إحـــــــــنا عنـــــدنا بنــــات

**شيري العسولة** · 4 - 9 - 2009, 08:50 PM

اليوم هنتكلم عن موقف غريب جداً وممكن بسبب مشاكل وخراب بيوت

لو اتقدم واحد لواحدة ,,,

الواحدة دى هى وأهلها بيسألوا عليه طبعاً

عند السؤال بقى تلاقى الناس كلها تقول أشعار

ده .. ده باشا

ده عليه خفة دم والضحكة مابتفارقش وشه

ده راجل ومجدع وأخر إحترام

والمهم بعد كده ولما الفاس تقع في الراس

تلاقى بنى آدم مختلف خااالص عن اللى سمعتى عنه

ويكون رد الناس ,,

واحنا نعايب ليه في الناس

احنا ملناش دعوة بخراب البيوت

إحنا عندنا بنااااااات

عندكوا بنااات !!!!

ولو عندكوا بنات توقعوا بنات الناس في ناس سيئة وتقوله عكس الحقيقة ( عن علم أو جهل ) ممكن الناس متعرفش فعلا حاجة عن الشخص بس اهو تمدح فيه وخلاص !!!

وخراب بيوت ايه هما ناس متجوزين وهتخريوا البيت

هو لسة في بيت أصلاً عشان يتخرب !!

ليه بنغش الناس

وممكن كمان أعز الأصدقاء أو القرايب تبقى عارفة عيوب الشخص

بس ماتتكلمش ولما تكتشفى حقيقته

تقولك والله انا كنت عارفة من الأول !!!
طب يابنتى ليه مانطقتيش ...

تقول لا وانا مالى عشان يقولوا منغاظة وعاوزة تفشكل الجوازة !!

يا جماعة إتقوا الله عند السؤال وقولوا كلمة الحق ..

ده أنتوا عندكوا بنااااات

في انتظار تفاعلكم ...

**essam esmaeil** · 4 - 9 - 2009, 09:36 PM

والله عندك حق

لكن لما حد يسألنى عن شخص مقدرش اقول غير كلام حلو

ويابخت من وفق راسين فى الحلال

عصـــــــام

**شيري العسولة** · 4 - 9 - 2009, 10:01 PM

لا طبعا تقول الحقيقة علشان حرام الناس تتخدع
وده زواج مش اى كلام يعنى
شكرا ليك ولمرورك

**No TiMe** · 4 - 9 - 2009, 10:31 PM

جميل شيري بس لو الكلام اللي اتقال علي العريس كويس المفروض اننا نتاكد من كدا ومش من اول واحد يقول عليه حلو نوافق عليه
ومن ناحيه ان الناس بيقولو كلام واللي بيطلع غير دا بيكون ناس عاوزه شر او شغل سمسره زي كدا
ربنا يسترها علي البنات كلها من كدا
توبك جميبل بجد
تقبلي مروري علي صفحاتك

**كابوس الحرامية** · 4 - 9 - 2009, 10:37 PM

انا شايفه انه دي امانه حرام عليهم يخدعو الناس بكلام مش حقيقي المفروض يقولو اللى شافو او اللي يعرفو لو ميعرفوش يبقو ميتكلموش اصلا
وربنا يهدي بقى
تسلمي يا حبي على الموضوع الجميل ده

**botta** · 5 - 9 - 2009, 01:36 AM

ايوة بيقولوا دول ناس طيبين و فى حالهم و مالهمش حس فى الشارع

و بعد الجواز تلاقى صوته مجلجل فى البيت

ده كفاية امه و ابوه ناس بلسم يتحطوا ع الجرح يطيب

و بعد الجواز يا ساتر يا رب

اسكتى بقى عشان الدنيا مليانة كده و برده اللى بيقولوا دول بيتقرصوا فى بناتهم

و مافيش فايدة

تشكر يا قمر على الموضوع الجميل

ربنا يهنيكى يا شيرى

الموضوع: إحـــــــــنا عنـــــدنا بنــــات

أدوات الموضوع

إحـــــــــنا عنـــــدنا بنــــات

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة