ازاي تنسي حبيبك في 5 خطوات

[cute lolo]

كيف تنسين حبيبك فى 5 خطوات ـــــــــــــــــــــــــ


1_ تمسحى ارقام موبايلاته من عندك والارقام الارضى بلاش سلبطه.. .....ايميلاته من كل الاماكن يعنى ياهو وهوتميل وفيس بوك
ولو حتى رساله ....اى رساله بعتهالك فى اى حته تتمسح لان رقمه او ايميله
مكتوب فيها احنا قلبنا رهيف بيودينا فى داهيه ......وممكن ناحن ونتكلم
تانى لما نروق .



2_ لو فى اى صوره ليه معاكى تترمى فى الزباله ولو على الكمبيوتر او الموبايل تتمسح نهائى جدا خالص ولو على سى دى يتكسر فتافيت.



3_دباديبه
وكل الهدايا اللى جابها .......دا لو كان عنده دم وبيجيب من الاساس اوعى
ترميها بالعكس حطيها فى النيش او بره او فى اى حته واهو اللى جه منه احسن
منه بلا قرف.



4_اتكفى
على مذاكرتك وركزى علله تفلحى او ركزي فى شغلك ليل ونهار وراعى شغلك بقى
بدل العياط والهبل والوأوأه بتاعه كل يوم .... عنيـــــــــــــــــكى
ورمت يابنتى .



5_اوعى
تحاولى تنسى حبك القديم بحب جديد زى ما بيقولوا لانك فى الغالب هتقعى فى
واحد اسخم من الاولانى فياريت كده تهدى وتاخدى نفسك وتبصى حواليكى كويس
وتعرفى انتى عايزه ايه من الحياه ومين اللى ممكن تحتاجيه فى حياتك بجد
وشغلى ديما عقلك جنب قلبك.

[sherif abd ala]

بجد انت فقرى كلام لذيذ ومفيد للبناتيارب يحاولوا يعملوه

[saso164]

يعنى لو عملت كل دا ممكن انساه
بالعكس الحب الحقيقي مستحيل انك تقدر تنساه
طيب و قلبى ازاى اخليه ينسى اللى طول عمره كان بيحبه
اللى بيحب بجد مش بيقدر ينسى حبيبه مهما حصل و مهما عمل

تسلم ايدك على المجهود الرائع

[ηάdά]

3_دباديبه
وكل الهدايا اللى جابها .......دا لو كان عنده دم وبيجيب من الاساس اوعى
ترميها بالعكس حطيها فى النيش او بره او فى اى حته واهو اللى جه منه احسن
منه بلا قرف.

ضحكتينى والله يا قمرربنا يسعد ايامك
بس ياريت كان بالبساطه دى النسيان
ميرسى على التوبيك اللذيذ

[المشتاقة للجنة]

هااااااااااااي لو كان بسهوله دي النسيان كنه نسينه من زمان

[cute lolo]

بجد انت فقرى كلام لذيذ ومفيد للبناتيارب يحاولوا يعملوه
متشكره اوي علي التعليق ده بس انا بنت و اسمي ابرار

[cute lolo]

يعنى لو عملت كل دا ممكن انساه

بالعكس الحب الحقيقي مستحيل انك تقدر تنساه
طيب و قلبى ازاى اخليه ينسى اللى طول عمره كان بيحبه
اللى بيحب بجد مش بيقدر ينسى حبيبه مهما حصل و مهما عمل

تسلم ايدك على المجهود الرائع

ميرسي ليكي ياsaso لو مكنتيش نستيه اديني بخليكي تحاولي

[cute lolo]

ضحكتينى والله يا قمرربنا يسعد ايامك
بس ياريت كان بالبساطه دى النسيان
ميرسى على التوبيك اللذيذ

ربنا يخليكي شكرا ويارب تفضلي تضحكي وتتبسطي غلي طول

[iLWda3]

يا سلاااام يعني انا كده هنساه طيب كل حاجه ونرميها قلبي بقى هعمل فيه ايه ولا صورته اللي هفضل شيفاها قدام عينيا ولا صوته اللي هيفضل في ودني على طول ولا ولا...
اقولك انا احسن انتحر
ميرسي يا قمرايه على كلامك العسل ده وتسلم ايديكي على موضوعك.

[cute lolo]

لما انتي تنتحري انا مين هيرد عالمواضيع اللي هعملها ههههههههههههه لا طبعا هتفتكره بس ذكري مش حب زي زمان ومتشكره اوي علي مرورك يا قمر