لو عاكسك... مرمطيه

**koky 2009** · 29 - 8 - 2009, 01:29 AM

حآقولك كآم طريقه تحرق دم آو تودي في داهيه أي حد بيعكسك

ماهو جيل منيل بعيد عنك ياختي تكوني مشيه في حالك لا بيكي ولا عليكي يطلعك

الواد زي عفريت العلبه ويقعد يعاكس ويقرفك يعني زي الزقه مش بيهمد طبعاً دول

بنشفهم في كل حتة

فمثلا إذا صادفت واحد من الي بيعاكسو ويالهوووووي لو كان

من المراهقين والي لسه بياخد مصروفه من باباه وكمان وزنه زي الريشه

يعني يجي حوالي 40 كيلو وحاول يديكي رقم الموبايل بتاعه وكنتي في طريق

فرعي مافهوش زحمه ناس تعملي ايه ..؟!ّ انا اقولك تعملي ايه ..!ّ

أولا : هانصحك بحاجه وبعد كدا اقلك تعملي معاه ايه :

لازم يابنتى تتفرجي على مباريات المصارعه الحره وتتعلمي منها كام حركه منيله علشان تدمرى أي حد بيعاكسك..

لو كنتي مش بتحبي تتفرجي على المصارعه اشتركي في نادي وتعلمي لعبه الكارتيه و لا الجودو

زوئيه على الارض ... طبعا هاترميه على الارض بعد ما تديه سيف يد فى دماغه ترديه طريحاً على الأرض وياريت تكون ضربتك

له ضربه مخلبيه و قوية شويه بس اوعي تتكي على زمارة رقبته لا يفطس في ايدك و لآ حآجة بعد ما يكون مرمي على الأرض

حطى رجلك اليمين على بطنه علشان تحل البركه ورجلك الشمال استخدميها لتثبيت اديه بعد كدا اقلعي جزمتك

وطاااااااخ ومنين يوجعك لحد ما تطلعي البلا على جتته بس ياريت يكون لون الجزمه

فاتح لونها علشان ما تعمليش في وشه علامات فارقه يعني خليكي حنينه ... وفى الاخر تعمليله الفينيش بتاع الاندر تيكر

طيب لو قبلتي النوعيه دي مثلاً في حديقه او كافتريا او كازينو تعملي ايه الاول لو كان جاي بعربيه ياسلام

تبقى كملت تجيبي مسمار وياريت يكون كبير وتعالي جنب عربيته و إرسمي على الابواب وشنطه العربيه لوحه تستاهل

تتحط في متحف الشمع في فرنسا من حلاوتها يعني بعد ما ترسمي على العربيه بإيديكي الي تتلف في حرير ما يبآنش

لون العربيه الاصلي وياحلاوته لو كانت العربيه لصآحبه او ابوه او مأجرها ياخرابي

حاتطلع عنيه في تصليح ما آفسدته عملته السوده ..

طيب لو قآبلتيه مثلا في السوق اقولك تعملي ايه تخليه يمشي وراكي لحد ما تورم رجليه وتشوفي لسانه طالع لبرا 30 بوصه من التعب ...

ووشه بئى زي الطمطمايه من التعب خدي بقى رقم الموبايل والبيت و ما تنسيش كمان اسمه وروحي حالاً لمكان السفاره الأمريكيه و إكتبي رساله تهديد

بوجود قنبله في السفاره وانك فاعلة خير وان الي عملها واحد و تقولي اسمه و تكتبي رقم الموبايل بتاعه ورقم بيته

وسيبي الباقي على رجال الضفادع البشرية وحرس الحدود ورجال الأمن وكل من له صلة سوف يقومون بتغيير معالم وجهة ....

و احتمال البنتاجون يبعتو قوه من الكوماندوز تقبض عليه ويبقى يخلي المعاكسات الي قرف بيها بنات الناس تنفعه ..

طبعا حليني بقى لحد ما يثبت انه مالهوش دعوة بالتهديد دا و انه بريء لانه هايكون متهم لحد مايثبت العكس و ربنا لا يوريكم ...

بعد ما يخرج احتمال يتخرص عن الكلام خالص او يجيله حول او كساح او شلل اطفال او تلاقيه سارح في ملكوت الله ...

