يللا يا بنات نضحك على الولاد (الحرب قامت يا بنات)

[broken_heart]

شوفت بقى انك مش عارف ترد وبتقول اى كلام وخلاص

[Sezer]

ايوه بس البنت مثال للرقه

بس متفهميش فين الرقه دى
ممكن البنت تعمل كده بره
بس فى بيتها اجراك الله
1/بتسابق مع اخواتها على السفره
2/لو المعالق لسه مجتش تقعد تلقط اى حاجه باديها انشالله باميه
3/وطبعا بقها بيبقى هيفرقع من كتر الاكل
3/ لما تخلص تكسل تقوم تغسل اديها(عداوه بينها وبين الميه والصابون) فتمسح اديها فى هدوم اخوها الصغير الغلبان
5/وتمسك ازاة الحاجه ساقعه واربع اربع اربع
وبعد كده تحدث الحادثه الشنيعه بصوت عالى والناس لسه بتاكل
فكله يقرف ويهزئها

[broken_heart]

كل عيش وخليك فى حالك ولو البنات بتعمل كدة امال الولاد بتعمل ايه بقى بتاكل برجليها ولا ايه؟

[Sezer]

هههههههههههههههه
هو فى اجمل من الولاد


على الاقل احنا فى البيت زى فى الشارع


مش انتوا

[محمود.هلال]

على رأيك والله يا ايهاب

[broken_heart]

يا بنى البنت فى البيت زى الشارع بس انتوا اللى اخدين فكرة خاطئه بكرة تكبروا تعرفوا

[محمود.هلال]

و نعرف ليه

مش مهم نعررف انتم ملكمش حوجه اصلا

[broken_heart]

ههههههههههههههههه على اساس انك بتعرف تعمل حاجه من غيرنا تعرف تعمل اكل لنفسك طبعا مش شاندوتشات اكل اكل يعنى تعرف تغسل هدومك تعرف تكوى تعرف توطب اوضتك ده كله احنا اللى بنعمله ليكوا وغيرة كتيرررررررررررررررررررررر رررر طبعا

[محمود.هلال]

على فكره

انا بقالى يومين قاعد فى البيت لوحدى عشان اهلى كلهم فى فرح

و انا اللى بعمل كل حاجه لوحدى انتم اللى مكبرين الحكايه اوى

[broken_heart]

وطبعا هتلاقى البيت يضرب يقلب وكل حاجه مش فى مكانها اصلا واول ما يرجعوا البيت مامتك هيغمى عليها من على الباب (بعد الشر عليها طبعا ) وباباك هيجرى وراك ويحدفك من البلكونه واختك ممكن تجرى وراك بالسكينه عادى بقى بس ابقى خبى كل السكاكين وايد الهون ويارين على مايرجعوا تنقل الدور الارضى ومش تنسى تعين المقشه والمساحه وكل الحبال اللى عندكوا