قصيده " يا شعبى " !!!! للشاعر مبارك ؟؟؟

**sunlight** · 6 - 8 - 2009, 06:28 PM

ياشعبى حبيبى
ياروحى يابيبى
يا حاطك فى جيبى
ياابن الحلال

يا شعبى يا شاطر
يا جابر خواطر
ياساكن مقابر وصابر وعال

يا واكل سمومك
يا بايع هدومك
يا حامل همومك
وشايل جبال

يا شعبى اللى نايم
وسارح وهايم
وفى الفقر عايم
وحاله ده حال
احبك محشش
مفرفش مطنش
ودايخ مدروخ
واخر انسطال
احبك مكبر دماغك
مخدر ممشى امورك كدا بالتكال

واحب اللى ينصب
واحب اللى يكدب
واحب اللى ينهب
ويسرق تلال

واحب اللى شايف
وعارف وخايف
وبالع لسانه
وكاتم ما قال
واحب اللى قافل عيونه
المغفل
واحب البهايم واحب البغال
واحب اللى راضى
واحب اللى فاضى
واحب اللى عايز يربى العيال

واحب اللى يائس
واحب اللى بائس
واحب اللى محبط وشايف محال
واحبك تسافر
تبعد تهاجر
وتبعت فلوسك دولار او ريال

واحبك تطبل
تهلل تهبل
عشان مطش كوره
وفيلم ومقال

واحبك تايد
تعظم
تمجد
توافق
تنافق
وتلحس نعال
تحضر نشادر
تجمع كوادر
تلمع تقمع
تظبط مجال

لكن لو تفكر
تخطط
تقرر
تشغل مخك
وتفتح جدال
وتبداء تشاكل
وتعمل مشاكل
وتنكش مسائل
وتسال سؤال
وعايز تنور
وعايز تطور
وتعملى روحك مفرد رجال

ساعتها هجيبك
لا يمكن اسيبك
وراح تبقى عبره وتصبح مثال
هبهدل جنابك
واذل اللى جابك
وهيكون عذابك ده فوق الاحتمال
وامرمط سعادتك
واهزاء سيادتك
واخلى كرامتك فى حاله هزال
وتلبس قضيه
وتصبح رزيه
وباقى حياتك تعيش فى انعزال

هتقبل هحبك
هترفض هلبك
هتطلع هتنزل
هجيبلك جماااااااااال :-

>>><<<>>><<<>>><<<>>><<<
متنسونيش بالعيش والحلاوه والردووووووووووووووود

ساره

**King MeZo** · 6 - 8 - 2009, 06:31 PM

دخلنا فى السياسة مش هيبقى ايقاف بس ده هيبقى كمات حبس
توبيك جامد والله

**Sezer** · 6 - 8 - 2009, 06:36 PM

ههههههههههه
سمعتها قبل كده على اليوتيوب
وعجبتنى اوى

تسلمى يا قمر

**ديدى** · 6 - 8 - 2009, 06:39 PM

نايس توبيك
بجد حلو اوى

**fulla** · 6 - 8 - 2009, 06:40 PM

حلوه اوى يا sun light قصيده تجنن

**ديدى** · 6 - 8 - 2009, 06:43 PM

نايس توبيك

**قمر الليالى** · 7 - 8 - 2009, 02:16 AM

حرام عليكى نفسك دة انتى لسة صغيرة يا شابة

تسلمى يا سارة يجنن

**ريماس** · 7 - 8 - 2009, 05:55 AM

انا ولا اعرفك ولا عمري شوفتك اه هيا ناقصه ده انتي كلها يومين ونلاقيكي في امن الدوله وانا مش مستقليه بعمري

تسلمي ياقمر

**برنسيسة الكافيه** · 7 - 8 - 2009, 12:46 PM

انا مليييييييييييييييييييش دخل
متورطناش يا جماعة
انا ببلد محايد
مرسي ليكي على الاغنية دي فظييييييييعة وجامدة جدا يا سارة
انا عيزاكي كده جريئة ووضحة بس مدخلينيش معاكي

**برنسيسة الكافيه** · 7 - 8 - 2009, 12:47 PM

رح اجبلك عيش وحلاوة

الموضوع: قصيده " يا شعبى " !!!! للشاعر مبارك ؟؟؟

أدوات الموضوع

قصيده " يا شعبى " !!!! للشاعر مبارك ؟؟؟

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة