في اعضاء كده؟؟؟؟ ويبقو كده ليييييييه!!!

[علي مدكور]

هو في أعضاء كده؟؟؟

السلام عليكم!
اليومين دول ايام غريبه جداً
اسلوب المناقشه يكرهك فيها!! ،
اسالييب غريبه جداً في الكلام !!
الواحد بيدخل منتديات عمري ما شوفت الحكاية دي ولو حصل بيطرد وصعب انه يرجع ! لأنه لو رجع يبقي معندوش كرامه وبردو هيطرد تاني
مش عارف بقي ! انا اللى صح ولا هو اللى صح!
بس في اعتقداي ان ده بيكون مريض نفسياً وعنده نقص!
يعني في اسلوب مناقشه يبحبب الواحد فيها وعادي الاختلاف في الرأي لا يفسد للود قضيه!
بس الاساليب التانيه دي!! ممكن تكره الواحد في منتدى كله!
عموماً منتظر رأيكم عن الموضوع ده ,

[مسلمـ]

شوف يا علي يا صديقي الصغير


فكرة الإختلاف موجوده بوجود البشر في الأرض

وهانفضل نختلف ونختلف لحد يوم الدين

المقبول إنك تختلف بإحترام

بدون تطاول على الطرف الآخر

بدون توجية إهانه ليه لشخصه لكيانه


إنما كونك تبقه بتنافق نفسك

وتشترك بأكتر من عضوية

عضوية عامل فيها مناضل والتانيه عامل فيها كاتب ..

بتنافق مين غير نفسك ؟

بإختصار

أخويا الصغير علي إنت مغلطتش في حاجه


ونتمنى إن شاء الله إننا منلاقيش المستويات دي موجوده معانا دلوقتي أو في المستقبل


إلا لو إتعلم الإنسان إزاي يتكلم

إزاي يكتب

إزاي يختلف

إزاي يوجه نقد

إزاي حتى ينسحب

وإزاي حتى يعتذر


تحياتي ليك

وانا موافقك في قرارك

[AnA]

عروستى ,,,,




بسم الله الرحمن الرحيم



الإجابة تونس

[شيخ البلد]

اوافقك الرئي
لكن قبل ان نتهم احد اخى الكبير (على مدكور ) بالنفاق او الغرور ام النقص وهى بالفعل بتكون نقص ( لانه ميعرفشى الاشياء الذى سبق اخى العزيز مسلم واشار إليها ) لازم نحتوية ونعرفة ونفهمة يمكن يتعلم وينفع نفسة وينفع حد تانى ولكن اود ان اعترف اننى ولله الحمد لم اصادف تلك الشخصية فى منتدانا الموقر حتى الان ( إلا اذا كنت تقصدنى انا ) واتمنى ان ربنا ما يبتلينا بمثل هذه الشخصيات
هذا رئي

[نجم النجوم]

موضوع خطير والأخطر " الأساءة في التعامل مع موجات العصر " { التكنولوجيا }
كما قالوا في الأمثال زمان : أصابعك ليست متشابها .. { مش زي بعضها }
وكل أنسان ناجح أكيد بيكون طريقه مليء بالصعوبات و أنت يا " علي " ربنا يجزيك عنا كل خير لأقامتك على هذا المنتدى ..
و بمعنى أخر..نتسأل ما الهدف من أشترك أي عضو بأي من منتدى ... ؟! تسأولات قد تأتي في ذهن أي شخص .

