حاجة غريبة حاجة تغيظ

[maahes]

ياجماعة حاجة غريبة والواحد بيستغرب منها ألاوهى ان الواحد يشوف عدد المشاهدات لموضوع معين فيرى ان العدد تعدى المائة بمراحل ، طيب يالا بنا ننظر الى الردود لنفس الموضوع فيرى ان العدد لايقارن بعدد المشاهدات فممكن ان يكون العدد لايتجاوز أصابع اليدين اى بنسبة عشرة فى كل مئة مشاهدة.
بالله عليكم اليس أمر عجيب بل هو غريب، هل ممكن احد يجاوبنى ماهو السبب ، هل الأعضاء الذين لايردون الم تعجبهم المواضيع ،افترض معك ان المواضيع لا تعجبكم طيب ياعم انتقد الموضوع بنقد بناء قل ولو حتى كلمة بسيطة مع أبداء نقدك .
اليس من حق كاتب الموضوع معرفة رد فعل كل شخص على موضوعه، اليس من حقه معرفة مدى تأثير موضوعه فى الأخرين من خلال ردودهم، ام هذه سلبية لدى بعض الأعضاء أم ماذا؟
فهل من اجابة هل من أفادة؟أكرمكم الله.
ولكم منى جميل الشكر

[Ali Pharouq Najar]

مش شرط يا محمد .......
ممكن يكون اللى بيقرا الموضوع مش من أعضاء المنتدى ..
علشان كده لا يملك صلاحية كتابة ردود أو تعليقات ....

و أحيانا كما عرضت فى موضوع سابق ...يكون ..
الصمت أبلغ من الكلام ...

تقبل مرورى ...
على

[قطقوطة]

هى فعلا حاجة تغيظ بجد
بس زى ماقال علي ممكن فعلا يكونو زوار ومن الاعضاء وبيتابع الردود
بس فعلا حاجة تضايق معللش بقة هنعمل ايه؟
تقبل مرورى ياجميل

[كابوس الحرامية]

والله هو شيء مش كويس
بس الموضوع اتكلمنا فيه كتير
ويبقى الحال على ماهو عليه
بترجع لكل شخص ووطريقة تفكيره
وربنا يهديهم ويردو
جزاك الله خيرا

[hadede]

من ناحية هى مشكلة ام لا
فياريت لا تعتبرها
مشكلة
صحيح كل انسان كتب موضوع وتعب فيه
بكل تأكيد
بيحب اثراء الموضوع بالردود الهادفة
وفى نفس الوقت تلاقى البعض
بينقل مواضيع كتيرة وينزلها
فيصعب القراءة وحتى الاستفادة
موضوع هادف وطرح كثيرا
نأمل ان يتوصل الاعضاء والمشرفين الى حل
يؤدى الى استفادة الجميع
دمت فى حفظ الله ورعايته

[ساندىsh]

ممكن اللى بيشاهد الموضوع مش لاقى الكلام المناسب اللى يقولو علشان كدة ما بيردشتقبلى مرورى

[botta]

هى تغيظ فعلا
و الرجاء من الأعضاء حتى و لو كلمة شكرا















شكرا














بجد مشكور يا محمد لطرح الموضوع يمكن المرة دى تكون بفايدة بقى

[جلال عزت]

السلام عليكم ورحمة الله و بركاته...

يشرفنى و يسعدنى ان اول مشاركة ليا فى الكافيه تكون فى قسم المناقشات او الكافية كما هو اسمه و تكون فى موضوع حضرتك كمان...

و اسمحلى اتكلم بتفصيل شوية بما ان المجال مفتوح للنقاش طبعا...

المشكلة كما حضرتك ذكرت بتكون فى ان المشاهدات كتير و الردود قليلة جدا، يعنى مثلا بنلاقى 3 او 4 بس اللى ردوا و المشاهدات ممكن تكون وصلت 30 و ساعات 40 .. و ده فى حد ذاته بيكون شئ مستفز فى قسم نقاشى، المفروض ان موضوع طرح للمناقشة و قضية اجتماعية او مشكلة بنتكلم فيها لازم نلاقى ردود من الناس و محاولة للتفكير بالكتابة و المشاركة على غرار مبدا التفكير بصوت عالى.

فى هنا من اخواتنا فى الكافية ناس قالت سبب و هو ان اللى بيدخل زوار، طيب ده جايز .. بس الاعضاء دورهم ايه؟!!!

المفروض انى كعضو دخلت قسم فى مناقشات يبقى اناقش و اتكلم و اتحاور علشان احسس صاحب الموضوع ان موضوعه له اهمية مش اى كلام، بل و ده ممكن يظهر اكتر لما الاقى الاعضاء اللى دخلوا بيناقشوا بعض هما كمان مش بيكتفوا بمناقشة صاحب الموضوع فقط .. و ده معناه ان الموضوع اخد اهمية فعلية و فى ناس كتير استفادت منه حتى و ان كانوا بيختلفوا فى الراى.

المشكلة ان فى ناس مبتعرفش تناقش و لا تحاور اصحاب الموضوع و بيخرجوا و بيقولوا شكرا علشان صاحب الموضوع مش يتضايق و يكونوا عملوا حاجة .. طيب دى حالة ممكن نلاقيها فى مشاركة و لا اتنين، لكن لما تلاقى الموضوع بحاله مفيهوش غير مشاركة و لا اتنين بس اللى بيناقشوا و الباقى بيقول شكرا علشان بيستسهل و خلاص و عاوز يزود مشاركته .. فهل ساعتها هتكون مشكور او شكرا على الموضوع هى الحل؟!!!

يبقى الاصح و الانسب اننا نقول جملة بسيطة و مفيدة بحيث مش نعمل احباط لصاحب الموضوع من ناحية ولا يكون ردنا شكرا و خلاص و دمتم على كده و المواضيع متاخدش حقها .. و لا ايه؟!!!

بعتذر ان كنت طولت فى الكلام بس الموضوع شدنى بجد لانه متواجد بكثرة فى اى منتدى عربى او مصرى .. و اى نقطة انا مش موضحها فى كلامى يا ريت تنبهنى و هكون شاكر ليك.

بشكرك على طرحك البسيط و المميز للموضوع...

محمود...

[Licy]

فعلا عندك حق هى حاجه تغيظ
شكرا لك نايس توبيك

[الورده الخضراء]

والله فعلا .....الكلام ده صح...
بتمنى لو فى موضوع يستحق الرد..اتمنى انه يترد عليه..عشان الواحد يحس بالمجهود اللى بذله بجد
انا بحكى عن نفسى ....انا مقصره بالدخول للمنتدى.وفى مواضيع كثيره راااااااااااااائعه
ولكن للأسف نظرا لأنشغالى لا ارد عليها.
موضوعك رائع فعلا ويستحق النقاش بجد.