خمشة فرفسة...

[ElGhAtEs]

من خرج من داره .... اكيد رايح مشوار

*********
العين بصيرة والايد قصيرة .... مش بتطول جرس الباب


*********
صباح الخير يا جاري ... ازيك عامل ايه؟

*********
القفة اللي ليها ودنين... شفت منها كتير في السوق

*********

الباب اللي يجي لك منه الريح ... اكيد واجهته بحري

*********
اللي ايده في المية ... اكيد مبلولة

*********

اللي ما بيشوفش من الغربال .... يبقى الغربال مسدود

*********
اللي نبات فيه ... أكيد هو السرير

******** *

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ

شوية فوازير في السريع السريع

1- صخرة وقعت من فوق عمارة ..لوح الزجاج اللي تحتها متكسرش ليه؟


*علشان موقعتش عليه


2-فرخة بتعدي الشارع ماتت فجأة ...ليه؟

*علشان الصخرة وقعت عليها


3-حاجة سودا طايرة من الشرق للغرب وفيها نقطة حمرا؟

*دبانة رايحة عيد ميلاد صاحبتها وحاطة روج


4-طب حاجة سودا طايرة من الغرب للشرق وفيها نقطةحمرا؟

*نفس الدبانة نسيت حاجة في البيت

5-حاجة بيضا وطايرة في السما وبتقول نياو؟

*قطة بيضا مضروبة بالشلوت

6-حاجة بني طايرة ومبتقولش حاجة؟

*الجزمة اللي ضربت القطة البيضا

7-طب حاجة سودا طايرة وبتقول نياو؟

*غراب بيستهبل

************************************************** ************************************************** *****************

يا جماعه ده حجات ممكن تحرق دم الواحد بس اللي بيتخنق بلاش يقرأ


ليه التعلب تخين ؟

علشان التعلب fat fat

- حاجه ماشي على الارض بتعمل زززززززززززززز ايه هي ؟

صرصار راكب موتوسيكل

- طب الناس دخلوا شقة فعرفوا إن فيها صراصير عرفوا إزاي ؟

لقوا الكوتوسيكلات راكنة جمب البلاعة

- تعرف تقولي فرقين بين الليمون والزيتون ؟

1- فيه ليمونادة ومافيش زيتونادة
2- تقدر تقول الناس لموني لكن متقدرش تقول الناس زاتوني

- طب تقدر تقولي 5 فروق بين البطة والوزة ؟

1- تقدر تحلق زلبطة لكن متقدرش تحلق زلوزة
2- فيه رحالة إسمة إبن بطوط لكن مفيش رحالة إسمه إبن وزوزة
3- تقدر تبلبط في البحر لكن متقدرش تبلوز فيه
4- كلنا بنتغطى في الشتء ببطانية لكن مش بنتغطى بوزانية
5- الوزة كانت زمان بطة بس الشيطان وزها

- تقدر تقولي 5 فروق بين الفيل والنملة ؟

1- رجل الفيل ممكن تنمل لكن رجل النملة مش ممكن تفيل
2- البيت ممكن يكون فيه نملية لكن مش ممكن يبقى فيلية
3- تقدر تاكل سمك فليه لكن مش ممكن تاكل سمك نمليه
4- كل واحد ليه بروفيل لكن مالوش برونملة
5- you can feel but you can't namla

************************************************** ************************************************** ******************

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك
......................................
واحد و هو بيموت اتطلع على مراتة نظره رومانسيه وقالها لما انطردت من العمل كونتي معايا ولما مرضت وقفتي جنبي ولما افلست برضوا كونتي معايا وفي الوقت الحالي انت بعدك جنبي.. مسك ايدها بحنيه وقالها مش عاريف ليه حاسيس انك نحس...
.................................................. ....
مرة واحد سأل صاحبه ايه اسم رونالدو الحقيقي فقاله صالح...قاله ازاي عرفت...قاله سمعت المعلق بيقول مخالفة لصالح رونالدو...
...........................................
حبة رخاااااامة
ذوات الضغط العالي
لا يقرأ
السؤال فيه رخامة جاااااااامدة
..................................
س : - واحد بيحط سكر على الكرسي قبل ما يقعد ،، ليه ؟؟
ج : - عشان تكوون القعده حلوووة.
...................................
س : - طيب ليه يحط كوباية مايه فاضيه وكوباية مايه مليانه؟؟
ج : - عشان يمكن يشرب ويمكن ما يشربش.

