تعبت خلاص

[maahes]

لو عايزة نصيحتي من باب أني شاب مثله وإلى حداً ما أعلم كيف يفكروا الشباب فى مثل هذه المواقف ، هي أن تتركه شوية دون الرد عليه وأنظري إلى رد فعله ولكن لاتضعفي مهما كانت المغريات .
هذه النصيحة أذا كانت توجد علاقة رسمية أما غير ذلك ففري منه كفرارك من الجذام لأنه يتلاعب بكي وفضلاً عن هذا فأنه حرام.
ولكي مني جميل الشكر

[قطقوطة]

انا من رأيي انك تردى لكن بكل برود وتسأليه مين معايا هيقولك ايه دا مش عرفانى قوليله ايه دا هو انت ازيك معلش اصلي مسحت رقمك خير في حاجة ؟ وبكدة هتكسري نفسه يعنى مش تبينى له انك متضايقة وبعد كدة ولا تعبري فيه لانه مايستاهلش انتى تستاهلى اللى يقدرك ويحبك ويخاف عليكى ويحاول يرضيكى لكن واحد زى دا كفايه عليه الوقت اللى ضاع بل وكتير عليه

[قطقوطة]

عوزاكى تعرفي قيمة نفسك وتحبيها تعرفى انك لو ماعززتيش نفسك وادتيها حقها انك تحافظى عليها محدش هيعملك دا افتكرى دايما ان قلبك دا جوهرة غالية اوى مش من حق اى حد انه ياخدها مهما كان الا اللى يستاهله وكمان يديكى قلبه احمى نفسك محدش هيحميها ادعى ربنا يقويكى وتقدرى تبعدى عنه اشغلى نفسك بدراستك وحاولى تثبتى انك بيه او من غيره عايشة ويمكن افضل من وانتى معاه هيرجعلك لما تحسسيه انك نستيه وقتها بقة انتى اللى تختارى البعد مش هو خلى قراراتك منك
سامحينى لكلامى لكن انا مريت بكدة ومحدش هيقدر يساعدك ولا يخرجك من اللى انتى فيه الا اذا انتى حاولتى
ممكن تعرفينى بنفسك اكتر دراستك وسنك لو مش هيضايقك
وانا ياسيتى اسمى زى ماعرفتى ياسمين 21 سنة واعتبرينى صاحبتك واختك

[my baby you]

انا فعلا بعمل كده يا maahes حتى لو كان غصب عنى فانا لازم اعمل كده .بس انا عايزه اسألك سؤال هو الاحساس والحب اللى جوانا ده حرام مع انه شعور غصب عننا.انا طبعا معاك وعارفه ان ف كتير بيفهموه غلط.بس اللى جوانا ده حرام ليه ؟؟؟..وميرسى ليكى كمان يا ياسمين عارفه انا كتير اتمنيت انه يتصل ويكلمنى عشان اعمل كده واقول بكده ارد اللى عمله فيا.بس لقيت انى بتكلم عن عمرى انا مش عايزه اجرحه يا ياسمين.ابعد اقنع نفسى ان حياتى مش معاه.بس انى اجرحه لا .صدقينى انا اوقات كتير بحس انى مسئوله عنه وانه بيحتاجلى انا بس..غصب عنى والله يا ياسمين.انا بحس بيه بدرجه غريبه انا مش متخيلاها.قبل كده حلمت انه تعبان.وفعلا بعدها بيومين كان تعبان وعمل عمليه..قبل ما يسبنى حلمت بيه انه معايا وكنت مبسوطه اوى .كنت كل شويه اقوم اشوف شنطته عشان اتاكد انه موجود ومعايا. وخرجت وجيت لقيته ف مشكله وكان معاه اصحابه بس مش احتاجلهم واول ما شافنى فضل يعيط لغايه ما هدى كان محتاجلى اوى.بعد كده دخلت عشان اشوفه لقيته مشى بس شنطته موجوده وفضلت ادور عليه مش لقيته وفضلت اعيط.كلمته وقالى هرجع تانى بس وانا بكلمه عارفه انه بعد وفضلت اعيط..وبعد كده صحيت وفعلا لقيته بعد وياريته كده بس انا حسيت انه بيتهرب منى. يارتنى اعرف اقسى عليه او اعمل زيه بس للاسف انا اللى حبيت بجد مش هو..انا كل اللى عايزاه انه اطمن عليه اعرف ان كويس ومفيش حاجه مضيقاه .غير كده صدقينى انا مش عايزه منه حاجه انا كنت بخاف ع زعله .او انه يضايق ومدام انا اللى مضيقاه يبقى هبعد..

