أصدقائي حد يقولي أعمل أيه في مشكلتي

[عمارطه2009]

مشكلتي تتلخص في أني أزي أقنع خطيبتي أن هي تتعلم نسيت أقول أني خطيبتي أميه لا تقرأ ولا تكتب حاولت أقنعها أني هي تحاول تروح فصول محو الاميه لتعليم الكبار حتي تقرأ وتكتب أنا مش عايز يكون معاها مؤاهلات يكفيني أن تقرأ وتكتب وكل ما أقولها أتعلمي تقولي حاضر ومش عايزة تتعلم هتقولي طيب سيبها واتجوز واحدة غيرها هقولكم أني مش ينفع أسيبها لاني فيها كل الصفات اللي الراجل بيتمناها في زوجته ادب وأخلاق وطيبه فيها كل حاجه حلوة وانا كمان بحبها ومش ينفع أعيش من غيرها بس خايف ما يكونش فيه تفاهم بينا في المستقبل بسبب التعليم وأنا كنت مرتبط مرتين قبلها وخطيبتي السابقه كان معاها مؤهل زي فوق متوسط فأنا مش عارف أعمل أيه وأقنعها أزي اني تتعلم هي بتقول أني كبرت خلاص علي التعليم رغم انها لسه مكملتش 18سنه هقولهاعادي الناس بتتعلم في أي سن وأي وقت تقولي خلاص هتعلم وبعدين تتطنش فأنا مش عارف أعمل أيه _اسف لو طولت عليكم سلام

[boba_H]

بص انا من رأيي تخصصلها جزء من وقتك وانت تعلمها اوي حتي تجيبلها مدرسه مخصوص في البيت بس افضل لو كنت انت هتتقبل منك اكتر وانت هتقدر ترغمها وبعدين انت ممكن تقولها لو انت بتحبيني بجد هتعملي اللي هيسعدني وانا هبقي مبسوط لما تتعلمي وصدقيني انت هتحسي بالفرق لما تتعلمي وخلي بالك طويل معاها

وربنا معاك ويوفقك
وابقي اعزمنا علي الفرح

[غزل]

انا من راى لو انت بتحبها لازم تصبر عليها وتخدها معاها بلتدريج اعتقد هى مش لدرجة الطفل فى التعليم لكنها احسن كتير اكيد بتعرف تتكلم وتشوف اية الغلط من الصح اول حاجة لازم هى تقتنع بلتعليم لانها عمرها معتتعلم طول ماهى مش حباة لازم تعرف ان فية اطفال جيين ان شاء اللة لازم تكون ام مثالية ليهم وتحببهم فى التعليم والدراسة ويكونوا احسن منها ومنك سورى وبعدين لازم تعرفان التعليم عينفعها هيا شخصية العموم ربنا يوفقك وكون طيب معاها عشان تحب الى بتقولهولها ومتحسسهاش برق التعليم الى مبنكم واتمنى انكم تشاركوا فى موضوعى وهو ما هو الحب عستنا مشاركتكم

[عمارطه2009]

أولا ميرسي جدا يا جماعه علي ردكم اللي أسعدني وانا شاء الله هحاول أعمل ذي ما أنتو قولتو وشكرا جدا ليكو

[goliet]

انا رايي تروح لها وتاخدها من اديها وتوديها بنفسك متقلهاش وتسبها كده مرها ما هتروح

[عمارطه2009]

أولا ميرسي جدا يا جوليت لأهتمامك بالرد علي مشكلتي وفكرتك حلوة أوي هاروح أخدها وأوديها بنفسي المدرسه وميرسي جدا ليكي

[نونا الشعنونه]

حاول انت تبدأ معاها
اهم حاجه انك تقنعها بالتعليم
و حاول انك انت اللى تعلمها

[عمارطه2009]

شكرا جدا يا نونا لأهتمامك بالرد علي مشكلتي وانشاء الله هعمل ذي ما قولتي وهعلمها بنفسي

[روكي]

بص هي ديه مشكلة ولو مسيطرتش عليها قبل الزواج هتتعبك اوي بعد الزواج صحيح الادب والاخلاق والطيبة مهمين ولكن التعليم ايضا مهم جدا ع الاقل عشان ان شاء الله لما تنجبوا اولاد اولادكم ميضايقوش ان والدتهم مش متعلمه حاول معاه بكل الطرق انها تتعلم مثلا خاصمها يومين وقالها انا زعلان منك عشان انتي مش راضية تتعلمي وشوف رد فعلها اه فهمها فائدة التعليم هتستريح كتير بعد الزواج وربنا يوفقكم ويسعدكم وانا اسفه عشان طولت عليك

[عمارطه2009]

ميرسي جدا يا روكي لأهتمامك بالرد علي مشكلتي وأنا معاكي أني هي فعلا مشكله كبيرة ومش عارف أقنعها أزاي تتعلم ومش عايز كل شويه أكلمها علي التعليم علشان متحسش أن في فرق بينا وفي نفس الوقت أنا زعلان أوي من جواي علشان المشكله دي ومش عايز أخليها تحس بكدة ومع ذلك لازم أخد موقف في المشكله دي وأخيرا شكرا جدا ليكي يا روكي ويا رب دايما أيامك تبقي كلها حب وفرح وسعادة يا رب