اكلة حلوة

**لؤة** · 8 - 8 - 2009, 01:36 PM

طريقة بسكويت الزبدة الهش بيطلع جميل جدا و خفيف و بيبقي حلو مع الشاي او حتي لوحده و اسيبكم مع الوصفة و الصور

المقادير:
250 جرام زبدة طرية مش سايحة (في درجة حرارة الغرفة)
3 معالق كبيرة حليب سائل
فانليا
2 وربع كوب دقيق
كوب نشا
كوب وثلث سكر بودرة

للتزيين حبيبات سكر ملونة

الطريقة:
تخلطي كل المكونات مع بعض كويس جدااااااا لحد ماتحصلي على عجينة متماسكة ناعمة جدااااا
هاتقسميها نصين و تبرميها بالشكل ده و تلفيها في بلاستيك

وتحطيها فى التلاجة لمدة لا تقل عن ساعة وممكن اكتر عشان تمسك كويس و تبقي سهلة لما تيجي تقطعي
و بعد ماتخرجيها من التلاجة تجيبي صنية و تبطنيها بورق الزبدة

و تفكي البلاستيك عن العجينة و تقطعي بالشكل ده

و ترصي القطع فى الصنية بالشكل ده

و بعدين تضغطي عليها عشان تكون رقيقة بالشكل ده

ودي صورة حبيبات السكر الملونة

نزوق بيها البسكوت بالشكل ده

و ندخلها الفرن اللي احنا مدفيينه من قبلها بنص ساعة على درجة حرارة 180 لمدة 10 دقايق لربع ساعة و بعدين نشغل الشواية على الهادي الوش ينشف مش يحمر ركزوا فى النقطة دي احنا عايزين الوش ابيض او سمني
وده شكله بعد ماخرج من الفرن

و ده شكله من تحت عشان تعرفو انه استوي

و الف هنا و شفا

و دي صورة من قريب

اتمني تعجبكو و تجربوها بجد حلو جداااا و المقادير دي تعمل 3 صواني بالشكل ده يعني حوالي 70 بسكوته و بتنفع قوي فى الفطار لو مالكيش نفس جنب الشاي و حلوة وهاتعجب ولادك جداااا لانها خفيفة و لذيذة

**شيري العسولة** · 9 - 8 - 2009, 04:14 PM

تسلمى يا جميل بس الصور مش ظاهرة خالص
وياريت المرة الجاية تكتبى عنوان الموضوع يعبر عن محتواه وشكرا

**Pretty Nona** · 16 - 8 - 2009, 07:24 PM

تسلم الايادي

الموضوع: اكلة حلوة

أدوات الموضوع

اكلة حلوة

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة