تعبت خلاص

[HDEEL]

بجد احساس فظيع بس لازم تحاولى تنسى وتعيش حياتك طبيعية لان مش فى حد يستحق الحب ده كله ومش يقدره

[my baby you]

كلمة شكر

اللي زمان انا اخدت بايديه ولا يوم ايديه اتمدتلي
ضحيت له وتضحياتي ليه فجاة ياقلبي اتنسيتلي

مش لاقي م اللى علمته فيه حاجه بجميله اتشالتلي
ولا لاقي علي اللي عملته ليه كلمه شكر اتقالتلي

جه اللي يوصللي فيه انه مستغني عني
والاقيه لو جيت اسال عليه بينكر نفسه مني

اللي استقوي بيا زمان استقوي قوام عليا
واللي بيداري مني كان ياما بيداري فيا
معقوله احتاج له ملقهوش ويايا دقيقه واحدة
وبجد الناس مبيبنوش غير بس فى وقت الشدة

[عمارطه2009]

أنسي بقي وعيشي حياتك التجربه دي مش نهايه العالم وانا مريت بتجربه أسؤ من تجربتك وعادي أنا نسيت ولا أنتي أول واحدة حبت وحبيبها سبها ولا أخر واحدة _دوري علي حب جديد يملي حياتك والدنيا حلوة ولازم نعيشها واللي يبعنا نبعيه وماندمش عليه وأكيد هتحبي في يوم من الايام وهتجوزي وتعيشي حياتك زي كل الناس _بأتمني لكي حياة سعيدة مع من يختارة قلبك أو مع من تختارة لكي الأقدار _أخوكي عمار

[my baby you]

ياريت بجد انا نفسى انسى كل حاجه مش عايزه افتكر حاجه .ياريت ده يحصل

[my baby you]

ميرسى ليك يا عمار ولنصحيتك

[my baby you]

وعدنى انه يطمنى عليه .وفعلا كان بيتصل بيا وبعرف اخباره و بتصل وكنت بتعذب بيه اكتر..بعتله رساله قولتله فيها انا كده هتعب اكتر من الاول لو فمره مش رديت عليا .دعيت ليه وقولتله ربنا يوفقك بس ابقى طمنى عليك كل فتره..كلمنى بعد ما بعت الرساله ع طول وقالى انتى احق واحده تكلمينى ف وقت..المهم اخر مره كلمته كان تعبان وقالى هبقى اكلمك عشان اطمنك ومش اتصل وانا بجد تعبت وجيت ع نفسى كتير وف نار ما بين اتصل بيه عشان اطمن عليه وما بين ان اقول كفايه اللى عملته ف نفسى عدت ايام كتير مش عارفه حاجه عنه ولا حاول يتصل.وهو وحشنى بجد .نفسى اعرف اخباره واطمن عليه .مش شرط حتى منه .من بعيد بس اعرف اى حاجه عنه .انا منسيه بالنسبه ليه .انا مش عارفه انسى حاجه لكن هو ربنا مديله نعمه النسيان.مش عارفه اعمل ايه

[عمارطه2009]

أقولك أنا أخبارة أيه هو أرتبط بواحدة تانيه وبيحبها وخلاص هيتجوز البنت اللي بيحبها طبعا مش أنتي لانك للاسف مش حبيبته _عرفتي أخبارة بقي أطمنتي عليه هو خلاص شاف حياته وهيتجوز غيرك ونسيكي خلاص أنتي مستنيه أيه تاني عيشي أنتي حياتك وحبي واتجوزي _ ملحوظه الكلام اللي قولته هتسمعيه قريب وفي يوم من الايام _فاريت متستنيش اليوم دا وتسمعي الكلام دا _عايز أقولك حكمه جميله جدا أنا عملت بيها وهي " نهايه مؤلمه أفضل من ألم بلا نهايه _يا ريت تفهمي الحكمه دي وتعملي بيها

[my baby you]

ليه كده يا عمار ممكن يكون كلامك صح..بس بجد صعب اوى.يا عمار انا فعلا بعمل كده دلوقتى بس غصب عنى اطمن عليه حتى لو من بعيد.هو ممكن فعلا يكون نسينى للدرجه دى.يعنى انا مش متحمله فكره اكون لحد غيره وهو عايش حياته عادى.هو فعلا كده..........شكرا ليك يا عمار ولكلامك ولنصيحتك وربنا يهدينى ويوفقك انت كمان يا عمار وشكرا بجد لمساعدتك

[عمارطه2009]

أسف بجد لو كان كلامي زعلك بس الحقيقه أحيانا كتير بتجرح بس في الاخر بنستريح لي الحقيقه أي كانت مؤلمه والحياة مش بتدينا كل حاجه ولما بتدي حاجات بتأخد معاها حاجه غيرها أحنا كنا بنحبها لازم تشيلي فكرة انه مش ينفع يكون لغيرك لان ممكن ربنا يكون عايز كدة وأحنا مش بأيدينا نعترض علي أرادة الله ومحدش بيختار نصيبه بأيدة وعايز أقولك حاجه أكيدة وعن تجربه نادر جدا وبنسبه واحد في المليون مفيش أتنين بيحبو بعض وبيتجوزو في النهايه لازم القدر بيفرق بينهم ولو رجعتي لقصص التاريخ مش هتلاقي أتنين حبو بعض وأنتهي الحب نهايه سعيدة لا تلاقي روميو أتجوز جوليت ولا قيس خد ليلي ولا عنتر حتي أتجوز عبله ولا أنطونيو أتجوز كليوباترا_ولا حتي حسن أتجوز نعيمه _كفايه كدة عقدت في الجواز _أضحكي بقي شفتي حلوة أزي لما تضحكي _وفي النهايه عايزك تقربي لربنا وتدعي انه يعوضك بواحد يحبك بجد أكرر يحبك بجد وميقدرش يعيش لحظه من غيرك وتكوني طبعا بتحبيه وتكوني أنتي كل حياته _واسف مرة أخري لو كلامي الاول قاسي شويه عليكي _بس دا من خوفي عليكي لانك أختي أو ذي أختي ربما أكون مش نفس مستواكي _وأحنا كلنا أخواتك وبنحبك ونخاف عليكي ونتمني تكوني أسعد واحدة في الدنيا _

[iLWda3]

يعني (عمار) وبقيت الاعضاء اللي ردوا مخلوش حاجه اقولها...فعلا كل كلامه صح وعلى فكره انا دلوقتي عايشه شبه الحاله اللي انتي فيها دي
يعني بقيت بحس اني مش هماه وانه مش بيفكر فيا ومبقاش معايا زي الاول مبقتش بكلمه غير كل شهر واسمع صوته كل 3 شهور
وانا كل اللي هاممني والله زيك بالظبط اني اطمن عليه مش اكتر لاني لو حسيت للحظه انه تعبان او مضايق ببقى هموت من الخوف عليه والقلق
ربنا معاكي وتقدري تنسيه بس لازم تعيشي حياتك انتي كمان زي ما هو عمل على فكره انا بقول الكلام ده وانا من جوايا عارفه انك مش قادره
يارب ما يحط اي بنت في الموقف ده ابدا ولا يحطني انا كمان لانك خوفتيني بجد تكون نهايتي زيك كده وانه يروح لواحده تانيه !!!
سوري على الاطاله