رد مع اقتباس
السلام عليكم ورحمة الله و بركاته...
طبعا بما انى ولد هرد و اقولك لا مش هينفع، عيب جدا ان راجل محترم طول بعرض و الناس بتبصله باحترام و هو اصلا اقل من اى حد فيهم من جواه و السبب انه بيمد ايده على شريكة حياته.
طبعا مش هنتكلم كتير عن الاسباب لان معظمها معروف ان كانت الشراسة او قلة العقل و اهمها على الاطلاق التصرف بنفس الطريقة اللى الاب كان بيتصرف بيها و على فكرة دى اساسى .. يعنى مفيش راجل هيضرب مراته الا اذا والده بيضرب والدته زمان و هو كان متعود على انه يشوفه بيتصرف معاها وحش و بعدم احترام لكيانها و لشخصيتها.
طبعا بيبقى فى حالات استثنائية من المدلعين او اللى فاكرين نفسهم احسن من غيرهم و بيتصرفوا كده مع زوجاتهم .. احب اقولك انى شفت بعينى حالة زى دى و كانت النتيجة ان الاب طرد ابنه من البيت و كان واقفله عليه ليل مع نهار لحد اما احترم نفسه و خلاه يبوس ايد مراته قدام عياله زى ما اهانها و شتمها قدامهم برضه علشان يرد لمرات ابنه كرامتها و يدى ابنه درس فى الاخلاق و يفهمه يعنى ايه زوجة و ازاى يحترمها.
القوى مش بفرد عضلاته .. القوى اللى يفرض على الناس انها تحترم عقليته و سلوكه من خلال تصرفاته و تعامله مع غيره و اولهم اهل بيته.
بشكرك على موضوعك يا كوكى و ان شاء الله منتظرين الافضل...
نصيحة لبنات الكافيه ترفقوا بينا شوية الرجالة غلابة...
دمتى بود...
محمود...
قهوتنا على الانترنت
المشاركة الأصلية كتبت بواسطة ايمرى شوووو
