حبيتك ...........وما تستاهليش

[ThE LoSt]

ما تستاهليش حبى ليكى او حتى تنزل دمعه واحده من عنيا عليكى
حبيتك اه حبيتك واديتك حاجات كتيره نقصاكى كملتها انا ليكى
حبيتك اه حبيتك وعلمتك الحب الى قلبك كان مايعرفوش كان ناسيه
فكرته انا بيه وعلمته ازاى يحب وما علمتوش يخون واتارى ده
كان فيكى انتى طبع وما كنتش منه واخد بالى
كنت بخلى كل حاجه فيكى حلوه علشان عيون قلبى هيا الى كانت شيفاكى
فعلا ما تستاهليش حبى ليكى
ياااااه ده انا كنت بخاف منك عليكى فضلت سنين وسنين واعرف بعد
كل الحب ده انك اكبر صدمه وخدعه انخدعتها فيكى
بجد بجد حرام عليكى خليتى قلبى يخاف يحب بعديكى
جرحتى قلبى كسرتيه خدعتيه وكمان عينى ياما دمعت مش عليكى
على الحب الى الى حبيتهولك وانتى والله ما كنتى تستاهليه
عينيا دى الى كانت ما تقدرش تغمض عنيها الا لما تبص عليكى
ما كانتش تنام الا لما تكون اخر عيون وقعت عليها هيا عينيكى
كنت لما اشوفك قلبى بيبقى عايز يصرخ ويسمع كل القلوب الى فى الدنيا
يقولهم بحبك بحبك بحبك لكن دلوقتى كل ذره حب فى قلبى اتحولت لكره ليكى
اوعى تفتكرى انى زعلان عليكى لا انسى قلبى خلاص نسيكى
خليكى كده فى الحياه مش هتلاقى الى يحبك ويكون بيخاف زى انا عليكى
ما اقدرش اقولك مش هاتحبى لا اكيد هاتحبى لكن هتلاقى
الى حبيته بيجرح فيكى ويعذبك ويخدعك ويكسر قلبك زى ما قلبى كسرتيه
وده مش كلامى ده كلام الى قبلى وقبلك من سنين وسنين وسنين كما تدين تدان

ما تستاهليش حبى ليكى او حتى تنزل دمعه واحده من عنيا عليكى

[dr_manoon]

رائع رائع رائع احسنت يالوست وهستنى المزيد تسلم ايدك ياباش والله جامده جدا

[ThE LoSt]

مشكوره جداا على مرورك يا دكتور الى بجد اسعدنى والى ادانى شويه حماس

[Serag Magdy]

يا ابني انا قربت اعيط
بس بجد كلام مالوش حل
حاجة كدة الف الالف يا ابني والله
تسلم يا معلم

[ThE LoSt]

ربنا يخليك يا عمدتنا والمفروض الموضوع ده تبروز علشان انت مريت عليه وده شرف كبير ليا والله
ومشكور يا جميل على ردك الجميل ده

[ROSE WHISPER]

يسلمو عالكلام الرائع الجميل

[jewel_lowis]

لاء كلام جميل بجد
تسلم

[طيف عابر]

طبعا محمد كلامه كله احاسيس
وبيكرس كل مشاعره وبيجسدها بالكلمات الرائعه وينسجها باحساس وذوق عالي
تسلم الايادي يا رب

اوعى تفتكرى انى زعلان عليكى لا انسى قلبى خلاص نسيكى
خليكى كده فى الحياه مش هتلاقى الى يحبك ويكون بيخاف زى انا عليكى
ما اقدرش اقولك مش هاتحبى لا اكيد هاتحبى لكن هتلاقى
الى حبيته بيجرح فيكى ويعذبك ويخدعك ويكسر قلبك زى ما قلبى كسرتيه
وده مش كلامى ده كلام الى قبلى وقبلك من سنين وسنين وسنين كما تدين تدان

ما تستاهليش حبى ليكى او حتى تنزل دمعه واحده من عنيا عليكى

[ملكة القلوب]

والله روووعة انت بجد مبدع
وتعرف تعبر عن شعورك كويس اووى
ماشاء الله عليك
ربنا يحفظك
انتظر منك المذيد ومتحرمناش من جديدك الرائع

[!i..DEEP SECRET..i!]

.... يا لها من غبيه .. من خانت شخص مثلك .....

إتأثرت جـــدا بكلامـــك

وصدقنى زى ما دخلت قلبك بسهوله ... هتعرف تطلعها بكل سهوله

... وأكييد مش كل البنات زيها .. فى الحلو وفى الوحش ...

تسلم على مواضيعك اللى زادت من جرحــى بالرغم من إعطائهالى بعض الأمل


دمت مبــــــــــدعـا ووفيا للأبـد


تحياتى الحاره لــك

وتابع تقدمك

فى حفظ البارى