اخطب لبنتك وما تخطبش لابنك ...... مشكلة ولابد لها من حل

[شيري العسولة]

السلام عليكم
ياعساسيل

بمناسبة ظاهرة العنوسة

العنوسة يعني عدم الزواج الي سن مرتفع يعني مش شرط ولد او بنت

مش شرط راجل والا ست

واحنا عارفين ان ظروف الحياة بقت صعبة اوي

وبردو الناس الطيبين بقت زي ما نقول كدا انقرضوا يعني مش دايما بنعثر عليهم

ايه رأيكم في المثل اللي بيقول اخطب لبنتك وما تخطبش لابنك

ياتري لو في يوم من الايام جيتي لقيتي باباكي بيقول لحد معرفة انه عنده بنته للجواز هتوافقي والا لا وعلي فكرة

ممكن يكون الشخص اللي والدك عرض عليه الجواز منك تكوني انتي نفسك بتتمنيه

بس ياتري هتوافقي والا لا

مواصفات كويسة واخلاق (دا الي باين لحد الان )

وعريس زي ما بيقولوا تتمناه اي بنت

توافقي والا تحسي باحراج

وفي بنات تقول لو حصل نصيب يمكن في يوم من الايام يعايرني بالموقف دا

بس افتكري ان محدش لاقي جواز دلوقتي

وان غالبية مشاريع الحب اليومين دول بتبوء بالفشل

انا بتكلم عن ظاهرة معينة لكن في حاجات غريبة كدا بقت بتحصل

تلاقي مثلا الام لو جه حد قريب عندهم

زي ما بنقول كدا بتعرض البنت للزواج ( وربنا يارب ييسرها لك بنات المسلمين اجمعين)

ودا موضوع هناقشة بعدين

بس مش دا قصدي هنا

دا بالنسبة للبنات

بالنسبة للولاد بقي

توافق علي كدا

ان حد يقلك عندي اختي او بنتي كويسة جدا

توافق علي كدا

بس حاليا اغلب اراء الشباب يقلك انا لازم اعرف البنت الاول

بس في النهايه الغالبية بيحصل جواز الصالونات

احنا مش هنتكلم عن دا

انا بتكلم عن ان لو انت مثلا بتدور علي عروسة بلاش بتدور دي هنقول عايز تتجوز وتستقر وحد عرض عليك بنته او

اخته هتوافق والا لا

وبنته ( لحد الان بردو) محترمة واخلاق

عادي بردو والا هتحس زي ما بنقول كدا ان البنت رخصت في نظرك

علي العلم انها في الحالة دي مش ليها اي ذنب

اهلها بس عايزين يطمنوا عليها ودا مش عيب

الناس تعمل ايه عايزة تطمن علي بنتهم

والام زي ما بتقول نفسي اطمن عليك قبل ما اموت


مستنية ارائكم وبجد عايزة اعرف فيها احراج والا لا

وربنا يسترها علي بنات وشباب المسلمين

ربي لا تزرني فردا وأنت خير الوارثين

ولكم كل الود

[كابوس الحرامية]

ياختي انشالله عنى ماتجوزتلا طبعا انا ضد الفكرة ديمينفعش خالص والله ومن غير ميكون فيه عانس ولا حاجة عادي يعني الفكرة نفسها سواء انا صغيرة او كبيرة انا ضدها ساعات ممكن البنت تفكر انها عاوزة تتجوز وخلاص فتدبس في راجل تشيل بقيت عمرها غلطتها حتحس وقتها انها اتسرعت
في احيان اخرى ممكن يتحول لحب او اعجاب
واحيان كتير بيتحول لعذاب مدى الحياه وباالاخر كل حاجة بايد ربنا وربنا يرزقنا جميعا بخير الازواج الصالحين
تسلمى ياشيري يا عسل

[شيري العسولة]

والله يا نونى يا حبيبة قلبي انا معاكى فى كل كلمة ياقمر
وربنا يرزق كل البنات المسلمين بالازواج الصالحة
تسلمى ياقلبي ع المرور اللى يجنن ده

[متعب]

بعد اذنك ياأخت شيرى انا هرد على السؤالين
بالنسبه للبنات انا شايف انه امر عادى
وده كان موجود ايام الرسول وده ليس به اى حرج
بس بشرط ان العريس يكون عاقل شخصيه عاقله يعنى



بالنسبه للسؤال التانى ان حد يقلك عندي اختي او بنتي كويسة جدا

توافق علي كدا
انا شايف نفس الكلام برضه بالعكس انا احترمه جدا
ولو فى نصيب يبقى على البركه

