محتاااااااااااااااااااااا اااااااااااااااااااااااار ة

[lokka]

ياريت حد يرد عليا ويقولى اعمل ايه........................
من سنة كدة اتعرفت علي شخص وبقينا صحاب اوووووى وكنا علي درجة كبيييرة من التفاهم وكنا بنحس ببعض دايما ومع الوقت اخدنا علي بعض وحبينا بعض اوى لكن هو كان صادق معايا اوى وقالى انو مش حينفع يتقدو لخطبتى دلوقتى وانا رضيت انى استناه مهما حصل لانى بحبة وخصوصا انه حنين عليا اوى بجد لكن خاااااااااااااااااااااااا ااااااااايفه اهلى ميوافقوش عليه لان ظروفه مش كويسة وكمان والده ووالدته متوفيين ومحدش بيساعده هو اللى بيكافح لوحده بس ساعات بخاف انى استنى معاه اهلي ميوافقوش عليه لما ييجى يتقدم وساعات بخاف انو يتغير معايا في معاملته بعد مااكون خسرت حاجات كتير علشانه ولو حد اتقدم اعمل ايه انا محتارة وخايفة استنى معاه يتغير هو بعد كدة واكون خسرت اللى اتقدمولى واندم على كدة ..................................

ارجو الرد بسرعة

[NOOSA]

بصى يا لوكا انا بحب فى الحاجات دى انى استشير حد قريب منى يكون فاهم وضعى كويس ...يعنى مثلا لو علاقتك مع مامتك كويسة وفيها صراحة ممكن تستشيرها هى اكيد هتعرف اكتر منك صدقينى بيبقى رايهم صح فى حاجات كتير وممكن يبقالها وجهة نظر فى الموضوع..وكمان حاولى تقربى من ربنا وممكن تصلى صلاة الاستخارة...........وانا شاء الله ربنا هيهديكى للطريق السليم.

[هبه اتش]

انا رأيي بردوا انك تقولي لمامتك وتصارحيها هي هاتقدر تنصحك عشان بعد كدا ماتندميش على قرار انتي اخدتيه لوحدك لما حد يساعدك هاترتاحي ومدام هو بيحبك يبقى خلاص استنيه بس مش كتير خليه يديكي وقت محدد ماتسبيش الفتره مفتوحه عشان تعرفي راسك من رجليكي وحاولي بردوا تقربي من ربنا وتصلي صلاه استخاره

[ElGhAtEs]

[
انتي بتقولى انكم بتحبوا بعض وديه مش علاقة مراهقين وكده لا ده فيه خطوبة وجواز وكلام كبير يعني
وانتي بتقولى بردوه ان حالته المادية مش ولا بد
ورغم كده بتحبوا بعض
وبما ان حالته المادية مش ولا بد وانتي بردوه قادرة تكملى معاه علشان انتي انسانة بتحترمي الحب
يبقى ازاى انتي بتقولىQUOTE=lokka;490684] وساعات بخاف انو يتغير معايا في معاملته بعد مااكون خسرت حاجات كتير علشانه ولو حد اتقدم اعمل ايه انا محتارة وخايفة استنى معاه يتغير هو بعد كدة واكون خسرت اللى اتقدمولى واندم على كدة ..[/QUOTE]
طب معاملته هتتغير معاكي ليييييييييييييييييييييييي يه؟؟؟؟؟؟؟؟؟؟
يا ترى يا هل ترى في سبب يدعوه لكده؟؟؟!!!!!!
وبدام شايفة انك في يوم من الايام ولسبب من الاسباب هتندمى انك عرفتيه
اذن ليه العلاقة ديه من البداية ؟
نصيحة انتي لو حاسة انك هيجي اليوم عليكي وتندمي على حاجة عملتيها في مجال من المجالات مش بس انك تكوني بتحبي واحد ياريت تفكك منها لانها خسرانة خسرانة

ولعلمك انا اصغرمنك سنا علشان تظبطي فهمك لكلامي
انا عندي16 سنة وانتي طبعا على وش جواز يعني اكبر مني










ارجو المتابعة بالرد من حضرتك ومن الاعضاء
لاني بجد اهتميت بالموضوع

[sad smile]

لأ يا لوكا انتي تتمسكي ب الحب ده مهما ان حصل
نادر جدا اليومين دول انكـ تلاقى حد بيحيكـ بجد
وصدقيني لو هو بيحبكـ بجد حب حقيقى عمره ما هيتغير معاكـ
ولا يغير معاملته معاكى
وبعدين فى الاول وف الاخر كل حاجة قسمة ونصيب
ومحدش بياخد اكتر من نصيبه
يعني لو ربنا عايزه ليكـ حتى لو الدنيا كلها مش موافقة مش اهلكـ بس
هتاخديه ولو ربنا مش عايز خلاص
قسمة ونصيب
وربنا يعوضكـ ب أحسن منه ..

