مجموعة صور من المنصورة

[samamasr]

شكرا جزيلا ليكم على مروركم وتعليقاتكم جميعا بجد

وإن شاء الله جميعا تيجوا وتشرفوا المنصورة


لكن بجد الصور المنصورة طالعة فيها وحشة مش زي الطبيعة


**

دي المنصورة قديما


دي السكة الجديدة لكن قديما جدا..وأكيد يعرفها أهل المنصورة




ده العباسي برضه قديما جدا




**

ده مبني المحافظة

وبرضه الصورة طالعة وحشة والله معلهش




وده جامع النصر جامع شهير بعد المحافظة



وهنا دي في بداية توريل





برضه ده من مداخل مدينة المنصورة من طريق سندوب للمحافظة



هو ده تقريبا والله أعلم الطريق إللي بيودي على تقسيم عبد السلام عارف والإستاد وكدة..بس هو دلوقتي معدش اسمه تقسيم عبد السلام عارف وانا مش عارفة بقى اسمه ايه



ثواني هضيف مجموعة صور تانية بإذن الله

[samamasr]

ودي صور صغيرة..برضه جايباها من البحث على النت

دي صورة من جزيرة الورد..أو حديقة شجرة الدر جوة جزيرة الورد..مش عارفة بقى


برضه تقريبا والله أعلم..متهيالي سمعت المعلومة دي مرة..

إن جزيرة الورد كان فيها صخرة الملتقي بتاعة ابراهيم ناجي المفروض..مش فاكرة بقى

بس على فكرة..لو قريتوا كتاب عاشوا في حياتي لأنيس منصور هتلاقوه زاكر جزيرة الورد فيه وخلاص المهم يعني

وزاكر مناطق كتيرة في المنصورة المهم يعني



ودي صورة لمصيف جمصة..عادي يعني مصيف زي بقية المصايق..بس تسميته ليها حكاية برضه والله العظيم هقولها في الرد الجاي لما أحط صورة أكبر ليه بس هو عادي يعني




دي صورة تانية للكوبري والنيل ..كوبري طلخا ده



دي صورة تانية لتمثال أم كلثوم



ودي دار ابن لقمان إللي تم فيها أثر لويس التاسع ملك فرنسا




ثواني بعد إذنكم يعني هضيف صور تانية في رد تاني إن شاء الله

[samamasr]

ودي صورة قديمة برضه لقيتها على النت..المنطقة دي برضه قرب ميدان أم كلثوم والهابي لاند..أكيد أهل المنصورة عارفينها




يعني بلاش أصغرها علشان آخد اللينك على طول وإنتم تاخدوها كبيرة

[samamasr]

دي صورتين برضه لقيتها لبحيرة المنزلة

هي تقريبا المنزلة مشهورة بالثروة السمكية تقريبا..آه آه تقريبا آه

[علي مدكور]

صور جميله جداً واكيد الطبيعه احسن من كده،،

والمنصورة من اجمل محافظات مصر،

شكراً

[samamasr]

ربنا يخلي حضرتك يا أستاذ علي

ويخليكم جميعا

[samamasr]

آه صح

دي صورة كبيرة لمصيف جمصة

ومصيف جمصة برضه ليه قصة

القصة هي..زي ما قرأتها يعني..إن أيام الحملة الفرنسية ما جت على مصر..ودخلوا هنا المنصورة..مروا على جمصة..فقال الجنود الفرنسيين J'aime ca يعني أحب هذا..أو أحب هذه البلد

واتحورت مع الأيام ..ل جمصة

[samamasr]

دي بقى صور حي الجامعة بالليل...المنطقة اللي جنب الجامعة..ومعااها صور لفندق رامادا..ده فندق كبير افتتحوه هناك يعني

ده حي الجامعة من ناحية النيل



وده فندق رامادا..مش عارفة هما حاطين له صور كتيرة ليه أصلا على موقع الجامعة..هحطه برضه

[samamasr]

ندخل بقى جامعة المنصورة

هوريكم منظر الجامعة بالليل جميلة جدا

وعلى فكرة جامعة المنصورة اتعمل فيها اسبوع شباب الجامعات العربية لما اتعمل في مصر..وده دليل على جمالها


وهي مساحتها بسم لله ماشاء الله كبيرة يعني


المهم دي الجامعة بالليل

[samamasr]

فيه صور للكليات وكدة..مش عارفة مالهاش داعي ولا أضيفها

معلهش لو برة الموضوع بس أهي صور برضه جوة جامعتي

**

والمنصورة على فكرة تعتبر مدينة طبية ممتازة على فكرة

فعامة دي صور للقلاع الطبية تعتبر بمدينة المنصورة

كنت حطيت صور المستشفيات بس شلتها قلت مالهاش داعي..بس عامة..فيها مراكز طبية معروفة على مستوى مصر ومركز الكلى اللي بيديره دكتور غنيم معروف على نطاق واسع جدا