لحظة!!!هل احسنت الاختيار!!!

**كابوس الحرامية** · 23 - 8 - 2009, 04:04 PM

لــحظة من فضــلك!!

كُـلٍ منـا يحـب ويتزوج ولكن وقتها دائما تمرق على اذاننا جمــلة وهي: ان الحب شيء والزواج شيء اخر.

لحظة هل تيقنت يوماً معـنى هذه الجملة ودققت النظر فيها.
حينما نحب نكون شخصين اذا سعدنا سعدنا وحدنا واذا حزنا حزنا وحدنا لكن لحظـة.

هـل اتقنت الاختيار ام ان مـرآة الحب عمياء كما يقول البعض حين تحب حب كما يحلو لك كن انانيا واختر لابنائك ابـاً أو امــاً غـــير صالحين حينما تحب دقق من تحب .
اعـلم جيدا ان الحب يعميك عن اخطاء وعيوب الاخرين .ولكن اذا فكرت ولو لحظة ان هناك اشخاصاً ستصحب التعـاسةِ حـياتهم بسببك او سيصبحون اشخاصاً معقدون تعساء محطمين فاقدين معني
الامان والحب الاسري . هل علمت من هم؟ هل ادركت بشاعة جريمتك في حقهم اذا اسأت الاختيار .هم ابناؤك مستقبلا.فلا تخطو خطوة وانت لا تنظر امامك..
ليس لهم ذنب اذ جائو للحياة فوجدو ابــاً وامــاً غير متفاهمين غير مدركين للحب اسم ولا معنى
مع ان في السالفة كـان لهم من الحب قسطاً وقـيراطاً وكـان لهم من التفاهم والمحبة الكثير
لكن حينما نحب نعمى عن حقيقتهم , عن طباعهم,عن صورتهم امـام المـرآة الحقيقيه
اعلم انك وقت ان تحب حــاول جـاهداً ان تختار لابناؤك والدينِ فاضلينِ قادريـن على حمايتهم وامنهم
فلا تكن انـانـياً ولا تتغـاضى عن الاخطاء والعيوب التى قد لاتتحملها وإياك ان تردد جمـلة ان بعد الزواج سيتغير الامر.نعم سيتغير انما للأسوء
قـلة منا من يتقنون فن اختيار شريك العمر ستـأتي لحظة تـرى فيها الوجوه بلا اقنعه بلا تزييف
ارجـوك لا تكن انانيـاً فكر في ابناءٍ سيـأتون ويكبرون محطمين لفقدانهم معنى الحب الحقيقي
وعندما يكبرون سيكررونَ اخطائك انت وكذلك ابناؤهم فتتسبب انت في وجود أسـر محطمة ضاع الحب بين دروبهم
ارجـــــــــــــــوك لا تــــــــــــــكن انــــــانيـــــــاً

بقـلمي

miss.nony
في انتظار رأيكم

**botta** · 24 - 8 - 2009, 01:13 AM

يا نهى يا حبيبتى انتى وقت الاختيار بتكونى شايفة الشخص ده أنسب واحد و هو و مافيش غيره و الا ماكنتيش ربطتى اللى باقى من حياتك باللى باقى من حياته

السىء بقى هو انك تكتشفى ان ده واحد تانى غير اللى أعجبتى بيه و حبتيه و وافقتى ترتبطى بيه

الحكاية بتيجى ظن و اكتشاف

انتى لو شكيتى فيه من البداية هتوقفى الموضوع بأكمله

فاهمانى ؟؟؟

ربنا يجعل حظك جميل و يوعدك بابن ال....حلال

شكرا يا قمر على الموضوع الجميل ده

**كابوس الحرامية** · 24 - 8 - 2009, 01:23 AM

بصي يا عسل
انا بتكلم عن نقطة انه في ناس بتبقى عارفه ان الشخص دة مليان عيوب وباسم الحب بتنساها وتهملها وتقول بكرة يتغير دة غلط انتي كدة مش حتجني على نفسك وبس لا حتجني على ولادك كمان ليه تختارلهم اب مش مناسب اب ميعرفش معني المسئولية ولا يعني ايه اسرة مهما كنتى بتحبيه اوقات ربنا بيوضحلنا الامور بدري بدري وبرضه بنكمل بمنتهى اسذاجة والغباء ليه انا اربط نفسي براجل انا ادرى الناس انه هو شخص غير قادر على تحمل مسئولية او كداب او اناني او خاين .....
فهمانى يا حبي تسلمي يا احلى شيموقة على المرور الكميل دة ربنا ميحرمنيش منك يا عسل

