اجابات مواطن مصري مقهور شوفوا قال ايه

[الغاطس]

يقال إن87%من الشعب المصرى ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى .

تقرير :45% من الشعب المصرى مصابون بمرض السكرما تعليقك ؟
ــ آدى اللى خدناه من" الحلوانى " اللى بنى مصر .

ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .



ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .

ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .




ما أهم قاعدة موجودة فى مصر ؟
ــ ان مفيش قاعدة لأى حاجة

ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .

لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .




أين يمكنك أن تلاحظ سوء نية المصريين ؟
ــ عندما يغنون للطفل البرىء بمنتهى الخبث قائلين .... يارب يا ربنا " تكبر وتبقى زينا .




ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.




امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)





امتى هناكل جوافة من انتاج مزارع توشكى ؟
ــ لما نلاقى المشمش!!!!!





ما العلاقة بين عصام الحضرى وسمن روابى ؟
ــ الطعم فلاحى وتحدى .




هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" ..




ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة .




ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .




ما الفرق بين الزوجة المصرية والزوجة اللبنانية ؟
ــ 40 كيلو جرام على الأقل .



بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .





لماذا يقال عن الشعب المصرى انه شعب فوضوى ؟
ــ علشان بيكره " النظام

[Sezer]

ههههههههههههههههههههه
موضوع جامد
تسلم يا برنس

[iLWda3]

هههههههههههههه
لالالالا بجد جااااااامد وحلو اوي....تسلم ياجميل على التوبيك العسل ده,

[قمر الليالى]

حلو اوى تسلم

[عاشق ليالى الصبر]

بجد جااااااامد وحلو اوي....

[spider2009]

سياسه يا عم
الحق البوكس جه
اخلع انا بقي
سلااااااااااااااااام

[نيمو]

يسلموا توبيك هايل تقبل مرورى بس خد بالك لحسن الحكومة هتلمنا كلنا وانت اولنا انت عشان كتبت واحنا ردينا عندك حد يطلعنا ولالالالالالالالالالا ربنا يستر تقبل مرورى

[الغاطس]

شكرا لمروركم كلكم
وانا ولله الحمد ولا حكومة تلم ولا شعب يهم ولا الخلق اللي يقول معايا بم
نيهاهاهاهاهاها نيهاهاهاهاهاها

[saso164]

ههههههههههههههههههههههههه هههههههههههه
و انا معاك يا معلم
لا حكومه تلم و شعب يهم ولا اتخلق اللى يقول بم

توبيك جميل اوى
تسلم يا باشا

[الغاطس]

طبعا طبعا
شكرا لمرورك وتحياتي لكم