في مدلول الصياعة

**Serag Magdy** · 2 - 9 - 2009, 08:00 AM

انا ما صدقت لقيت الموضوع ده علشان اجيبه علشان الانتقادات اللي بتوجه للعبد لله

ماهو تعريف الصياعة؟؟
قديماً كان القدماء يستخدمون لفظة صايع علي من لا شغلة له - عواطلي يعني - وكانت هذه في حقبة الستينات ايام احمد بيه مظهر وشكري سرحان اما لو طبقنا هذا المعني حالياً فسنجد ان الشعب كله دلوقتي بقي صايع والحمد لله
اما في اوائل التسعينات استخدمت كلمة صايع علي هؤلاء الشباب الذين يتسكعون في الطرقات حتي اوقات متأخرة ويتعاطون المخدرات ويشمون الكلة
ومن يعاكسون البنات نالهم حظ من الصياعة حيث كان يأتي الشاب الشهم ويقول للي بيعاكس : انت ولد صايع وقليل الرباية
وبرده اللي بيلبسوا لبس عجيب وغريب في الفترة بتاع التسعينات دي كان بيتقال عليهم صايعين

اما في اوائل الالفية كدة بدأ مفهوم الصياعة يتغير للعكس
يعني زمان كنت كلمة صايع دي شتيمة
اما في اول الالفية بقت زي مديح كدة
يعني مثلاً كان واحد صاحبك يقولك حاجة تعجبك تقوله: يا صايع(زي يا جامد كدة)......ممكن تنزل تشتري بنطلون انت وصاحبك يقولك:- علي فكرة البنطلون ده صايع
او محمد فاروق ييجي يجيب جون صايع بس حارس المرمي يطلع اصيع منه ويصدها
انما دلوقتي مدلول الصياعة بدأ يتغير تمام
الصايع دلوقتي بقي انسان محترم
يحترم اللي اكبر منه
ويحب الاصغر منه ويحاول ينصحه
ويكون عرف حاجة من كل حاجة
ويكون لسانه حلو
يعرف يثبت ده بكلمتين
ويعرف اللي ادامه عايز ايه من غير ما يتكلم
الصياعة انك واد متبدأش بالغلط ويبقي بالك طويل وتعرف تضايق اللي ادامك من غير من تغلط فيه وتشيل نفسك العيب
وانك عمرك ما تغلط غلطة وترجع تكررها تاني
والصايع لازم يبقي كلامه يعجبك كل الناس
يعني لا يقول كلام بيئة ميعجبش الطبقة الراقية ولاد الناس
ولا يتكلم بكلام انجليزي من بتاع ميرسي ومش عارف ايه علشان طبقة الاسطوات
والصايع يخطف البني اّدم اللي ادامه من اول مرة ويخلي اللي ادامه يحبه
ولازم يبقي ليه طريقة معينة في الكلام تميزه عن غيره من الجماعة الصيع
يعني مثلأً سعد الصغير قال:
الصياعة ادب.....والرجولة صمت
والكلمة دي بتلخص مدلول كلمة الصياعة والرجولة
ومقولة تانية بتقول الصياعة ادب مش هز اكتاف
واكبر دليل علي هذا النجاح الكبير اللي حققه اول صايع مشهور في مصر
اللي هو اللمبي
حيث ان طريقة كلامه المميزة واسلوبه في التعامل جعل منه الصايع الاكبر
حيث انه كان يحادث كل المستويات
خلاصة الحديث ان مصر حالياً بدأ يبقي فيها نسبة صياعة كتير

منــــــــ//!\\ــــقــــولـــ

**BANOTADALO3A** · 2 - 9 - 2009, 08:06 AM

هههههههههههههههههههههههه
تصدق انا نزلت مصر مخصوص عشان اتعلم لغة مصر كويس واعرف افهم مواضيعك
بجد عندك حق انا لاحظت كده كتير لما نزلت مصر ولاحظت انها كلمة عادية جدا
يسلموو الايادى على المواضيح الحلوة دى

**الابنودي** · 2 - 9 - 2009, 08:16 PM

الصياعة ادب مش هز اكتاف

**نونا الشعنونه** · 3 - 9 - 2009, 12:07 AM

ههههههههههههههههههههههههه هه
تمام يا برنس اهو هو ده الكلام
و صدق اللى قال
الصياعه ادب مش هز كتاف
ههههههههههههه

**No TiMe** · 3 - 9 - 2009, 12:10 AM

في مدلوق الصياعه
وعلي قوله اللي قال
الصياعه ادب مش هز اكتاف
وعلي مقوله اللمبي
اوعي وشك لعورك
والفايده هنا للدفاع عن النفس
وليس للبلطجه
واللي فاهم يبلغ اللي مش فاهم حاجه في ام الييله الزرقا ديا لاني مش فاهم حاجه في اي حاجه من اللي اتقال الوقتي

وعلي العمووم وما توصل له علماء الصياعه
ان تم انتشار الصياعه علي يد المسمي اللمبي وبشكل كبير
وبعد فلمه المشهور اللمبي او بمعني اصح اللمبوك

والف صحه وعافيه علي الناس المنورين في القعد
واحلي مسي واحلي تحيه للناس الحلوه ديا
واللي منزلين التوبك العسل دا

منور سراج واتمني لك اقامه سعيده في عالم
صايع بس ضايع

مع تيحات المفتش كرمبو

**iLWda3** · 3 - 9 - 2009, 12:19 AM

جاااامد اخر حاجه التوبيك ياسراج
وفعلا عندك حق الصياعه لقب بقى عادي
وانا دلوقتي حابه اقولك انك فعلا عضو
صايع احم سوري اقصد جامد يعني.