فى النهايه بشكرك على الفكره الرائعه دى
مواضيعك بجد رائعه

[ηάdά]

اكيد انا مع نهى فى رأيها وضد الفكره لأنها اولا بتفقد الأتنين حق من حقوقهم الطبيعيه وهى اختيارهم لبعض
ده غير انه ممكن الشاب يوافق تحت ضغط خجله من والد البنت فأكيد هيجى عليه وقت يحس فيه انه اتسرع ويندم
ده بخلاف البنت اللى اكيد هيكون احساسها سىء جدا من انها اتفرضت عليه
وميرسى يا شيرى بجد توبيك مهم اوى تسلم الأيادى يا قمر

[mona roshdi]

شيرى كالعادة موضوعك حبيبتى فى منتهى الروعة
وانا طبعا مع الرأى اللى بيقول اخطب لبنتك طالما انسان صالح وبيعرف الله اعرض علية كما فعل الرسول الكريم علية افضل الصلوات كما خطب لبنتية
شكراااا لك
على الموضوع العسول اللى ذى حبيبتى عسل

منى رشدى

[mahmoud_sadik]

والله الناس دي بتقول كلام زيي الفل بالعكس الموضوع ده كويس جدا لان ممكن مثلا يجي يتعرض عليه بنت كويسة وبنت ناس انا مكنتش واخد بالي منها ولا حاجة يابنات متبقوش سطحيين شوفوا الموضوع ده هيحل اد ايه مشاكل من مشاكل الشباب يعين مثلا لو باباكي لقي شاب كويس ومتدين وابن ناس ومحترم وفيه صفات جميلة وعرض عليه انه يجوزه بنته وانت شوفتيه ولقتيه فعلا شاب يستحق انه يبقي معاكي بقاي العمر ايه المانع بقي وشكرا علي الموضوع الجميل ده وتقبلوا مروري

[ايما واتسون]

لا طبعا الفكره دى مرفوضه تماما هو يعنى جواز و السلام فى حاجه اسمها اختيار و بعدين لوالبنت ماتجوزتش بطريقه طبيعيه يبقى بلاش جواز خالص لانها كده بتفقد كرامتها و بتفرض نفسها مع ان المفروض العكس
مشكوره على الموضوع يا شيرى

[mahmoud_sadik]

لا طبعا الفكره دى مرفوضه تماما هو يعنى جواز و السلام فى حاجه اسمها اختيار و بعدين لوالبنت ماتجوزتش بطريقه طبيعيه يبقى بلاش جواز خالص لانها كده بتفقد كرامتها و بتفرض نفسها مع ان المفروض العكس
مشكوره على الموضوع يا شيرى

اقولكم لعلي نصيحة خليكوا كده لغايت لما تعنسوا

[نور نور]

ههههههههههههه حلو اوي التوبيك ده الموضوع والله مش سهل يعني مثلا انا رفضت الجواز اللي بالشكل ده مش بالظبط يعني ان واحد يقول لحد من قرايبي عندك بنت او حد تعرفه او كده انا رفضت الكلام ده كله وكمان رفضت ناس اتقدمتلي يعرفوني لكن انا مكنتش اعرفهم وسيبت كل حاجه ودورت علي الحب ووكنت واثقه في حبيبي وانه هيتقدملي لكن فعلا كلها قصص فاشله ودلوقتي ندمت علي ناس كويسه اتقدمت وانا رفضت علشان واحد في الاخر سيبنا بعض وبقيت لوحدي بجد احساس يخنق خصوصا لو كنتي خرجتي خسرانه كل حاجه الحب والاحلام والثقه في الناس وفي نفسك وطبعا الوقت واحساسك وخسرتي فرص حقيقيه للجواز علشان كده ياريت كل واحده تفكر بعقلها قبل قبلها ولو واحد اتقدملك كويس وانتي بتحبي واحد ومرطبته بيه ارميه وشوفي حالك اعتبريه استبن مش اكتر لغايه ماتشوفي حالك لان بصراحه مفيش واحد يستحق انك تضحي علشانه وتضيعي عمرك والايام مش بترجع والفرص مابتتعوضش يعني مش لازم يحصل معاكم علشان تصدقوا انا رفضت اسمع كلام صحباتي قالولي مصلحتك قبل اي حاجه وانا اللي مسمعتش كلامهم ودلوقتي بندم بس الحمد لله ده نصيب
تسلمي ياشيري التوبيك رااااااااائع