اصل الكلمه

**ahmed** · 9 - 2 - 2008, 02:06 PM

عليكم

يا جماعة عندى موضوع لذيذ جدا وهو أصل الكلمات ماحدش فينا فكر الكلام اللى بننطقه ده ليه أصل ولا لا ؟
المهم انا جاى النهاردة اعرض بعض الكلمات العربية والانجليزية واصلها
بس سامحونى ان هايكون عدد الكلمات قليل يعنى مش كتير لان بصراحة الحاجات دى اخدتها فى كورس الانجليزى فى المستوى اللى فات وطبعا المدرس بيتغير ما بين كل مستوى ومستوى فا اللى هاعرضه ده هو ده اللى قدر يقولهولنا
واى حد عايز يضيف كلمات يتفضل طبعاً

هابتدى مثلا بكلمة
Bring- معناها يحضرأصلها British ring - لان زمان الانجليز لما كانوا يطلبوا حاجة من الخدم كانوا بيضربولهم الجرس.

كلمة تانية أصلها لذيذ أوى
كلمة Image ما فكرناش قبل كدة ليه لما نيجى نخزن اى صورة من كاميرا ديجيتال على الكمبيوتر او حتى الصور اللى بتبقى مع الويندوز مثلا بيبقى اسمها image برضو، اشمعنى image ؟؟ليه ما تكونش photo او picture
لان أصل كلمة image هو Immortal age أى العمر الخالد لان اى صورة بتتحفظ على الكمبيوتر او على اى جهاز لو جيت بعد مليوووووون سنة هاتلاقى الصورة زى ماهى ما حصلهاش حاجة لكن لو اى صورة تانية محفوظة فى درج مثلا هاتيجى بعد فترة هاتلاقيها اصفرت ودبلت

هل تعلم ان كلمة Faculty معناها هيئة تدريس وليس كلية
ومعنى كلمة كلية college

كلمة Los Angeles وطبعا دى عاصمة كالفورنيا وسميت بالاسم ده لان معناها (فقد أقل ملائكة) لان كالفورنيا تقع فى مكان عالى من الكرة الارضية ولو حصل زلزال قوى البيوت كلها هاتقع من الارتفاع العالى ده ومافيش حد هاينجو ساعتها فا هما معتقدين ان ربنا غضبان علي المكان ده وان مافيش ملائكة بتحرس المكان

فكرتوا مرة ايه الفرق بين yes و yeah و yep؟
yes معناها( نعم)
yeah معناها( اه)
yep معناها (ايوة) وهى اختصار ل Need help تفتكروها وانتوا قاعدين هنا على القهوة وتندهوا للقهوجى هايرد يقولك أيووووووة جاى لانه جاى يساعدك ماقلش اه جاى ولا نعم جاى

يارب يكون الموضوع عجبكم وتقولولى اكمل ولا لا عشان لسة عندى شوية معلومات خفيفة كدة عايز اعرضها وكمان فى كام كلمة عربى عايز اعرض اصلهم
يتبع ....