انت عايش ليه ؟.... ايه هدفك فى الحياه ؟

[Mr.Mo0ody]

الحياه ....

كلمه معناه كبير قوى

معناها عمر بيجي وعمر بيروح

ناس بتموت وناس بتتولد

فى منهم اللى بيكون ليه هدف ومصير نفسه يحدده

وفى اللى بيعيش وبيموت من غير ما يكون فى هدف فحياته

يمكن فى ناس بتقول " سيب الأمور على الله " اوكي ماشي كلام جميل

لكن ربنا قال برضه " اسعي يا بعد وانا اسعي معك " يعنى لازم يكون فى هدف فى حياتك
لازم تكون انت اللى محدد مصيرك
وشايف مستقبلك قدامك

وانت ماشي على خطوات الهدف ده

اكيد طبعا هدفنا كلنا فى الحياه هو الجنه
وجنه الفردوس الأعلى كمان

لكن فى اهداف دنياوية

واللى هى بتتبنى حياتنا عليها

وبتكون هى اللى الأنسان عايش عليها

بتكون نقط ومرتبين

مثلا دراستك / شغلك / اهلك / حبيبك / وهكذا


انا عملت الموضوع ده لأننا فعلا اهل

وعايزين اي هدف كل واحد فينا

ونشوف هو بانى حياته على ايه

كل واحد هيكتب سنه كام وناوى على ايه فحياته


واياكم تكونو عايشين من غير هدف
صدقونى مش هتنجحوا فى اي حاجه




شكر خاص لـ _Nada_ على مساعدتها معي فالموضوع

[mona roshdi]

اولا....شكراااا محمد على الموضوع القيم

ثانيا...الهدف في الحياة يجب ان يكون سامي ليكمل الفرد حياته بعلو وثبات
انا اعيش في حياتي من دون وضع هدف امامي يعني اعيش والسلام


لكن عندي طموحات اتمنى انها تتحقق:

ومنها اني انجح في كل مجال انا اعيشه


واتمنى ان احنا نعمل خير في دنيانا نذخره لآخرتنا


لأن في اعتقادي ان هذا الهدف الرئيسي من الحياه احنا أتخلقنا


مش عشان نتسلى وبس


او نتفسح ونتمتع بالنوادى والرحلات....ألخ

يجب اعرف ان هناك هدف آخر مزخر للآخرة كما فى الدنيا

وهو يوم الحساب...


وبكدة اكون وضحت بأختصار شديد وشامل

هدفي في الحياة

وشكرا لك محمد على هذا الموضوع الرائع

واتمنى من الله تعالى ان يحقق لك كل اهدافك وآمانيك

فأنت انسان تستحق التقدير
تقبل تحياتى واحترامى

وحبى لك ابنى الغالى

وهدف أخير



ماما منى رشدى

[شيري العسولة]

بص يامودى موضوعك فوق الهايل بجد
ف لي رجعة بجد

[محيى زقزوق]

بالفعل محمد الهدف الاسمي هو نيل جائزة المرور الي الجنة
ولكن الدنيا خلقنا لنعمل فيها ومن ضمن الاعمال الامل في تحقيق الهدف
او عدة اهداف
ع المستوي الشخصي
الحمد لله بنيت حياتي
بكل رضا لا ينقصني شيء
مع اني في الاصل لم اكن املك اي شيء
لكن بالكفاح والمثابرة وعدم النظر والحسد للناس
وصلت لما هو عند الناس واكثر لاني تفرغت لذاتي
ولم انشغل باحد ع الاطلاق ماذا فعل ماذا ترك
فقط انا فين وعايز اروح واوصل لفين
والتوفيق من الله
وتقبل تحياتي
والشكر لك وللاخت ندا
لقلوبكم السعادة
محيى

[No TiMe]

جميل كتير موضوغك محمد واكبد لازم كل واحد عابش في دنيتو لهدف
وكل واجد من غير هدف مش بيعيش الا في ضباع

هدفي اني اكمل دراستي واتجوز
وطبعا غبر اني اعمل ليا مشروع علشان اعيش منو
اضن هدف تافه
بس دا طموح كل واحد غيري
ومرسي اوي محمد علي التوبك الجميل دا

[شبح الأبرا]

الله عليك يا مان هي دي الموضويع ولا بلا مشـــ ـ ـ ـ ـ ـ ـ ـكووووور

[Damn4Do]

مشكور جدا على الموضوع دا لانه فعلا مهم

[~ man neO ~]

اناا هدفى
اولا رضاا الله واتمنى ان ربناا يعينلى على ذلك
وبعدين رضااا اهلى
اماا هدفى انى اخلص دراسه واطلع بره البلد دى يا جدع

[بحر الحنان]

مودي اولا موضوع جامد جدا تسلم عليه
ثانيا لو في حد عايش بدون هدف يبقى أكيد
بيعاني من نقص ودايما حياته متشقلبة
يعني من فوق لتحت ومن تحت لفوق
فقليل جدا لما تلاقي حد بالشكل ده وطبعا بينتج
عن الانكسار من حاجة في الحياة كمان
وعايزة أقول حاجة لمحمود

اماا هدفى انى اخلص دراسه واطلع بره البلد دى يا جدع

والله الجملة دي اد ايه اضايقت لما قولتها
وفعلا مش هتحس بيها الا لما تسافر زي ماقولت
لأن أصعب مايكون في الدنيا الغربة وربنا مايكتبها بقى عليك
انا بدعيلك مش بدعي عليك لتضايق مني
شكرا ليييييييك مودي على موضوعك الجميل

[ηάdά]

اولا ميرسى مودى على الموضوع المهم جدا والمميز
ثانيا اكيد كل انسان لازم يكون ليه هدف فى الحياه ويحاول بكل جهده انه يحققه علشان يبقى لحياته معنى ومن جد وجد اكيد
وانا شخصيا اكيد ليا اهداف بحاول احققها
واهمها طبعا رضا الله سبحانه وتعالى ورضا الوالدين
تانى حاجه التخطيط لمستقبلى والسعى لتحقيق احلامى
وربنا يوفقنا جميعا ان شاء الله