تقبلي مرورى

[عمارطه2009]

بصي يا لوكا هو لو بيحبك بجد هيعمل أي حاجه علشانك ممكن يروح لأهلك ويشرح ليهم ظروفه ويجيب ولو حتي دبله موقتا وصديقني اللي بيحب حد بجد مش بيستني أن الشخص اللي بيحبه يضيع منه بيعمل المستحيل علشانه عايز أقولك أنا مريت بالموقف دا في بدايه حياتي كنت بحب واحدة وظروفي كانت وحشه خالص في الوقت دا وفي نفس الوقت حبيبتي كان بيجي ليها عرسان كتير فأضريت للأسف أن أستلف تمن الشبكه ولو مؤقتا لحد ما ربنا يفرجها وأسدد تمنها وعملت كدة فعلا وجبت الشبكه أنا عايزاقولك في النهايه أن الواحد مش بيغلب ممكن يبقي مديون شويه بس أكيد أحسن من لما حبيبته تضيع منه وأكيد لو الأنسان لو عايز خير ربنا هيبقي معاة وكل حاجه هتجي حاجه حاجه طالما ان الواحد في نيته خير _وأخير أتمني لكي حياة سعيدة مع من يختارة قلبك أو مع من تختارة لكي الأقدار _وشكرا ليكي

[___M-O-7-e-b___]

ده اول رد ليا بس انا رائى حاجه واحده فى يوم واحده قلتلى حاجه قالتلى حط نقطه سوده فى قلبك علشان انت مش هتغير الكون ولا هتغير نصيبك معنى كلامها يا لوكا حاجه واحده حطى فى قلبك نقطه سوده لان مهما حصل مش هتغير نصيبك النقطه دى علشان لو ربنا ما ارادش انه يكون ليكى متعقديش انتى نفسك الدنيا ابسط من كده بكتير انتظرى نصيبك اة بتحبيه و هوه بيحبك اوووى بس انتى مش ربنا علشان تغيرى الكون انتظرى شوفى نصيبك وحطى النقطه علشان تبقى مستعده تقبلى النصيب مهما كان بوجه جميل وعمر اهلك ما هيحبولك الوحش بالعكس هما بيشوفه الى هيريحك اة هما مش حسين بالى فى قلبك لاكن مش هتغيرى الكون صدقينى هوه لو عاوزك وانتى هدفه الواحيد فى حياته لو هيموت نفسه من الشغل ليل ونهار المهم تبقى ليه حاولى انك تقعدى مع نفسك علشان تعرفى هتعملى ايه بس اهم حاجه حطى نقطه سوده فى قلبك علشان متوصلش لانك تتعقدى ده ردى على كلامك

[نور نور]

انتي المفروض تستنية مدام انتوا اتفقتوا علي كده وخليها علي ربنا وزي ماتيجي تيجي كل حاجه في حياتنا متوقع فيها انها تنجح او تفشل يعني ممكن تسيبيه وتتجوزي غيره وتندمي في يوم انك سيبتيه فأنت خليكي معاه بس حددي كل حاجه بوقت متسيبهاش مفتوحة ولو عدي الميعاد اللي انتم اتفقتوا عليه يبقي انتي كده مش غلطانه واول حد يتقدملك وتكون موافقه عليه يبقي خلاص انتي كده عملتي اللي عليكي ومتندميش في يوم انك سيبتي حد حبيتيه وحبك ومتخافيش ده كله نصيب واللي مكتوبله حاجه هيشوفها يعني انك تستني معاه او تسيبيه مش هيغير حاجه من الواقع ومن اللي ربنا كتيبهولك بس لازم تكوني اد الاتفاق ومترجعيش في كلامك وتبيعي في لحظه علشان واحد اتقدملك اعتبري الفتره اللي انتم اتفقتوا عليها انك فعلا مخطوبه ليه وبعدها تبقي براحتك اللي انتي عايزاه اعمليه لو لسه عايزه تستني معاه يبقي انتي عارفه انه مش بأيده حاجه وانه بيحاول ولو حسيتي انه و اللي مقصر سيبيه وفي الحالتين مش هتخسري لانه نصيبك ده وربنا اكيد عايزلك الخير

[broken_heart]

استنيه واديله فرصه وعمر اهلك ما هيرفضوا طول ما هو انسان محترم بيكافح علشان يبنى نفسه وربنا يوفقكوا بجد ولعلمك انا اختى متجوزة واحد والده ووالتدة متوفين واخته عايشه معاهم فى نفس البيت وعايزة اقولك انها اسعد واحده فى اخواتى كلها واحنا كلنا فى البيت بنموت فيه وفى اخته وربنا يخليكوا لبعض وبجد اتمسكى بيه

[مصطفى لطفى0]

والله انا رايى ان الى يديلة الفرصة دى هما اهلك وهو يتقدم ويشرح ظروفة وهما يقررم
وهو دة اسلم حل
وقربى من ممتك كتييييييييييييييير وهى اكتر وحدة هتفهمك