مميـــــــزات الشعب المصـــــري

**الابنودي** · 2 - 9 - 2009, 08:24 PM

هناك مميزات تميز المصريين فقط دون غيرهم ....؟

هذه المميزات لم تجدهاااااا عند اى شعب ثانى وهى كما يلى :

ممكن يعدي التلاتين ولسه عايش مع أمه وأبوه وماعندهومش مشكلة

بيفهم في الطب ويشخص المرض ويوصفلك الدواء وبيفهم في النقاشة والكهرب

او تصليح العربيات والطبيخ والسياسة والكورة وهو.................. أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم

سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان

التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل

اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات

ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره

ماإستخدمها

بيشتري قبل الفطار في رمضان مواد إستهلاكية أصلا موجود عنده في البيت لسه

ماستخدمهاش

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

لو ربنا كرمة و أشترى عربية جديدة فورا بيركب للكراسي فرش

طبعا غير الموبيل لازم يركبله وش جديد

بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف

ومابيشيلهاش لما ييجوا

@@@@@@@@@@@@@@الابنودي@@@@@@@@@@@@@@

على فكره انا كمان مصرى و أفتخر أنى مصرى

بس ده واقع مش كده

**GOLDEN GIRL** · 2 - 9 - 2009, 08:36 PM

ههههههههههههههههههههههههه هههههههههههه
جامد اوي التوبيك ده
ميرسي ليك
وطبعا كلنا بنفتخر اننا مصريين

**قمر الليالى** · 3 - 9 - 2009, 03:45 AM

ههههههههههههههههههههههههه ههههه
لالالا اكيد مش كل المصريين كدة

**روح الحب** · 3 - 9 - 2009, 03:52 AM

ميرسي اووووووي

**King MeZo** · 3 - 9 - 2009, 03:44 PM

الله يمسيكى يا ست نانسى يا بنت الحاج عجرم وهى بتقول
لو سالتك انت مصرى تقولى ايه قولى مصرى ابن مصرى وابن مصر الله عليه
يا سلام يا سلام يا سلام
بجد موضوع جامد
وده علشان الشعب المصرى اطيب شعب على مرمى الحضرى قصدى على مرمى العصور
تحياتى لك
MeZo

**Sezer** · 3 - 9 - 2009, 05:12 PM

هههههههههههههههه
عندك حق والله
تسلم يا ريس

**iLWda3** · 3 - 9 - 2009, 06:57 PM

التوبيك ده ميه ميه والكلام ده صح صح
وانا بتفشخر اخر فشخره اني مصريه
وسمعني سلام (انا مصري وابويا مصري وكلامي ولوني
مصري وخفه دمي مصري وكل مصري الله عليه)
سلام يا مصري بقى

**الابنودي** · 3 - 9 - 2009, 08:08 PM

يا احلي اسم في الوجود يا مصر ............يا اسم مخلوق للخلود يامص
نعيش لمصر ونموت لمصر.................... مصر مصر تحيا مصر

**Lovely Dina** · 4 - 9 - 2009, 04:19 PM

ههههههههههههههه عندك حق انا ممتي بتعمل كدة

بس انت نسيت اهم حاجة النميمة

تسلم

**zeezee kitty** · 12 - 9 - 2009, 09:47 AM

nice topic

الموضوع: مميـــــــزات الشعب المصـــــري

أدوات الموضوع

مميـــــــزات الشعب المصـــــري

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة