الاكلات النونية

[كابوس الحرامية]

miss.nony

هايات يا عثولات
بما انى علاقتي بالاكل علاقة مستقرة وقايمة على تبادل المصالح
فقررت افيدكم بخبرتي طبعا في مجال المطبخ والطهي
ودة طبعا لان فيه بنانيت كتيييييييييييييير مش بيعرفو يطبخو قررات اعلمكم حاجة تنفعكم في يوم من الايام
الاكله كالتاتي
..........

اولا السجق بالفلفل :واحده تسألني وتقولي ايه يعني السجق بالفلفل اقولها استني يابنتي واستمعى كويس


المـــــــــــقادير
سجق على حسب الرغبة
فلفل اصفر رومي وفلفل اخضر رومي برضه على حسب الرغبه
4 فصوص ثوم
ملح*فلفل اسود*رشة جنزبيل مطحون*معلقة صغيرة كاري*كمون*شطة على حسب الرغبه
معلقة زيت صغنتوتة
.......



حنجيب الاناء اللى حنعمل فيه السجق ونحط فيه معلقة الزيت الصغيرة واحدة تسألنى وتقول ليه معلقة صغيرة اقولها
لان كدة كدة السجق حينزل زيت طبيعي فملوشش لزوم يعني نكتر مش ناقصين زيادة وزن احنا
وبعدين نحط فيه التوم المتقطع حتت صغنونة خالص وقبل ميحمر نحطله الفلفل الاصفر والاخضر وعليه رشة ملح صغنتوتة
لحد مالفللفل يدبل شوية وبعدين نحط السجق وعليه كل البهارات اللى قولناها فوق ونقلبهم ونسبهم لحد مميستوي وبعدين نقدمه سخن مع مكرونة واحده حتسأ لنى وتقولي يا شيف نوني نعمل المكرونة ازاى طبعا لازم افيدها بخبرتي في عالم المكرونة واقولها اسمعي يا ستي

بس الاول بقى نشوف السجق
دي كدة وهو على النار


ودي في طبق التقديم

مكرونة نوني
كيس مكرونة صغنونه او اى نوع تحبيه
حبة طماطم متقشرة ومتقطعه
حبة فلفل رومي اخضر متقطعه

توابل جنزبيل ملح فلفل شطة كمون ربع معلقة كاري

يوضع ملعقة سمنة وتفضل تكون بلدي لان النباتي دة مبيجيش معايا سكة
وبعدين نحط الفلفل والطماطم المتقطعين وبعدين نحط معلقتين صلصه وعليهم كوبايه مايه
والبهارات ونسبها لما تتسبك شوية وبعدين نحطلها المكرونة طبعا بعد السلق واحدة تقولي ازاى نسلقها حقولها بصي يا حجه
تجيبي حلة وتحطي فيها مايه وبعدين معلقتين زيت وتسبيها لما تغلي
وبعدين تحطي المكرونة فيها ومعاها معلقه ملح وكل شوية تقلبيها عشان متعجنش منك وبعد كدة تصفيها وتحطيها تحت مايه بردة
وبعد كدة بقى تحطيها على الخلطة اللى احنا عملانها
وبكدة يا حلوين خلصنا اكلة النهاردة كلها من اعدادى

ودي وهى على النار




ودي في طبق التقديم

واختراعي وتصويري
اشوفكم التوبيك الجاي
وطبعا بعد اتباعكم لو صفتي الجميلة عمرها محتطلع زي بتاعتي لان مفيش غير شيف نوني واحد بس

الـــــــشيف نــــــوني

[_EVE_]

لا بجد تسلم ايدك وشكرا على المعلومات الهايلة دى


*اكيد حلوة لانها منك*

[قمر الليالى]

اية الحلاوة دية يا نهى تسلم ايدك يا قمر بس كنتى دوقينا

[كابوس الحرامية]

لا بجد تسلم ايدك وشكرا على المعلومات الهايلة دى


*اكيد حلوة لانها منك*

اى خدعه يا عسل وان شالله تجربوها وتعجبكم

[كابوس الحرامية]

اية الحلاوة دية يا نهى تسلم ايدك يا قمر بس كنتى دوقينا

الله يحليكي يا عسل
حبقى ابعتلك حتة في ملف ورد
تسلمي يا عسل على مرورك