**iLWda3** · 24 - 8 - 2009, 04:54 AM

ده ايه الموضوع الكبير ده !!!
انا مش شايفه اي حاجه اقصد مش فاهمه اي حاجه

بس اللي ممكن اقوله ان اللي بيحب حد بيتغير عشانه او الحد ده بيغيره.
وكل الناس فيها عيوب بس مفيش اي انسان يرضى يرتبط بحد فيه عيوب كتير حتى لو كان بيحبه اوي يعني...والا ده يبقى اسمه عمى وجنون.

اظن كده انا قولت اللي انا فهماه يارب تكوني فهمتي رايي ولو فهمتي ياريت تفهميني انا كمان لاني مش فاهمه حاجه اصلا.هههه

تقبل مروري الملخبط والطويل ده بقى من غير الضيقه اللي على وشك دي... يلا اضحكي...اضحكي بقى يا شيخه محدش واخد منها حاجه.

**كابوس الحرامية** · 24 - 8 - 2009, 03:32 PM

يا صغنونة انتى
طيب ياختي نورتى التوبيك بمرورك العجيب دة

**botta** · 24 - 8 - 2009, 04:51 PM

المشاركة الأصلية كتبت بواسطة MISS.NONY

بصي يا عسل
انا بتكلم عن نقطة انه في ناس بتبقى عارفه ان الشخص دة مليان عيوب وباسم الحب بتنساها وتهملها وتقول بكرة يتغير دة غلط انتي كدة مش حتجني على نفسك وبس لا حتجني على ولادك كمان ليه تختارلهم اب مش مناسب اب ميعرفش معني المسئولية ولا يعني ايه اسرة مهما كنتى بتحبيه اوقات ربنا بيوضحلنا الامور بدري بدري وبرضه بنكمل بمنتهى اسذاجة والغباء ليه انا اربط نفسي براجل انا ادرى الناس انه هو شخص غير قادر على تحمل مسئولية او كداب او اناني او خاين .....
فهمانى يا حبي تسلمي يا احلى شيموقة على المرور الكميل دة ربنا ميحرمنيش منك يا عسل

ايوة فعلا يا نهى لو عارفة يبقى مش حب

يبقى سورى يعنى استهبال

ربنا ينور بصيرتنا و يهدينا جميعا للخير

تســــــلمى يا جميلة

**كابوس الحرامية** · 24 - 8 - 2009, 05:06 PM

تسلمي انتي يا عسل
ربنا معانا بقى
نورتى يا قمر

**No TiMe** · 24 - 8 - 2009, 11:45 PM

جميل ما كتبتيه نهي
وفعلا الواحد لازم يختار شريك حياتو
علشان مصلحتو اولا وبعد كدا مصلحه الاولاد
علشان ميعيش نفسو في مشاكل طول حياتو
والاولاد هيعيشو في حيره بين دا ودا
وزي ما قلتي الواحد ميكونش عارف عيوب الشخص اللي قدامو
ويستمر معاه
بس فيه عيوب ممكن الواحد يصلحها بمرور الزمن
علشان فيه عيوب صعب اوي الواحد انو يصلحها
ولا يعيش العمر كلو يصلح في عيوب الشخص التاني
ويعيشو العمر كلو في مشاكل
وربنا يوفق الجميع
توبك جميل والاجمل انو منك
تقبلي مروري علي صفحاتك

**كابوس الحرامية** · 25 - 8 - 2009, 12:51 AM

نايس رد
الله يخليك يابرنس اخجلتم تواضعنا المتناهى المتوازي نورت يا زعيم
وكل سنة وانت طيب

الموضوع: لحظة!!!هل احسنت الاختيار!!!

أدوات الموضوع