عايز رايكم كلكم محتاااااااار اعمل ايه

[ElGhAtEs]

كان يا ماكان في سالف العصر والاوان مش فاكر ايه بعد كده المهم



الحكاية بدات لما كان معايا شوية رصيد تاعبيني وقعدت اطلب اي رقم في ارقم وعايش ام هند

وبعد كده طلبت رقمها ورد عليا صوت ملائكي حسيت بعديه انا نايم هايم كانت الحياة منتهى الذة ام هند
هي قالت الووو ان سكت وبعدين
وبعدين

















































قالت الو بردوه عادي يعني وانابردوه سكت واخدت اول 10 مكالمات اسمع بس تقريبا كنت عايش دور الاخرس ولا ايه مش عارف

ورغم كده ما غلطتش ولا شتمت ولا رد يا طور رد يا بهيم ولا حاجة هي تقول مين وانا اقول مش انا بس ف سري

المهم مرة ف مرة لقيت نفسي مربوط بيها وقعدت اكلمها واقولها على اي حاجة تخطر على بالي
اي حاجة ف اي حاجة
مثال لاول مكالمة في صوت من الطرفين


رنيت
فتحت
قالت الوو ايوه
قلت الوو ايوه
قالت انت مينانا قلت انت مين مش انتي مين قالت انت اللي طالب وانا قلت انت اللي طالب وهي كل ما تقول كلمة انا ارد زي صدى الصوت هي اتهبلت وقالت لازم في عيب في الشبكة وانا قلت لازم في عيب ف الشبكة
انا ماكنتش عارف اقول ايه غير اعيد كلامها
وبعدين قفلت
اتصلت تاني بعد10لا دقايق وحلفت اتكلم كلام مبتكر من عندي مش صدى صوت
وقالت الو
انا قلت / انا بعد ما جيت من البحر امبارح افاجئ ان مفيش حد ف البيت وكنت واقع من الجوع وقلت السمك اللي معايا ممكن ينفع و سلقته بعدين قليته وبعدين شويتهم ورميتهم في الزبالة وقعدت بجوعى طب اعمل ايه
لقيتها ردت وقالت طيب ما تجيب ديلفري
انا رديت وبزهول وقلت/ ايه ؟ انتي عبرتيني قصدي مش متضايقة مني يعني
قالتي لا انت تعرفني
قلتلها / انا احمد من القصير وعندي 16 سنة فاولى سنوي رايح تانية علمي باذن الله 170 سم 52 كيلو وبروح البحر 3 مرات في اليوم وبس وبس
وانتي/
ضحكت ضحكة اجمل من الجمال احلى من الحلا وة انا بعديها حسيت اني هموت اتشليت ف مكاني جاني شلل رعاش
وكل ده في اقل مكن 6 ثواني
قلتلها انتي اسمك ايه
قالتلي ليه
قولتلها طيب بصي يا سارة
قالتلي انا مش سارة
بصي ياريم
انا مش ريم
بصي يا انجي
ولا انجي
طيب بصي يا سارة مشيها سارة وخلاص مش هتكشي
خلاص يا سيدي سارة سارة
شكرا ليكي
على ايه ده انت اللي اخترت الاسم
انتي بقي منين
نعم
اوكي خليها من القاهرة انا بخمن كده
اوكي مشيها بردوه القاهرة
عندك كام سنة
اوفر عليكي خليها 16 بردوه
وديه كمان مشيها
الله يكرم اصلك
المهم بقى يا سيدي انت عايز ايه
مش عايز حاجة
عايزك تجاريني ف الكلام بالعربي كلى بعقلي حلاوة خديني على اد عقلي
ليه
عايز اسمع صوتك
صوتي
اه غريبة ديه؟
طيب
اديك سمعته كد كفاية
تيت تيت تيت تيت تيت تيت تيت
قفلت السكة في وشى
ما زعلتش واتصلت تاني بس هاكمل المكالمة ديه ف توبيك تاني اصلي تعبت من الكتابة
مستني رايكم في طريقة كلامي مع حد ما اعرفوش والحد ده بنت وفي الموبايل..
مستني الردود بس ارجوكم ما تنفضوش

[نور نور]

ههههههههههههههه ايه ده لا بجد عسل انت عملت ايه يابني في الثانويه العامه ولا انت لسه هتدخل لسه لابجد ربنا معاك
وبعد كده لما يبقي معاك رصيد مغلبك تبقي حولهولي مش هقولك لأ وانا اقدر ازعلك برده
بجد دمك زي العسل بس انت لسه صغير وبعدين بصراحه مش بيعمل حركه انه يتصل باي رقم غير البيبهات بكره تكبر وتدخل الكامعه وهتعرف الكلام ده انشاء الله

[ElGhAtEs]

ميرسي يا نور على الرد ده وعلى انك الوحيدة اللي عبرتيني بين الحبايب دول كلهم مع العلم اني رديت على مواضيع معظمهم







بس هو انتي متاكده انه في ف الجامعة كلام ده

[نور نور]

ميرسي يا نور على الرد ده وعلى انك الوحيدة اللي عبرتيني بين الحبايب دول كلهم مع العلم اني رديت على مواضيع معظمهم







بس هو انتي متاكده انه في ف الجامعة كلام ده

خليها عليك انت المره دي
اه دي الجامعه اساسا عملوها علشان كده امال انت فاكر ايه

[spider2009]

وانا رديت اهو يا باشا
فعلا انت لسه صغير
لما تدخل الجامعه هتشوف اللي عمرك ماشوفته
فاهم اللي عمرك ماشوفته
روتانا سينما يعني

[broken_heart]

يابنى نفض للكلام ده وركز فى الكابوس اللى انت داخل عليه ولسه لما تدخل الجامعه ياما تشوف بطل واعقل كدة وكبر دماغك بس انا حاسه ان ده هيطلع مقلب منك مش عارفه ليه؟

[ElGhAtEs]

مقلب؟
الله يسامحك وعلى العموم بكره هتكبري وتعرفي ايه هو معني الحب
ههههههههههههه
بس بجد الكلام ده بجد مش مقلب والله

[broken_heart]

اكبر ايه يابنى ده انت قد عيالى انا عديت بكل اللى انت بتقول عليه ده ولو الموضوع جد يبقى انت تفكيرك هايف اوى ان انت تتصل باى حد وخلاص اكبر شوية واستغفر ربنا على الكلام ده

[رشة جريئة]

بص بقى انا اصغر منك بسنة واقلك هي بتستعبط عليك صدقنى وانته كمان بلغت فى كلامك اوى مكنتش تقول على اسمك وسنك وممكن تكون اكبرمنك صح ولا ايه

[ElGhAtEs]

بالظبط كده لانها كانت باينة من صوتها انها عندها حوال19 20 سنة كده وميرسي لمرورك