دعوه لأعضاء المنتدى لرحله الى مدينة الفيوم

[Mr.Karsa]

أنا آسفة إن أنا بتدخل وبعلق والله معلهش علشان لسة جديدة بس

آسفة معلهش..بس ليه بتقولوا مفيش رحلة بس

علشان مفيش إقبال لسة على الرحلة


طيب ما انتم حطوها زي إعلان في بداية المنتدى كدة زي الصورة اللي انتم حطينها عن طلب مشرفين ..هيشوفوها أعضاء كتيرة أكيد


واعملوا رسالة جماعية في الرسايل الخاصة كمان لأعضاء المنتدى...كدة هتضمنوا إن توصل الدعوة لكل شخص ويعرف عن الرحلة


ومش تتضايقوا كدة وتقولوا مفيش رحلة

إن شاء الله هتم وبعدد كبير زي ما انتم عاوزين


وابقوا صوروا الرحلة ونزلوا صورها كمان


وحتى لو مش جه ناس كتيرة..برضه مناسبة تتجتمعوا وتتسجل للمنتدى كأول اجتماع لاعضاء المنتدى..وبعد كدة تتكرر رحلات واجتماعات المنتدى..حتى لو واحد جه من برة...مش كتير..ضايفوه برضة..بس تمموها على خير وبعد كدة تتكرر


YOUNG DEVIL ..ممكن أسألك سؤال يا حبيببتي لو مش هتتضايقي..هو انتي منين

بصي..عارفة لو هيعملوا رحلة في يوم للمنصورة...تعالي بجد عندنا وانا اقابلك والله




آسفة والله اني اتدخلت كدة ورديت وانا لسة بقالي يومين بس

مش عارف ايه كميه الاسف دي؟

انا افتكرتك هتشتميني في الاول من كتر الاسف

لا انشاء الله في رحله انا بهرج وبعون الله على هيعمل اعلان في الصفحه الرئيسيه

نصيحه اخويه بقى ..

بلاش كميه الاحترام دي كلها

انتي قولتي اسفه يجي عشرتاشر مره

عادي ده موضوع مفتوح للمناقشه واللي عنده حاجه بيشارك برأيه

[hotta]

والله فكرة جامدة جدأ حتي الواحد يتعرف علي اثار بلدة الجميلة

[احمد التيتى]

متاسف جدا يا جماعة على التاخير فى الرد انا لسه شايف الموضوع و لما شفت العنوان فكرته دعوة للزيارة حاتعرضوا صور و كده على المنتدى للفيوم الرحلة على ما اظن انها اتحددت يوم 21/2 زى الاستاذ الصباغ ما كاتب فى توقيعه انا عندى اقتراح بسيط ما تخلوها اول الشهر علشان القبض و المرتب و كده هههههههههههههههههه احنا ناس موظفين برضه بس انا مش حاجى لوحدى حاجيب مجموعة الغد كلها معايا موافقين ولا لا

[احمد الصباغ]

متاسف جدا يا جماعة على التاخير فى الرد انا لسه شايف الموضوع و لما شفت العنوان فكرته دعوة للزيارة حاتعرضوا صور و كده على المنتدى للفيوم الرحلة على ما اظن انها اتحددت يوم 21/2 زى الاستاذ الصباغ ما كاتب فى توقيعه انا عندى اقتراح بسيط ما تخلوها اول الشهر علشان القبض و المرتب و كده هههههههههههههههههه احنا ناس موظفين برضه بس انا مش حاجى لوحدى حاجيب مجموعة الغد كلها معايا موافقين ولا لا

الاخ العزيز / احمد
سلام الله عليكم ورحمته وبركاته
اولا اهلا بك وبكل اصحابك من اعضاء حزب الغد وبجميع اعضاء المنتدى الحبيب فى بلدك الفيوم
ثانيا انا لم احدد بعد موعد الرحله انما المكتوب فى توقيعى هو 17 / 2 / 2008
هذا ليس موعد الرحله ولكنه يوم عيد ميلادى اذكر به الاعزاء اعضاء المنتدى للاحتفال به مع انها بدعه ولكن نسأل الله العفو والعافيه لاننى اعرف ان الاحتفال لن يخرج عن كلمات التهنئه وارسال صور للورود والتورتات ولكن ذلك على سبيل التواصل والتقارب بين اعضاء المنتدى
وبالنسبه لموعد الرحله نحن ننتظر اقتراحاتكم للموعد واكثر موعد سيلائم الجميع ويناسبهم فسوف يتم اختياره
مع خالص تحياتى

