علشان انت مصرى ؟

**عصفورة صغيرة** · 7 - 8 - 2009, 11:24 AM

هو الحقيقة يا جماعة انا زهقت ومليت من الأماكن اللى بشوفها كل

يوم قلت اروح اشوف ابو زعبل ........

قلت هروح ازاى اروح ازااااااى
الى ان وجدت هذة القصيدة قلت اجيبهالكم
وبعدها اكيد هروح

عشان انت مصرى... لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الأغانى

بتاع الحضارة وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدأ فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش مية تشطف صابونة فى إيديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصلة

أدى المترو واقف وكهربته فاصلة

وفى الميكروباص خناقة وحاصلة

أوتوبيس فرامله عايزالها وصلة

وتوك توك ده تايه ومحتاج لبوصلة

بتوصل لشغلك بدم اتحرق

فى زحمة وكتمة وحر وعرق

رئيسك سايبلك كومة ورق

ده غير دمغة ضايعة وملف اتسرق

وفيه كام مواطن عامللك قلق

بيشكى تقول له روح اندعق

وعركة وهوجة وشاى اندلق

ومخك خلاص م الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تِهاتى ياناس اتهريت

ولا حد سامعك مهما هاتيت

عشان انت مصرى وده للاسف

فلازم تقاسى تعيش تتقرف

وكل الأساسى فى حياتك ترف

فتنسى الكرامة وتنسى الشرف

وتسرق وتنصب أو تنحرَف

ودمعك بيجرى وجرحك نزف

مش انت اللى مصرى؟؟؟

تتك القرف .........

للشاعر الجميل
احمد فؤاد نجم

اكتبو ردود بقى

**King MeZo** · 7 - 8 - 2009, 11:28 AM

الله الله الله
دى ايه الوطنية دى كلها
نيس توبيك

**عصفورة صغيرة** · 7 - 8 - 2009, 11:32 AM

المشاركة الأصلية كتبت بواسطة King MeZo

الله الله الله

دى ايه الوطنية دى كلها

نيس توبيك

اللى مضيعنا انه مبقاش عندنا انتماء
اه والله مبقاش عندنا انتماء على رأى احمد عز

ميرسى اوى اوى اوى لمرورك king mezo

نورت التوبيك

**love_egy** · 7 - 8 - 2009, 02:39 PM

هههههههههههههههههه فعلا علشان احنا مصريين فبنقول كده

توبيك جميل اووووووووي

تقبلي مروري يا قمر

**مصطفى لطفى0** · 7 - 8 - 2009, 02:57 PM

لالالالالالا دة انتى تروحى فى طيارة
بس كتخفيش هنجبلك عيش وحلاوة

**عصفورة صغيرة** · 7 - 8 - 2009, 05:39 PM

المشاركة الأصلية كتبت بواسطة menna yahia

هههههههههههههههههه فعلا علشان احنا مصريين فبنقول كده

توبيك جميل اووووووووي

تقبلي مروري يا قمر

طبعا طبعا لو مصر مش كانت كده مين هيكون كده

نورنى مرورك يا قمر

**عصفورة صغيرة** · 7 - 8 - 2009, 05:40 PM

المشاركة الأصلية كتبت بواسطة مصطفى لطفى0

لالالالالالا دة انتى تروحى فى طيارة

بس كتخفيش هنجبلك عيش وحلاوة

هههههههه
لالا وهخاف من ايه بس !!!
دا نت فى مصر يعنى الامان كله

ميرسى لمرورك الجميل دا

الموضوع: علشان انت مصرى ؟

أدوات الموضوع

علشان انت مصرى ؟

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة