تعبت خلاص

[عمارطه2009]

ولايهمك ماتزعليش أنتي عملتي اللي عليكي وأهم حاجه ضميرك مرتاح لانك لم تظلميه ولا أفتريتي عليه وتأكدي أني ربنا مش هيسبك وهيعوضك بواحد أحسن منه يحبك بجد ويخاف عليكي وتبقي انتي كل حياته لانك بجد أنسانه تستاهل كل خير وفي رجاله كتير بأتتمني أني هي تلاقي قلب كبير ذي قلبك قلب كله حب وأخلاص _أحمدي ربنا اني هي جت لحد كدة ومش لازم تحزني ولا تزعلي لاني الانسان دا خسارة في حتي دمعه من دموعك لانه مكنش بيحبك من البدايه فميستحلش أنك تزعلي عليه وتأكدي اني ربنا مش هسيبه لانه أفتري عليكي وظلمك _ وأخيرا أنتي مش لوحدك أحنا هنا كلنا أخواتك وبنحبك وزعلانين أوي علشانك بس مش قادرين نشوفك زعلانه _خلاص بقي يا قمر أضحكي مفيش حاجه في الدنيا تستاهل أنك تزعلي علشانها _ويا رب ايامك تبقي كلها حب وفرح وسعادة يارب _ أبقي طمنينا عليكي يا عسل _سلام

[my baby you]

شكرا لاهتمامك..انا فعلا تعبانه ومجروحه اوى لغايه دلوقتى ولا مستوعبه حاجه ولا مصدقه حاجه.حاسه بخوف فظيع.بجد ربنا ما يحط اى بنت ف الموقف ده .ياريته ما كان قالى حاجه.كان بعد وخلاص.لكن ان اتخيل ان واحده تانيه معاه ياربى صعبه اوى والله عليا.حرام اللى انا فيه ده تعبت بجد نفسى ارجع زى الاول مش عايزه افكر ف حاجه نفسى افضل نايمه ع طول التفكير هيموتنى.ربنا يسامحك يا عمرى.

[روكي]

ان شاء الله هتنسيه وحاولي تشغلي وقتك في اي حاجة تانية واحنا كلنا جنبك والنوم عمره ماكان وسيلة للنسيان ده مجرد هروب حاولي تعيشي حياتك عادي وامسحيه من حياتك هي حاجة صعب شوية بس انتي ان شاء الله هتتغلبي عليها وربنا معاكي

[my baby you]

ميرسى ليكم ولمساعدتكم ليا.بس صدقينى فعلا اصعب حاجه انك تنسى حب عمرك.ربنا يهدينا

[آية الرحمن]

بجد حاجة صعبة اوى بس دا انسان ميستحقش كل المشاعر الحلوة دى حاولى تنسية لان ميعتبرش انسان بس متزعليش نفسك وسيبك منة

[kokooo]

لو كلمك تانى يااريت متردتش عليه انا بنت زيك ومش بقولك كده عشان اقسى قلبك اكتر من كده..لاء انا واحدة فى نفس تجربتك بلضبط وبقالى شهر برضه وكل اللى نفسك فيه وحاسه بيه انا زيك برضه بس طول محد شيفنا ضعاف هيركبنا اكتر عشان كده استحملى باى شكل..عيشى حياتك حاولى تعملى اى حاجه تفرحك وانا بحاول وهوا برضه عاوزنى بس انا معتش ينفع حتى اديله فرصه...يمكن نفسى اسامح بس عارفه انو هيعمل كده تانى وانتى كدة برضه...حاولى تستحملى ياقمر وربنا معانا...وربنا يسحهم وسيب كل حاجه لله ربنا مبيسبش حد كده ومش بيتعب حد صدقينى انا رميت كل حاجه على الله وربنا بيرحينى اكتر من اى حد واوعى تبانى ضعيفه قدامه تانى...ربنا يوفقك فى حياتك...

[عمارطه2009]

أحنا معاكي هو صعب شويه أني أحنا ننسي حد حبناة وعشنا لحظات السعادة معاة بس مش مستحيل ننسي الحب دا وسهل جدا ننسي ناس جرحونا وباعونا في وقت أحنا كنا في أشد الحاجه اليهم ولكنهم تخلو عنا وكان كل ذنبنا أن وثقنا فيهم وحبناهم وهما أتخلو عنا _ ولكن هي دي الحياة لازم نتعلم ونستفيد من أخطأنا ونتعلم اني مانديش حاجه الا الي يستحقها _وعايز أقولك الدنيا حلوة ولازم نعيشها في حب وفرح وسعادة مش ننام علشان ننسي الهموم ولو كان النوم بينسي الهموم كانت الناس كلها نامت من زمان وأنا كنت زماني نايم ومش عايز أصحي _ في النهايه تاكدي ان هيجي في يوم من الايام الفارس الشهم اللي هيخطفك ويطير بيكي الي عش السعادة والهناء في دنيا كلها حب وفرح وسعادة _ عيشي حياتك وأضحكي وأخرجي وشوفي الدنيا وقربي لربنا وصلي وأدعي أن ربنا يعوضك براجل يحبك ويحترمك ويخاف عليكي أكتر من نفسه _بس متنساش تدعينا علشان نشوف الحصان الابيض وفارس الاحلام _واسف لو طولت عليكي

[مصطفى شعبان محمد]

اولا ربنا معاكى... ثانيا بجد يعنى مش بهزار الاغنيه اللى انتى كتباها اكتر اغنيه جميله فى الالبوم كله دة دليل على انك بتفهمى وربنا يصبرك بس انا مريت بنفس اللى انتى فى بس الحمد لله نسيت وعيشت حياتى مع حد غيره انسى وان شاء الله هو اللى بعد ماتنسيه هيحاول يرجعلك وهتشوفى الندم فى عنيه والمبرر اللى هيخليكى تنسيه عارفه ايه؟؟؟؟؟ انك تقولى ميستهلنيش ولا يستاهل ازعل عليه وخلى بالك اللى بيبيع مرة بيبيع الف مرة ومرسى اوى على الموضوع رغم انه فكرنى بالى مكنتش عايز افتكره

[my baby you]

بجد ميرسى ليكم ولكلامكم..انا بس فى مشكله ومضايقه من نفسى بسببها..بيوحشنى اكتر من الاول بقيت عايزه اعرف اى حاجه عنه اسمع صوته خايفه عليه اوى.يمكن عشان عارفه انه خلاص مش هيبقى معايا.او مش بقى من حقى.هو انا زنبى انى حبيبت بجد ولا زنبى انى بنى ادمه كويسه وانى عمرى ما هيلاقى زيى زى ما هو بيقول ولادى بتبقى كلمه الشكر ف نهايه اللعبه فلازم يتقال الكلمتين دول.انا بجد فى نار جوايا.انا بتمناله الخير وان ايامه كلها تبقى خير.بس غصب عنى اللى جوايا .يعنى ازاى اقدر استحمل فكره ان واحده تانيه هتبقى معاه .الحلم اللى حلمته معاه .هى اللى هتحققه..بجد ربنا يسامحه

[my baby you]

هو اللى انا فيه ده غباء ولا سذاجه ولاطيبه ولا هبل .ليه بجد الواحد بيعمل فنفسه كده..انا مش اعرف اعمل حاجه .وهو ربنا يسامحه بجد ع اللى عمله فيا