حوار بين اتنين طرش

[محمود.هلال]

دى حكاية اتنين اتقابلو على محطة اتوبيس


كان اتنين سمعهم تقيل واقفين على محطة الاتوبيس
الأول : الاتوبيس ده بيروح مــصر الجديدة؟
الثاني : على الحديدة !.. ليه انت طالب احسان
الأول : بذرة الكتان ! لا .دي تلاقيها عند العطار
الثاني : جزار!! اه ..قوللي كده عايز تشتري لحمة
الأول : معك حق. الدنيا زحمة .علشان ده ميعاد خروج الموظفين
الثاني : نور الدين !! لا والله . ماعرفوهش
الأول : ما بتشربوش!! ليه .كفا الله الشر
الثاني : رأس البر !..ده مــصيف هادي
الأول .: عايز تركب للمعادي. دي منطقة جميلة
الثاني : بليلة ! انت شكلك كده جعان
الأول : عيان!!! أي والله .انت باين عليك عيان .طيب ما تروح للدكتور
الثاني: الحنطور! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه . عايز تولع؟
الأول : أدلع ! أدلع عليك انت!؟ انت ما تملاش عنيا
الثاني :يقبضوا عليا !! ليه !؟
الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش
الثاني : خيش!! والله ده صوف انجليزى
الأول: بنتك زيزي! ربنا يخلي..
الثاني : أنتاج محلي .!! ده مستورد
يمر شاويش من بتوعنا يلفت انتباه الحوار، : بتعمل ايه يا جدع منك له!
الاتنين: ايوة يا شاويش ...احنا مستنين الأتوبيس
الشاويش :! نهاركم مش فايت جواسيس !!! قدامي على قسم البوليس

[قمر الليالى]

هههههههههههههههه والشويش كمان اطرش
تسلم ايدك يا حودة

[محمود.هلال]

هههههههههههههههه والشويش كمان اطرش
تسلم ايدك يا حودة

اه تخيلى بقى

انا خايف اكون انا كمان اطرش هههههه

نورتى التوبيك يا ساره

[قمر الليالى]

سارة مين على فكرة انا جبت اخرى تصبح على خير قبل ما افرقع فى وشك

[محمود.هلال]

سارة مين على فكرة انا جبت اخرى تصبح على خير قبل ما افرقع فى وشك

معلش والله ااصل انا مش فى المود خالص بقالى فتره

اعذرينى معلش يا قمر

[قمر الليالى]

ولا يهمك يا حودة تصبح على خير

[محمود.هلال]

ولا يهمك يا حودة تصبح على خير

و انتى من اهل الخير

[saso164]

ههههههههههههههههههههه
بجد جااااااااااامده اخر حاجه
تسلم يا محمود

[محمود.هلال]

ههههههههههههههههههههه
بجد جااااااااااامده اخر حاجه
تسلم يا محمود

تسلمى يا ساسو

[Sezer]

جــــــــــــــــــــــــ ــــــ اخر حاجه ـــــــــــــــــــــــــ ـــــامد
تســـــــــــــــــــــــ ـــــــــ يا حوده ـــــــــــــــــــــــــ ـــــــــــــــــــــلم