[Treka]

فكرة رائعة وجميلة جدا
تسلم ابى الغالى على الفكرة
الاكثر من رائعة وبصراحة انا كنت احسب انك
بتكلم بهزار لكن مكنتش اعرف ان الموضوع بجد
بس فكرة جميلة جدا
وبالنسبة لكلام الاخت samamasr الكلام ده

واعملوا رسالة جماعية في الرسايل الخاصة كمان لأعضاء المنتدى...كدة هتضمنوا إن توصل الدعوة لكل شخص ويعرف عن الرحلة

كلام جميل جدا والمفروض على يعمله لانه هيعمل شغل جامد جدا
بالنسبة للموضوع
ولا ايه رأيكم ....

[شيخ البلد]

شكراً ابى العزيز وان شاء الله الكريم انا معاكم وعلى اتم الاستعداد بعمل تجمع فى مدينة المنصورة للسادة الراغبين فى السفر وعلى العموم انا هجيب اختى وبنات خالى وبعض اصدقائى من الشركة وازواجهن وبأعتبارى موظف بشركة سياحة سيتم تجهيز سيارة ( H1) للانتقال مباشرتاً الى مكان الاجتماع بالفيوم يمكن للسادة اعضاء مصراوى كافية من الانسات اصطحاب فردين بحد اقصى من اسرهم فليس هناك ادنا مانع وهذا بالطبع بعد اذن اللجنة المنظمة ( الانتقال مجاناً هدية من شيخ البلد ) ولا مانع من استبدال السيارة الى اتوبيس والله الموفق فالاهم هو ان نلتقى .. وربنا يتممها على خير .

[احمدطه]

والله ياحمد ماقصد حاجه وكمان انا مش شريره اوي كدا شيطانه دا اسم بس والله

وبجد لو في بنات هتطلع وهيكون المعاد مناسب ممكن اروح معاكم

لالالا ازاى انت بس مش شيطانة انت......................

يعم انا مالى انا خالينى فى حالى احسن الشيطين بيضروا

على العموم انا حظى زى الزوفت على طــــــــــــــــول

ولا يهمك

[احمدطه]

لا بقى شريره

وده مش اسم بس بقى

ومفيش بنات هيه

ومفيش معاد

ومفيش رحله

ومفيش مصراوي كافيه خالص هنقفله

اعزائي المشاهدين

كنتم مع مشهد من مسرحيه

كيف تصبح خنيق

على فكرة يا شيطانه اسمحى لى انا ارد ما دام الاستاذ كارثة رد بقى الاستاذ كارثة ده احنا على طول بنتحاما فيه

هو صدق المسرحية خلصت خلاص والمنتدى هيتقفل دلوقتى

اعزائنا المشاهدين الكرام مشاهدى قناة ومنتدى مصراوى كافيه تم الغاء الرحلة

بسبب الاستاذة الفاضلة شيطانه بس بس

معلش يا جماعة وممنوع البنات

انا بقترح بجد يكون فيه فرقتين رحلة للبنات فى يوم ورحلة اخرى للشباب فى يوم آخر


وده هيكون افضل

كان معكم معلققم من هنا وهناك وفوق وتحت ومن كل مكان من على مسطح الارض

احمدطه

[احمدطه]

شكراً ابى العزيز وان شاء الله الكريم انا معاكم وعلى اتم الاستعداد بعمل تجمع فى مدينة المنصورة للسادة الراغبين فى السفر وعلى العموم انا هجيب اختى وبنات خالى وبعض اصدقائى من الشركة وازواجهن وبأعتبارى موظف بشركة سياحة سيتم تجهيز سيارة ( H1) للانتقال مباشرتاً الى مكان الاجتماع بالفيوم يمكن للسادة اعضاء مصراوى كافية من الانسات اصطحاب فردين بحد اقصى من اسرهم فليس هناك ادنا مانع وهذا بالطبع بعد اذن اللجنة المنظمة ( الانتقال مجاناً هدية من شيخ البلد ) ولا مانع من استبدال السيارة الى اتوبيس والله الموفق فالاهم هو ان نلتقى .. وربنا يتممها على خير .

على فكرة يا شيخنا ده كرم من عندك وارجوا منك لتحدث مع الاستاذ احمد (الاب الروحانى)

والتنسيق معه وانا افضل ان انتوا تشوافى باص افضل

[elbest]

موضوع جامد جدا وفكره اجمد ودا يدل على تواصل الصداقات والحب بي الاعضاء ويارب يوفقكوا يارب وانشاء الله اكون معاكواااا