قولولي اعمل ايه

[ريماس]

بصو ياجماعه بقي انا مشكلتي مشكله فعلا انا مش عارفه احلها

طبعاعرفتوا اني انا ومصطفي خلاص من مده وبصراحه انا مش بدخل بسبب ده

حاولت اعيش حياتي وكان باين انه مش في دماغي نهائي وحاولت استمر في ده بس مش قدرت اكمل استمرار

وجيه من يومين وكلمني وكان الحظ ان انا اللي ارد واتكلمت معاه بطريقه غبية اوي وحسيت اني كنت قاسيه اوي اوي

وفضلت مخنوقه وعماله اعيط وقولت الهي نفسي مع اصحابي مافيش برضو وكلمني من شويه وقالي عامله ايه من غيري

قولتله غير الكلام قالي ليه قولتله معلش وحاول يفتح مجال للعتاب وانا كنت بحاول مش يكمل في عتابه ليا لحد ماقالي عموما اللي فات مات

قولتله مات ومش هيحي لقيته سكت قولتله عايز تقول حاجه قالي انا بنسبه ليكي ايه اصحاب قولتله لا انت اخويا الكبير العاقل

قالي انتي شايفه كده قولتله اه طبعا

وقولتله انا هنام


قالي انا لسه بحبك انتي لسه شرياني ولا خلاص بصراحه مش قدرت امسك نفسي وعيط وكان فاضلي ثانيه واقوله انا بحبك قالي انتي بتعيطي مش رديت عليه وقولتله انا هقفل

باي

حد دلوقتي يقولي حل انا بحبه اوي والله بس اللي عمله مش سهل انساه اصعب حاجه الخيانه ولا قادره انساه ولا قادره انسي اللي حصل منه


حد يقولي اعمل يه

[julliet]

ايييييه اللي عملتيه دا دنتي زدتي الطين بله اللي بيحب بيسامح وانتي لازم تسمحيه
وهو شكلو بيحبك آآآآآآوي إكمنو اتصل كذا مره .. وخلاص مدام انتي عيطي يبى عرف انك بتحبيه ..
وان شاء الله هيتصل تاني بس اوعي تكرري اللي انتي عملتيه دا ...

[ريماس]

اسامح بس دي خيانه مش حاجه سهله

[julliet]

خلاص خلاص متعيطيش ليه كدا بس ...
مممممممممممممم لازم تسامحي لو كانت دي أول مره وعرفيه انو مش بالساهل يخدعك
وعرفيه كمان انك مبتسامحيش بسهوله لالا انتي عرفتيه دي خلاص
وبعدين انتي عايزه اكتر من كدا ايه اتصل عليكي كذا مره بعد شويه هيقول كفايه كدا كرامتي معتش هتصل تاني
وسعتها انت ياعيني هتندمي وممكن تقليلو انا سمحتك خلاص تلاقيه زعلان انك مسمحتهوش الا بعد فين وفين وتقعدي تراضي فيه
واللي عملتيه فيه هيعملو فيكي والحورات دي تشتغل صح كدا !
وفرضا فرضا مسمحتهوش يبقا خلاص بقا لحد فين وهتنتهي علاقتكو ...

[ريماس]

المشكله اني ولا قادره اسامحه وانسي ولا قادره انساه هو

[julliet]

ملكيش حل موتي نفسك
تعالي ع نفسك شويه وسامحيه وبعدين اكيد في يوم من الايام هيزعل منك يعني حطي نفسك مكانو ...
ولما تسامحيه قليلو انا مش هنساها منك وهتشوفي مش هيكررها تاني ..
الحب يعني التسامح والتسامح يعني الحب ..

[my baby you]

سامحيه لو بتحبيه سامحيه وفنفس الوقت برضو متسامحيش فحق نفسك وكرامتك .بس هو مدام بيحبك وانتى كمان يبقى للاش تخسرى ده بجد هتندمى .وربنا يوفقك

[cenrila]

بصي ياريمو
انتي تسامحيه المره دي بس
لكن لو حصل حاجه منه تانيه
متسمحهوش
مدام انتي بتحبيه كدا
يبقي متخليش غلطه تسيطر اوي كدا
وبعدين اديلو فرصه تانيه
خلاص لكن لو عمل فيكي حاجه تانيه
حاولي فعلا بقا تنسيه
وبعدين هو قالك انه بيحبك
وبعدين انتي كمان بتحبيه يبقي
خلاص
وبعدين اللي بيحب بيسامح
اوك ياحبيبتي

[رنونه]

بصي يا ريماس اللي بيحب لازم يسامح وانتي لازم تسامحيه لان انتي لسى بتحبيه صح
وهو كمان بيحبك ولو مكنش بيحبك مكنش اتصل عليكي وقلك انا لسى بحبك صح
ولو كررها تاني يبقى استحالة تسامحيه وبعدين كفايه انو اتصل عليكي صح
يبقى انسي اللي حصل وسامحيه لان انتي لسى بتحبيه صح ولا لا وهو كمان بيحبك صح
مستنيه ردك

[عمارطه2009]

بصي يا ريماس ربنا بيسامح وأحنا بشر مش ملائكه وكلنا بنغلط فأنتي لو بتحبيه سامحيه المرة دي ولو تكررت تاني يبقي أنتي عملتي اللي عليكي وضميرك يبقي مستريح ويا رب نشوفك في الكوشه بس أدعينا