سلام بقى من غير دوشه ورغي كتير.
وسمعني سلام الصياعه ادب مش هز كتاف

مع تحياتي ايمــــــــــــــــي.

**Serag Magdy** · 3 - 9 - 2009, 04:13 AM

المشاركة الأصلية كتبت بواسطة BANOTADALO3A

هههههههههههههههههههههههه
تصدق انا نزلت مصر مخصوص عشان اتعلم لغة مصر كويس واعرف افهم مواضيعك
بجد عندك حق انا لاحظت كده كتير لما نزلت مصر ولاحظت انها كلمة عادية جدا
يسلموو الايادى على المواضيح الحلوة دى

يا باشا انتي نورتي مصر
بس لو عايزة تتعلمي الصياعة الصح مش ها تنفع زيارات متقطعة
لازم الاول تكوني مقيمة في المحروسة فترة لا تقل عن 5سنوات
ولازم تكوني اجتماعية وعارفة الدنيا ماشية ازاي برده
لو عايزة بقي تفهمي كل حاجة فيه قاموس بيتباع في المحلات الكبري والمكاتب تمنه 1500دولار لتعليم الصياعة علي اصولها
نورتي الموضوع يا جميل

**Serag Magdy** · 3 - 9 - 2009, 04:14 AM

المشاركة الأصلية كتبت بواسطة الابنودي

الصياعة ادب مش هز اكتاف

والله يا بركة ده اللي عايزين نفهمه للناس بس المعلومة مش عايزة توصل
شرفت التوبيك يا بركة

**Serag Magdy** · 3 - 9 - 2009, 04:16 AM

المشاركة الأصلية كتبت بواسطة نونا الشعنونه

ههههههههههههههههههههههههه هه
تمام يا برنس اهو هو ده الكلام
و صدق اللى قال
الصياعه ادب مش هز كتاف
ههههههههههههه

الحمد لله ان الموضوع عجبك يا باشا
والحمد لله برده ان انا شايف ان فيه ناس بدأت تستجيب للحملة
حملة كيف تكون صايع في ظرف شهر
نورتي الموضوع بردك يا جميل

**Serag Magdy** · 3 - 9 - 2009, 04:18 AM

المشاركة الأصلية كتبت بواسطة Mr.SOMY

في مدلوق الصياعه
وعلي قوله اللي قال
الصياعه ادب مش هز اكتاف
وعلي مقوله اللمبي
اوعي وشك لعورك
والفايده هنا للدفاع عن النفس
وليس للبلطجه
واللي فاهم يبلغ اللي مش فاهم حاجه في ام الييله الزرقا ديا لاني مش فاهم حاجه في اي حاجه من اللي اتقال الوقتي

وعلي العمووم وما توصل له علماء الصياعه
ان تم انتشار الصياعه علي يد المسمي اللمبي وبشكل كبير
وبعد فلمه المشهور اللمبي او بمعني اصح اللمبوك
والف صحه وعافيه علي الناس المنورين في القعد
واحلي مسي واحلي تحيه للناس الحلوه ديا
واللي منزلين التوبك العسل دا
منور سراج واتمني لك اقامه سعيده في عالم
صايع بس ضايع
مع تيحات المفتش كرمبو

علي النعمة يا ابني انت علي مشارف انك تاخد لقب صايع
يعني انت دلوقتي صايع تحت التمرين
وردك بينبئ لك بمستقبل مبهر في عالم الصياعة
نورتني في الموضوع يا مودي

الموضوع: في مدلول الصياعة

أدوات الموضوع

في مدلول الصياعة

معلومات الموضوع

الأعضاء الذين يشاهدون هذا الموضوع

المواضيع المتشابهه

قصيدة سكران حب (قصيدة جامده)للشاعر أحمد سعيد موسى أشوف تعليقاتكم بأه

أسرار الشفاء بالصيام - صوموا تصحوا - كيف يشفي الصيام

{{الدين النصيحه..أكتب نصيحه لمن بعدك تكون بميزان حسانتك.}} ارجو التثبيت

برنامج الصيانة العملاق.tuneup utilities 2009 ( نسخة محمولة مفيش تنصيب على الهارد )

مصيبة مصيبة وزارة الاتصالات ترفض حجب المواقع الإباحية وتقول: القانون

الكلمات الدلالية لهذا الموضوع

ضوابط المشاركة