....................................
طيب حاجه زرقا طايره فى السما ،، أيه هيه ؟؟
ج : -دبانه لابسه بنطلووون جينز أزرق.
......................................
س : - نقطة سودا على الحيطه أيه هيه ؟؟
ج : - دبانه.



س : - و نقطتين سود على الجدار ايه هما؟؟
ج : - أكيد فيشه.


س : - طيب تلات نقط سود ، أيه هما؟؟
ج : - دبانه وفيشه .

.......................................

س : - حاجه ضعيفه وطووويله ولونها أبيض أيه هيه ؟؟
ج : - خيط أبيض.
.............................

س : - طيب حاجه ضعيفه وطوووويله ولونها أسود أيه هيه ؟؟
ج : - ظل الخيط الابيض .
............................................
س : - طيب ليه القطر بيوقف فى المحطة ؟؟
ج : - عشان ما بيعرفش يقعد.

س : - طيب وليه بيمشي مرررة تانيه ؟؟
ج : - لأنه زهق من الوقوووف.


....................................

س : - طيب بيضه وقعت من الطياره ومانكسرتش ليه ؟؟
ج : - ربك ستر.
.....................................


س : - طيب أزاي نحط فيل في التلاجه على ثلاث خطوات ؟؟
ج : - افتح الثلاجه ،،، نحط الفيل ،،، نقفل التلاجه .


س : - طيب أزاي نحط الفيل على اربع خطوات؟؟
ج : - نفتح الثلاجه ،،، نطلع الغزال ،،، نحط الفيل ،، نقفل الثلاجه .
س : - طيب طياره شايله اجهزه كهربائية ،،حصل عطل فني فيها فلازم نرمي أثقل حاجه نرمي ايه؟؟؟
ج : - نرمي التلاجه عشان فيها الفيل.

س : - واحد قاعد بيعوم في البحر وفجأه مات... ليه؟؟
ج : - لأن الثلاجه الي فيها الفيل وقعت عليه .


س :-أزاي نقعد 4 فيله فى عربيه جيب؟؟
ج: نركب اتنين وره واتنين قدام


س : - طيب ومين الي يسوووق ؟؟
ج : - الي معاه رخصه


.................................................. .......

س : - أيه هي الحاجه الي بتعوم على وش المايه وأول حرف منها ق ؟
ج : - قطعة خشبه.
س : - طيب وأيه هي الحاجه الي بتعوم علي وش المايه وأول حرف منها ب ؟
ج : - برضه قطعة خشبه.

س : - طيب وأيه هيه الحاجه الي بتعوم علي وش المايه وأول حرف منها ن؟؟
ج : - نفس قطعة الخشب.


س : - وايه هيه الحاجه الي تعوم على وش المايه وأول حرف منها هـ ؟
ج : - هي هي نفس قطعة الخشب.


س : - طيب ايه هيه الحاجه الي بتعوم على سطح الماء وأول حرف منها ي ؟
ج : - يا أخي انت ما بتفهمش ، قلت لك قطعة الخشب

اما نشوف الردود بقى ولا صحيح انتو بخلا انا نسيت بلا ردود بلا كلام فاضي هو انا استاهل اصلا

[شيواو]

thinks for yoy i lika that

[ElGhAtEs]

Merci pour votre réponse et le mot de passe vous belle miel

Regards / Elghates

[ElGhAtEs]

النملة الكاذبة

هذه قصة يرويها رجل حدثت امامه واقعه مؤثرة ليست فى عالم البشر ولكن فى عالم الحشرات وخاصة عالم النمل ذلك المخلوق البسيط المسالم ؛فتعالو نتعرف على هذه القصه وماذا فعلت النملة الكاذبة؟؟؟؟

.. يقول : في أحد المرات كنت جالساً في البرية وأقلب بصري هنا وهناك ، أنظر إلى مخلوقات الله وأتعجب من بديع صنع الرحمن ..



