تعالوا نشوف ايه اللى بيحصل للمشرفين اما يقومو من النوم

**3asheq Elrasol** · 19 - 8 - 2009, 12:27 PM

بسم الله الرحمن الرحيم
هزار طبعا
يوميات مشرف فى المنتدى
اول ما قام من النوم لقى الموبايل بتاعه بيرن
فلقى الادمن بتاع المنتدى بيتصل بيه
المشرف : اصطبحنا واصبح الملك لله ....صباح الخير يا فندم
الادمن :خير هيجى منين الخير ياسى زفت
انت سايبنى ونايم الله يخرب بيت اللى شار عليا الشورة السودة ديه انى امسكك انت متتنفعش حتى تبقى عضو موقوف
المشرف : ليه بس يا فندم دا حتى مغشلتش وشى ودخلت على طول على المنتدى
الادمن : على العموم ادخل شوف وده اخر انذار ليك
وانتهت المكالمة والمشرف طبعا مضايق وبيقول انا ايه بس يا ربى اللى دبسنى التدبيسة السودة دي ماكنت عضو ومية مية المهم دخل على الرسايل الخاصة بتاعته بقى لقى الرسايل دي
الرسالة الاولى
السلام عليكم ...ازيك مشرفنا ... بقولك انا ضفت موضوع بس شكله نزل ثلاث مرات بالغلط احذف اى واحد فيهم ... اللى يعجبك انت بس احذف
الرسالة الثانية
مرحب مشرفنا ...بقلك شوف : فى عضو قاعدلى كل موضوع يرد عليا ويهينى قدام الاعضاء .... لو ماسكتوش هعمل حاجة محصلتش ... واقلبلكم المنتدى .. وقد اعذر من بنجر...
الرسالة الثالثة
ياااااااأبو الشباااااااااااااب ألحقنى ... كل ما ادخل المنتدى يطلعنى بره .... ومش راضى يدخلنى ايه الحكاية شكلها كدة الخول بفلوس ...
الرسالة الرابعة
مشرفنا ...ممكن لو سمحت تعدل اسمى من الحلوة الى ملكة جمال المنتديات .... مصدقة نفسها
الرسالة الخامسة
هاى عمرى ....يا رب تكون مبسوط ...بصراحة شخصيتك عاجبنى ولك هيبة فى المنتدى بس ياريت يعنى اذا عملت موضوع ثبتهولى ... على فكرة انا زعلانة محدش يثتبتلى مواضيعى

وانا مالى محدش يثبتلك مواضيعك متتحرقى انتى والمنتدى
دا رده طبعا
الرسالة السادسة
ياعم هقلك على حاجة : مش هاسلم عليك ولا حاجة انت اصلا ماتستاهلش كل ما اعمل موضوع تحذفولهى
..عجيبة والله ..
الرسالة السابعة
مساك زى الفل يا سوبر ستار المنتدى ..
بصراحة انا مكسوف منك عايز اطلب طلب بسيط ...
يعنى انا عايز اعرف ازاى المشرف بيتعامل مع المواضيع وايه الطريقة يعنى بالعربى الفصيح ..
عايز الباسورد بتاعك اذا تكرمت
(ما هو دا اللى ناقص)
الرسالة الثامنة
ياخى انت زودتها ... شايف نفسك علينا وكل مانكلمك ما تديناش وش .. ياخى الاشراف مش يعنى بقيت ملك.. اختشى على دمك بقى ... قال مشرف قاال ... انت أصلا خدام عندنا يعنى تخدمنا .. أقولك :روح هاتلى واحد شاااى
صحيح الى ميعرفش يقول عدس
الرسالة التاسعة
حبيب قلبى ...ازيك حبى ...عرفتنى؟؟انا امورة .... اقلك كلمنى على الياهو ضرورى ....بااااااى
الرسالة العاشرة
(من المشرف العام )
السلام عليكم ...أخى... الاحظ كثرة الشكاوى من الاعضاء وكثرة المشاكل ارجو تهدئة الامور بأسرع وقت ...وان تفعل اى شى لمصلحة المنتدى ...وشكرا

بعدها الحمد الله المشرف اتجنن
يعنى علشان تعرفو ان المشرفين بيتعبوا
براحة عليهم شوية مش كل اللى اوز حاجة يجرى على المشرف
مع خالص وارق تحياتى
محمود

وكل عام وانتم بخير