اتكلم 6 ساعات من غير ما رصيدك ينقص

[3asheq Elrasol]

عايز تتكلم لمدة 6 ساعات من غير ما تدفع ولا قرش من الرصيد ؟

طبعا مش هاتصدقوني بس أعملو زي ما بقول خطوة خطوة وعلي ضمانتي الرصيد مش هايخلص ولا الشركة هاتمسكو وتسحب الخط ولا الجن الأزرق هايعرف حاجة عن الموضوع ده (مش عارفه ايه الوش دا بس اهي حاجة لونها أزرق وخلاص )
بس إوعو تقولو إني أنا اللي عرفتكو الحركة دي لحسن يقبضو عليا وأروح أنا في الباي باي وأقعد أغني ظلموه

الخطوات: امشو واحدة واحدة معايا ومحدش يلخبط:

1- قبل أي حاجة إقفلو الموبايل عشان الدنيا ما تبوظش .
2- إفتحو الجهاز و خرجو الشريحة .
3- حطو الشريحة في كوباية تمر هندي ((لأ بهزر أوعو حد يروح ويعملها))حطوها أحسن في كوباية ماء مغلي لمدة ساعة كاملة عشان تموت الجراثيم اللي عليها وتعرفو تتكلمو براحتكو .
4- بعد ساعة طلعو الشريحة من الكوباية وطبعا هتكون مبلولة .
5- عشان تنشفو الشريحة حطوها في الشمس لغاية ما تلاقو لونها بقي أسود .
6- مبروك شريحتكو اتحرقت .
7- إرمو الشريحة في الزبالة و روحو إتكلمو من الخط الأرضي (تليفون البيت العادي) لمدة 6 ساعات .

وبكده تكونو اتكلمتو 6 ساعات من غير ما تدفعو ولا قرش من الرصيد بتاع شريحة الموبايل.
هاهاهاهاهاهاهاهاهاها يا حبكم للبلاش!!



شربتوا المقلب يا حلوين
محمود

__________________

[كوك]

جميلة اوى وشكرا على المقلب

[broken_heart]

اقول عليك ايه وانا اللى قولت هتكم بقى وهعيش ماشى يا عم وانا غلطانه اى بدخلك مواضيع اساسا ههههههههههههههه ميرسى يا عسل التوبيك جامد

[رشة سكر]

مشيت خطوه بخطوه معاك ولما وصلت للتمرهندي ... شربتوا وروقت دمي ... ولما وصلت للميه المغليا ... حطيت فيها بكت شاي ليبتون ومعلقتين سكر سكر سكر

[NANY]

تسلم علي التوبك دا

[قرآن ربى حياه قلبى]

شكراااااااااااا ع المقلب
بس جامد

[ابو تريكه]

ههههههههههههههههههههههههه هههههههههههههه

قديمه العب غيرها

موضوع لذيذ يا حوده

[3asheq Elrasol]

كرا لمروركم

[mahmoud_sadik]

تصدق التمر كان عاوز شوية سكر بس انت الي خليته عسل شكرا علي التوبيك

[سمسمه النونه العسوله]

حسبى الله ونعم الوكيل فيك كنت هتحرق الشريحه بتاعتى والله العظيم انا كنت اموتك سب يالا انا فضلت ماشيا معاك لحد التمر هندى قولت بس ده مقلب بلاش بقى
وبعدين مين العبيط الهيعمل حاجه زى كده وكمان ميا مغليه ليه الشريحه عوزه تعمل حمام دافى فى الكوبايه عوزه تخس ولاايه








شكرا ليك يا محمود بجد توبيك رائع تسلم ايدك يا مان