ولفت نظري هذه النملة التي كانت تجوب المكان من حولي تبحث عن شيء لا أظن أنها تعرفه ... ولكنها تبحث وتبحث .. لا تكل .... ولا تمل ..



يقول وأثناء بحثها عثرت على بقايا جرادة .... وبالتحديد رجل جرادة ... وأخذت تسحب فيها وتسحب وتحاول أن تحملها إلى حيث مطلوب منها في عالم النمل وقوانينه أن تضعها .... هي مجتهدة في عملها وما كلفت به ... تحاول ... وتحاول ..



يقول : وبعد أن عجزت عن حملها أو جرها ذهبت الى حيث لا أدري واختفت .. وسرعان ما عادت ومعها مجموعة من النمل كبيرة وعندما رأيتهم علمت أنها استدعتهم لمساعدتها على حمل ما صعب عليها حمله .. فأردت التسلية قليلاً وحملت تلك الجرادة أو بالأصح رجل الجرادة وأخفيتها .... فأخذت هي ومن معها من النمل بالبحث عن هذه الرجل .. هنا وهناك ... حتى يئسوا من وجودها فذهبوا .
.


لحظات ثم عادت تلك النملة لوحدها فوضعت تلك الجرادة أمامها .. فأخذت تدور حولها وتنظر حولها .. ثم حاولت جرها من جديد .. حاولت ثم حاولت .. حتى عجزت .. ثم ذهبت مرة أخرى ... وأظنني هذه المرة أعرف أنها ذهبت لتنادي على أبناء قبيلتها من النمل ليساعدوها على حملها بعد أن عثرت عليها ... جاءت مجموعة من النمل مع هذه النملة بطلة قصتنا وأظنها نفس تلك المجموعة .. !!



يقول : جاءوا وعندما رأيتهم ضحكت كثيراً وحملت تلك الجرادة وأخفيتها عنهم .... بحثوا هنا وهناك ... بحثوا بكل إخلاص .. وبحثت تلك النملة بكل مالها من همة .. تدور هنا وهناك .. تنظر يميناً ويساراً .. لعلها أن ترى شيئاً ولكن لا شيء فأنا أخفيت تلك الجرادة عن أنظارهم ....... ثم إجتمعت تلك المجموعة من النمل مع بعضها بعد أن ملت من البحث ومن بينهم هذه النملة ثم هجموا عليها فقطعوها إرباً أمامي وأنا أنظر والله إليهم وأنا في دهشة كبيرة وأرعبني ما حدث .. قتلوها .. قتلوا تلك النملة المسكينة .. قطعوها أمامي .... نعم قتلوها أمامي قتلت وبسببي ... وأظنهم قتلوها لأنهم يظنون بأنها كذبت عليهم !!


سبحان الله حتى أمة النمل ترى الكذب نقيصة بل كبيرة يعاقب صاحبها بالموت!!








/منقوووووووولة\
/********\
/******\
/****\
/**\
/*\
|
.
.
.
.
.
ــــــــــــــــــــــ

[omaro]

مين اللى قال انك ما تستاهلش ياعم شوية فرفشة زى اللوز والموز والعنب كمان
من فضلك استمر فى الفرفشة دى علشان انا لما بكون مخنوق بحب ادخل علشان اشوف مواضيعك اللى زى الموز

[انا بسمة]

بجد هفطس من الضحك
ده انا ضحكت بصوت عالي والله على الحاجات الحلوة ديه فرفسنا كمان وكمان يا غاطس
تقبل مروري.......