa]

مرة كصريين؟؟؟؟

ومرةكفيش؟؟؟؟؟

تصدق اول مرة اعرف انك الدغ

الديت علفت يا عم سلاج

المسكله تي مس خالف احلها اساي

غلطات مطبعيه غطات مطبعيه

كنت بكتب والدنيا ضلمه يا عم في ايه