ولكن أريد أن أبلغ رسالة لكل عضو ..
أنت لم تشترك في أي منتدى ألا لأشياء تالية : ــ وهي ...
1 ــ الأستفادة من خبرات الحاضرين في جميع الأقسام من مشرفين وأعضاء ...
فأن كنت كذلك ــ فمرحبا بك معنا ــ
2 ــ أن كنت تشكو من الزهق أو الملل وأردت أنت تجد صحبة تمحو عنك ذلك .. ــ فمرحبا بك معنا ــ ..
3 ــ أن كنت قد أسأت لأحد من أخوانك .. فبادر بالصلح معه وأغتنم أنت الثواب .. وأيضا نرحب بك معنا .
4 ــ وأن كنت تريد التميز ولا تعرف ماذا تفعل ؟؟ أحببت مثلا أي قسم من الأقسام وشايف نفسك فيه أنك ممكن تكون ناجح فيه ..
لا تبخل على نفسك بالسؤال .. فأن العلم يضيع بين الحياء والكبرياء . وأعلم أنك لو أرسلت رسالة صغيرة لأي أخ أو أخت بالمنتدى تطلب منه الإفادة .. لا يتأخر عليك ...

فأن مر يوم وأنت لم تتعلم شيء فقد خسرت كل شيء

كان معكم أخوكم نجم

[dr_manoon]

موضوعك ياعلى كان فى الحسبان وحسيت انك هتتكلم عنه فى يوم من الايام .
فعلا الناس بقت غريبه اليومين دول شويه واسلوب مناقشتهم
بقى صعب محدش بيسمع الا نفسه رافض يستمع للغير
فاكر نفسه انا بس وكله مش بيفهم حاجه
الاول قبل منهاجمه نحاول نحتويه ونفهمه غلطه ونقربه منا
عشان نكسب ثواب فيه حتى وده اعتقد اللى كلنا بنعمله
كونه مش عاوز او مش فاهم خلاص مشكلته لوحده مش هنخاف
عليه اكتر من نفسه وياريت المنتدى فعلا يظل جميل
بيكم وبالاعضاء الجديده التى تحترم الراى وتعلم مامعنى المناقشه
واسلوبها
جزاك الله كل خير يا على على موضوعك الجميل

[ملكة الاحزان]

انا مع منون فى رايها لازم نفهمه غلطة الاول
وان الكل لازم يفهم ان الناس زى مبتحترم رايك لازم انت كمان تحترم راى الناس مهما كان درجة الاختلاف فى الراى
ميرسى على الموضوع

[Mr.Karsa]

موضوع كان لازم تعمله من زمان يا على

وانا كنت هعمله والله بس انت سبقتني

لان في الآونة المنصرمة (حلوه الاونه المنصرمه دي)؟ شوفنا اكتر من عضو غالبا عنه مرض نفسي

يعني ميعرفش يرد رد كويس

وبصراحه كمان مينفعش يترد عليهم رد كويس

وعموما كده او كده

كل عضو بيعبر عن نفسه من ردوده واسلوبه في الكلام

يعني في اعضاء بتفرض احترامها على الكافيه

وفي اعضاء لو احترمتهم يتحصل حاجات غريبه

ممكن تلاقيه عاوز ينط في وشك

موضوع هايل

وانا شايف انه مكانش ينفع تتأجل المناقشه فيه

[احمد التيتى]

موضوع موفق استاذ على و فى مكانه و وقته لان الحمد لله المنتدى هنا متجمع فيه ناس بتملك افكار كتيرة و مختلفة بس لازم فى نفس الوقت اننا نوجه الاختلاف فى الرأى دا للاستفادة منه مش مجرد تكون ردود فيها سخرية من عضو ضد افكار عضو اخر او مجرد القاء اتهامات و خلاص و ان كل الناس مش بتفهم و انا الوحيد اللى عارف كل حاجه
مشكور على موضوعك مرة تانية

[ورقه]

انا بقى استفذتنى حاجه ..

يعنى يا استاذ ( انا ) هو داخل بيتكلم عن اسلوب المناقشه .. حضرتك يكون ردك كدا ..

بجد لا تعليق ..

انا اسفه يا بيك بوص انى ادخلت فى حاجه زى دى .. بس اهو دا مثال بجد فى موضوعك جه لحد عندك ..

اسلوب و طريقه المناقشه

اعتقد ان وقت الجد جد و وقت المناقشه مناقشه و تبقى مناقشه مش هقول حضاريه و كلام الانشا دا بس على الاقل يكون فى احترام للراى الاخر ايا كان الراى دا ..