[عمارطه2009]

أيه يا بنتي كل الحب دا في زمن أختفي في الحب أنا بجد مش عارف أقولك أيه لان الكلام كله أتقال من أعضاء المنتدي بس عايز أقولك عايزك تيجي علي نفسك وتبعدي شويه وهولو بيحبك بجد هايجي لحد عندك ويطلب انك تسمحيه علي اللي عمله في حقك ولازم تعرفي نهايه الحب دا أيه أرتباط رسمي ولا عذاب ولعب بالمشاعر _بجد حرام عليكي كدة ليه بتعملي في نفسك كدة وتعذبيها وتيجي علي كرامتك ملعون الحب اللي بسبه يبقي الواحد معندوش كرامه بجد لازم توضعي بنفسك حد وتنهي القصه دي أي كانت لاني نهايه حزينه أفضل من الم بلا نهايه ومحدش هحل مشكلتك لانك الوحيدة اللي هتقدري تحليها عارفه ليه لان اللي بيحلم يشفي جراحه يداوي جراحه بأيدة _وفي حاجه في الدنيا تستاهل اني الواحد يدوس علي كرامته علشانه _وأكيد هايجي في يوم من الايام شخص يحبك ويحترمك وتبقي أنتي كل حياته _وأخيرا أتمنالك حياة سعيدة مع من يختارة قلبك أو مع من تختارة لكي الأقدار _ واسف للاطاله

[botta]

أنا مع الكلام اللى فات ده كله
نصايح اخواتك الشباب تمام و كمان ياسمين أنا معاها جدا
اجمدى و حافظى على كرامتك فى عينيه
لما هو مش ارتباط رسمى و الحال كده طيب لما يبقى جوزك ـــ لو حصل يعنى ـــ هيعمل ايه
اجمدى و انشفى و دوسى على قلبك قبل ما الشخص ده هو اللى يدوس عليكى و ساعتها مش هتقدرى تفتحى بقك لأنك هتكونى خلاص عودتيه على كده
ربنا يقويكى

[my baby you]

خلاص المشكله اتحلت هو حلها وريحنى وفرحنى اكتر عرفنى قد ايه كان بيقدرنى قد ايه كان بيحبنى قد ايه مكنش بيحب زعلى .قد ايه كنت اهم واحده ف حياته وان عمرى ما هلاقى حد يحبنى زيه.الوحيد اللى احتاجتله.خطب واحده غيرى بقى من حق واحده تانيه شفتو ازاى حل المشكله .مش ده اسهل حل برضو.

[قطقوطة]

ياحبيبتى
ماتزعليش نفسك انتى تستحقي احسن منه صدقينى كنتى هتتعبي مع الشاب دا الحمد لله انها خلصت كدة وخيليكى على يقين انه زى ماعذبك هيتعذب ادعى ربنا يقويكى
ركزى في مذاكرتك وماتحاوليش تفكرى فيه لانه مايستاهلش صدقينى انا حاسة بيكى اوى
ابقي طمنينى عليكى

[my baby you]

والله العظيم ربنا عالم باللى بيا.انا لغايه دلوقتى مش مستوعبه حاجه.انا تعبانه بجد وحاسه انى لوحدى..ربنا بجد ما يحط اى بنت ف الموقف ده

[روكي]

فعلا مشكلتك صعبة اوي وربنا يكون في عونك ورأي لواتصل بيكي تردي بس تكلميه بطريقة سيئة قوليله عايز مني اه تاني كفاية كدة ومنك فنفس الوقت سمعتي صوته واطمنتي عليه بس اوعي تضعفي وان شاء الله ربنا يوفقك