في طريقه تانيه بعد ما تآخدي رقم الموبايل بتاعه و رقم بيته تروحي اقرب إداره لمكافحه المخدرات واكتبي العبارة التاليه

(( كمية حشيش للبيع بسعر مغرى لعدم التفرغ ))

للحجز أو الاستفسار أرجو الاتصال على صاحب الرقم التالي وكتبي بقى رقم الموبايل و رقم البيت و أسمه ....

وبعد كدا ربنا يتولاه برحمته

واجرى واجركم على الله
م
ل
ط
و
ش

**Lionheart** · 29 - 8 - 2009, 01:48 AM

ههههههههههههههههههههههههه ههههههه
موضوع جميل جدا
تسلم الايادى

**قمر الليالى** · 29 - 8 - 2009, 01:52 AM

ههههههههههههههههههههه

بصراحة اللى يعاكس وحدة يستاهل كل دة

تسلم ايدك يا قمر

**koky 2009** · 29 - 8 - 2009, 01:55 AM

المشاركة الأصلية كتبت بواسطة Lionheart

ههههههههههههههههههههههههه ههههههه
موضوع جميل جدا
تسلم الايادى

ههههههههههههههههه دى اكيد بتشتغل فى الامن المركزى

نورتى التوبيك يا جميله

المشاركة الأصلية كتبت بواسطة قمر الليالى

ههههههههههههههههههههه

بصراحة اللى يعاكس وحدة يستاهل كل دة

تسلم ايدك يا قمر

نورتينى يا قمر
ميرسى على مرورك

**allloa** · 29 - 8 - 2009, 02:33 AM

هههههههههههههههههههتوبيك جامد بس انا اعتقد ان الولاد هيمشوا بعد كدة يبصوا في الارض ولو شافوا بنت في الشارع هيمشوا من شارع تاني

**iLWda3** · 29 - 8 - 2009, 06:39 AM

ايه يا بنتي ده هو احنا جاكي شان ولا حاجه
لالالا ارفض الاسلوب ده نهائي.
انا مش بعرف اتصرف في الموقف ده بصراحه بس بردو معملش كده ابدا.
وتسلمي يا جميل على التوبيك الحلو والعجييب ده.

**koky 2009** · 29 - 8 - 2009, 04:57 PM

QUOTE=niemonda wie ich;520948]

ايه يا بنتي ده هو احنا جاكي شان ولا حاجه

لالالا ارفض الاسلوب ده نهائي.
انا مش بعرف اتصرف في الموقف ده بصراحه بس بردو معملش كده ابدا.

وتسلمي يا جميل على التوبيك الحلو والعجييب ده.

[/QUOTE]

اولا نورتى التوبيك بمرورك يا قمر
ثانيا التوبيك دة للهزار مش اكتر لان احنا كلنا مش بنعرف نتصرف المواقف دى

ثالثا بقى انا لحد دلوقتى مش اعرف اسمك ايييه

المشاركة الأصلية كتبت بواسطة allloa

هههههههههههههههههههتوبيك جامد بس انا اعتقد ان الولاد هيمشوا بعد كدة يبصوا في الارض ولو شافوا بنت في الشارع هيمشوا من شارع تاني

ايوة عشان نعلمهم الادب

نورتى التوبيك يا جميله

**ديدى** · 29 - 8 - 2009, 05:11 PM

هههههههههههههههههههههه
موضوع حلو اوى وهما طبعا يستهلو 0(أحسن)

**koky 2009** · 29 - 8 - 2009, 10:35 PM

المشاركة الأصلية كتبت بواسطة ديدى

هههههههههههههههههههههه
موضوع حلو اوى وهما طبعا يستهلو 0(أحسن)

اى خدمة ياقمر
نورتى التوبيك

**بك أستجير فمن يجير سواك** · 29 - 8 - 2009, 10:57 PM

لا بجد تسلمى ياقمر والله ضحكتينى وموضوعك جميل وتسلم الايادى بجد دمك خفيف اوى

الموضوع: لو عاكسك... مرمطيه

أدوات الموضوع

لو عاكسك... مرمطيه

معلومات الموضوع

الأعضاء الذين يشاهدون هذا الموضوع

المواضيع المتشابهه

اعرف مين بيعاكسك على الموبايل وصدقنى والله مجربها بجد

ازاى تأدبى ولد بيعاكسك هههههههه

ازاي تادبي ولد بيعاكسك..للبنوتات وبس

لو شب عاكسك

الكلمات الدلالية لهذا الموضوع

ضوابط المشاركة