منك لله

**Mr.Mo0ody** · 30 - 7 - 2009, 05:15 PM

منك لله

كلمه لا يمكن ان تقال بين حبيب وحبيبة

كلمه من الصعب جدا سماعها من اعز شخص لك فالدنيا

كلمه ... يمكن ان تقتل قلب وتوقفه عن النبض لمجرد سماعها من من تحب

هل جاء الوقت ان اسمعها منك

ما استدعى ذلك

منك لله !

كلمه صعبه قوى قوى

حبيب حبيته وعشقته يقولك منك لله

حبيب يقولك انت اللى دمرتنى من لله

حبيب قلبه يقسى ويقولها لحبيبه

ده يبقى ايه

كان فين الحب .. كان فين القلب والعشق

كان فين الحنان والأمان

لما حبيب يقول لحبيبه

منك لله ... قلبي بيتقطع من جوة ماللى انا حساه
ماشي ومش شايف انا قدامى ولا حواليا
بقى سهل عليك .. انك تجرحنى وتظلمنى انا هنت عليك ... كان نفسي تجرب احساسي صعب عليا

يااااااااااااه

كلام فعلا يوقف النبض من القلب

كلام يمحى كل معانا الحب والحنان والعشق

كلام مافيش اصعب منه فعلا

فكرك حبيبك لو قالك منك لله هتعمل ايه !

انا مش عارف بجد

ولا حاسس انى ممكن اقولها

لكن لازم اقولها ولازم اقول منك لله فعلا

لأنى كنت عايش 8 شهور فاكر نفسي انى ضيعت الحب من ايدي ...فاكر ان انا ظالم وقاسي وكنت عايش ندمان ومش عارف اعيش خالص

لكن الحمد لله ربنا ظهرلي الحقيقة وعرفت انى فعلا كتير على الأنسانه دي

عرفت انها فعلا ولا حاجه ولا تسوي شئ من حبي واخلاصي ليها

عرفت انها اكبر خائنه فى تاريخ الحب

فعلا ً

منك لله

وحسبي الله ونعم الوكيل

انا مش ندمان على اي حاجه غير الأيام اللى انا كنت عايش فيها حزين

او اى وقت كنت بفكر فيها

او كنت فاكرها انها فعلا انسانه

لكن للأسف فى ناس ماتستحقش انها تتسمى بأسم انسان اصلا

والحمد لله على كل شئ

**الاميرة سومة** · 30 - 7 - 2009, 05:33 PM

انا مش عارفه اقولك ايه يا موووودى وكانك بتتكلم عنى وعلى اللى حصل معايا انا كمان عايزة اقول منو لله
انا مش عارفه الناس دى قلوبها ايه ازاى تقدر توهمك بالحب وهما اكبر خونه فى الكون بجد منهم لله
ده انت جيت عالجرخ ودوست اووووووووووووى يا مووووودى
بس تسلم ايدك

**sunlight** · 30 - 7 - 2009, 06:32 PM

انتو بتقولوا كدا علشان انتو مش مصدقين الحقيقه
الحقيقه انه مفيش حاجه اسمها حب اصلا

وخصوصا فى الزمان ده
الحب الحقيقى مش هيبقى موجود غير فى الافلام وبس
وخصوصا الافلام الهندى

**EmY_LoVe** · 30 - 7 - 2009, 08:33 PM

ميرسي يا موودي موضوع مميز وجميل

**بحر الحنان** · 31 - 7 - 2009, 01:22 AM

ايه ياجماعة التشاؤم ده كله
لا يامودي القلوب القاسية دي
بتتوجد عشان نفضل في الحزن
لكن احنا مش لازم نستسلم ليها
ولا نعلق حتى عليها
خلاص انسى اللي كان وفكر في بكرة
ربنا يسعدك يامودي ويوفقك يارب

**~~ZOORA~~** · 31 - 7 - 2009, 01:38 AM

أنا بساند رأى بحر الحنان

مش لازم نستسلم ونقع

والحمد لله انو احنا بخير والايام مفيش أسرع منها

وانشاء الله كلنا هنحب ونتحب
ونحب تانى ونقع تانى وتالت
والايام دول

**كابوس الحرامية** · 31 - 7 - 2009, 02:17 AM

ربنااا معاااااك يامودى اكيد احساس صعب
انا حسيته في يوم من الايام وبرضه بقول
حسبي الله ونعم الوكيل
منهم لله

**الاميرة سومة** · 31 - 7 - 2009, 05:25 PM

لا يا جماعه انا مش معاكو فى اللى انتو بتقولوه
ازاى هنحب تانى وتالت والايام بتعدى كلو كلام بيتقال عشان تهونو الجرح لكن الحقيقه مبيحسش بالجرح الا المجروح
وبجد ربنا يصبر كل اللى داق الجرح

**ريماس** · 31 - 7 - 2009, 05:33 PM

سومة صوبعك مش زي بعضها ميسيرك هتلاقي انسان بيحب بجد ايه ياجماعه كل ده انا سيبت اللي حبه وتقريبا بقالنا اسبوعين مش بتشاؤم ده م معني كده اني مش زعلانه لا زعلانه بس انا مش بشيل حد همي وبعدين ليه كل اللي انتوا عملينوا ده هو اللي خسران مش انتي خسرك

**saso164** · 31 - 7 - 2009, 06:58 PM

ياااااااااه يا مودى انت جيت على الجرح اوى
انا فعلا بقوله منك لله
وحسبى الله و نعم الوكيل
لكن للأسف فى ناس ماتستحقش انها تتسمى بأسم انسان اصلا

عندك حق في كل كلمه قلتها
موضوع بجد جميل اوى

الموضوع: منك لله

أدوات الموضوع

منك لله

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة