الاحــــــتـــــــــياج للــحــــــــــــــــــــ ـــــــــــب.الحلقه 2

[الاميرة سومة]

مساء كل حاجة حلوة فى الدنيا ...
مساء الحب والجمال على أحلى أعضاء وأحلى أخوات فى الدنيا فى أجمل مكان فى العالم ..

اهلا بيكم فى الحلقه الثانية من البرنامج
ويارب
افضل اقدملكم مواضيع تحبوها ومهمه بالنسبه لأى شخص






حلقه النهارده حلقه مميزة جدا ومحتاجه نقاش كبير ومحتاجين نسمع اراء

بعض فيه ونعرف ايه هوه السبب الرئيسى لكدا


وامتى بنفكر فيه وليه



اعتقد كدا كلوكوا عارفتوا انا هتكلم عن ايه

الاحــــــتـــــــــياج للــحــــــــــــــــــــ ـــــــــــب....


مواضيعنا كلها في الحب و الرومانسية و قضايا الحب بشكل عام بس النهاردة موضوع مختلف شوية هوضح فيه شوية حاجات كدا بتغيب عن بالنا كتير وبتوقعنا فى مشاكل كتير


ساعات فى بعض علاقات الحب نلاقى نفسنا جينا عند النص ووقفنا مش قادرين نكمل وزهقنا وخلاص بنتلكك لبعض وده بيرجعله اسباب كتير اوى بس انا النهاردة جبت الحاجة الغامضة شوية وهى الاحتياج للحب نشوف الفرق الاول



الفرق بين الحب والاحتياج للحب

الحب
شعور جميل بيتولد بين شخصين من غير اتفاق مشاعر بتطلع بالتبادل بتاخد وبتدى ومن غير ما تحسب انت اديت ايه واخدت ايه
القلب فيه مضخة بتضخ الحب لجميع اجزاء الجسم مع الدم عقلك بيفكر فيه /عينك دايما عليه/ شفايفك دايما تنطق باسمه/ رجليك دايما تروح للمكان اللى هو فيه
مشاعر جميلة بتطلع من غير قصد ومن غير ما تتحسب ومن غير حتى ما تصرحله انك بتحبه
مشاعر رقيقة لعلاقة بريئة بعيدة عن المصالح والمجاملة والروتين
الحاجة الوحيدة اللى تحس فيها انك على طبيعتك وبحريتك وبتعيش اسعد لحظات حياتك


الاحتياج للحب:
شعور بيحسه الانسان الوحيد ويمكن يكون عايش مع ناس بس مش حاسين بيه او مش حواليه
بيحس انه محتاج لقلب يشاركه همومه والامه ووحدته اوقات فرحه يديله حنان وحب وعطاء ولكن ..............واه من قسوتها لكن
ربما بعد ما ياخد ويحس بكل اللى كان فاقده ميبقاش محتاج للقلب ده فى اى شئ ودى مش خيانة او جحود دى غلطة ابتدت من الاول الطرفين ملهمش ذنب فيها
هو حس باحتياج لحب وحنان ولقاه في انسان من غير ما يتاكد اذا كان بيحبه ذاته او لا

كتير مننا بيغلط اوى وبيخلط الامور ببعضها ومش بيتاكد من مشاعره ويندفع لدخول فى تجربة وهو مش مدرك انى دى مسؤولية كبيرة اوى مش مجرد كلمتين حب وخلاص
ومن هنا جه الفرق بين الحب والاحتياج للحب
كتير مننا بيحس ان بابا وماما واخواتى مش سائلين فيا
اصحابى كل اللى طالع عليهم الهزار مش بيتكلموا جد ابدا كل اما احكى لحد على حاجة يتريق ويهرج

نفسك تلاقى حد يسمعك يحس بيك ترمى نفسك فى حضنه لما تحتاجله
وتشكيله همومك
بس مش كدا


الصورة تم تصغيرها تلقائيا. انقر على هذا الشريط لعرض الصورة بحجمها الأصلي. ابعاد الصورة الأصلية هي 567×48 وحجمها 7 كيلوبايت.
يا اخى ......... يا اختى
اوعى تورط او تروطى نفسك فى حاجة انتى مش قدها اتاكد من نفسك الاول قبل ما تربط حياة شخص بيك
محتاج لحب دور عليه في اللى حواليك اكيد فى ناس بتسال عليك جرب تحكى لحد بلاش اصحابك
اهلك حتى



عجبتنى جدا اغنية ( شوق وحنين لعنيكى وليل ورا ليل بناديكى واه مشتاق الاقيكى هنا جاى اناديك بحنانى وشوق وغرام خلانى اخاف لو يوم تنسانى انا )

واغنية مسلسل بتقول (ولاحد يشيل عنك همك الا اللى دمه من دمك)

دور على الحب فى اخواتك فى مامتك فى باباك اكيد لو انت حتى بدات هما كان هيبادولك نفس الشعور
اسال على الناس هيسالوا عليك
ومتقربش لعلاقة حب الا لو .............
كنت واثق ومتاكد من مشاعرك
ويارب اكون ساهمت ووضحت حاجة محدش كان واخد باله منها
سلام
وعايزه اشوف انتوا كمان رايكم ايه فى الموضوع ده


مع خالص حبى

[ابو تريكه]

انا موافق وبشده ع الكلام ده وياريت تستمرى وربنا يوفقك

[الاميرة سومة]

ماشى يا جمييييييييييييل
بجد انت منور مواضيعى ورافع معنوياتى
بجد بشكرك اووووووووووووووووووى

[out of love]

موضوع جمييييييل اوووووووووى
بس وحش اووى حب الاحتياج ظلم كبير لطرف من الطرفين
بس لازم الاحد يفكر قبل مايحب ومش يقول وبس
يعمل كمان لان الحب مش بالكلام وبس
ميرسى ياقمر
ع فكرة مواضيعك جامدة اووى

[الاميرة سومة]

ميرسى يا قمر