غيابه يوم الممات

**hadede** · 29 - 8 - 2009, 10:01 PM

غيابه يوم الممات
********
فى يوم من الشهر اللى فات

وناس بتدور عن حافز ومكافآت

غاب عبد الرازق بلا اجازات

والغريب ان غيابه كان يوم الممات

**********
الفجر تلاقيه عالشغل شد الرحال

بعفوية طفل وبعزيمة الرجال

ما يقول دا صعب او دا محال

صابر ويشيل بالصبر احمال
********
كل الورود والخضرة وحتى الشجر

يتمتع بها الموجود واللى حضر

زرعها فى صيف ومطر وما همه خطر

شغله وهو مين كان للتانى بينتظر؟

يارب بجنتك يكون ممن فاز وانتصر

**********
كان ريس حتى بدون عمة

شاكر ربه وحامده على النعمة

شغله كان الابن والخال والعم والعمة

جايب فطاره ويحب الصحبه واللمه

بفاس وبدن مداس شغله كان بهمة

*********
كان بيحلم يعيش بعد المعاش

ويصور افلام دون كاميرا وفلاش

ويضحك فى دنياعن حاجةما شفهاش

وما ندم يوم عن حاجة ما طلهاش

لانه يعرف ان بيت النتاش مايعلاش

********
عالشجر كان بيعلق الهدوم
فى الجنينة ينسى الحزن والهموم

حافى ما يهمه تعبان بنابه بسموم

لانه عارف ان ما فى انسان يدوم
*******
كان انسان ابسط من البساطة
الشاى عنده هو الحلو والشيكولاته
ينام فى ظل شجرة وراسه عالبلاطة
********
مين هيبكى على الصابر اللى راح

لأ بنقول انه من الشقى ارتاح

يارب تكون آخرته سعادةوافراح
*******
الدموع فى عيون زمايله متحجرة

والجنينة من بعده حقيقى متغيرة

وناس كتيرة فى الدنيا متحيرة

من شر لشر وتقول مسيرة

********
خليك مخلص اوعى تكون غدار

الدنيا آخرتها جنة ا و نار

بعملك منهم ايه يا ترى هتختار
اقولك
الدنيا برسيم وبيعشقه الحمار
********
كلمات
عماد الدين محمد عبد المنعم
رثاءا
فى
المرحوم باذن الله تعالى
عبد الرازق محمد وهبه
نسألكم
الدعاء له ولأموات المسلمين
والدعاء لكل مخلص فى عمله
دمتم
جميعا فى حفظ الله ورعايته

**محيى زقزوق** · 29 - 8 - 2009, 11:42 PM

الله يرحمه ويجعل مثواه الجنة
ان شاء الله
وفاء منك ياعماد
اشكرك ع الكلمات التي
نبعها من جدران القلب
رثاء في محل ابداع
تسلم يمينك اخي عماد
تقبل مروري وعزائي
للمرحوم
اخوك محيى

**hadede** · 29 - 8 - 2009, 11:59 PM

حفظك الله
وبارك الله فيك
الاخ الفاضل
محى زقزوق
وتقبل الله دعاءك
وغفرله
ولاموات المسلمين اجمعين
اللهم آمين يارب العالمين
وحقيقى اخى الفاضل
رغم ان المرحوم كان عامل بسيط
ولكنه كان كبيرا باخلاصه فى عمله
وتأثرت كثيرا لرحيله
لك خالص شكرى وتقديرى
الاخ الفاضل محي
دمت مبدعا ودمت
فى
حفظ الرحمن

**قمر الليالى** · 30 - 8 - 2009, 12:00 AM

الله هم ارحم امواتنا واموات المسلمين

**hadede** · 30 - 8 - 2009, 12:04 AM

اللهم ارحم موتى المسلمين اجمعين
حفظك الله
وبارك لك فى عمرك
قمر الليالى
دمت فى حفظ الرحمن

**كابوس الحرامية** · 31 - 8 - 2009, 04:52 AM

الله يرحمه وويغفرله
ويرحم موتانا جميعا يارب
اللهم استرنا فوق الارض وتحت الارض ويوم العرض عليك
جزاك الله خيرا عماد كلمات ولا اروع
دمت رمزاً للاخلاص والرقي
الله يرحمه ويغفرله

**طيف عابر** · 31 - 8 - 2009, 02:13 PM

رحمه الله وغفر له ولنا وجعله من اهل الجنة
هم السابقون ونحن اللاحقون
ومن منا مخلد ؟!

الكلمات جميلة ومبدعه رغم انها مؤلمة ومحزنة
سلمت لنا عماد ودمت انساناً مبدعاً عابداً ذاكراً

ويا ليتنا نجد من يذكرنا عند الممات

خليك مخلص اوعى تكون غدار

الدنيا آخرتها جنة ا و نار

بعملك منهم ايه يا ترى هتختار
اقولك
الدنيا برسيم وبيعشقه الحمار

**hadede** · 31 - 8 - 2009, 10:16 PM

المشاركة الأصلية كتبت بواسطة MISS.NONY

الله يرحمه وويغفرله
ويرحم موتانا جميعا يارب
اللهم استرنا فوق الارض وتحت الارض ويوم العرض عليك
جزاك الله خيرا عماد كلمات ولا اروع
دمت رمزاً للاخلاص والرقي
الله يرحمه ويغفرله

نسأل الله تعالى ان يستجيب
لدعائنا جميعا
للمولى عز وجل
ان يرحم موتانا جميعا
وان يسكنهم فسيح جناته
اللهم آمين يارب العالمين
بارك الله فيك اختنا الفاضلة نهى
دمت
فى حفظ الله ورعايته
لك خالص شكرى وتقديرى

**hadede** · 31 - 8 - 2009, 10:23 PM

المشاركة الأصلية كتبت بواسطة طيف عابر

رحمه الله وغفر له ولنا وجعله من اهل الجنة
هم السابقون ونحن اللاحقون
ومن منا مخلد ؟!

الكلمات جميلة ومبدعه رغم انها مؤلمة ومحزنة
سلمت لنا عماد ودمت انساناً مبدعاً عابداً ذاكراً

ويا ليتنا نجد من يذكرنا عند الممات

بارك الله فى
عمرك
الاخت الفاضلة
طيف عابر
ولك كل الشكر والتقديروالاحترام
على التشجيع
نتمنى دوام طلتك المميزة
دمت فى حفظ الله

**No TiMe** · 4 - 9 - 2009, 12:21 AM

ديما جميل بقلم المتالق وكلامك جميل تسلم عماد علي ابداعاتك الجيمله ديا
وربنا يرحم جميع اموات المسلمين

الموضوع: غيابه يوم الممات

أدوات الموضوع

غيابه يوم الممات

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة