سؤال لكل أم وأب ...انتباه من فضلكم

[شمس الأصيل]

سؤال لكل أم وأب

يجب ان تنتبهوا وتجيبوا عن هذا السؤال

ولكن بعد تفكير عميق والاجابة يجب ان تكون بروية وأناة وحكمة
يوما وجدت بناتي مفتونات ببطلة أحد مسلسلات الكارتون و اسمها
رينادا

رينادا فتاة قوية شابة جميلة تحمل السيف

وتعرف كيف تستعمله كما أنها بطلة تدافع عن الخير
ضد الشر يمكن أن يقال انها أسطورة
رأيت بناتي منبهرات بها ويقلدنها وسمعت احداهن
تحلم بصوت عالي وتقول:
ليتني كنت مثل رينادا.
هنا اشتعل قلبي غيظا وانفطر قلبي وقلت لهن هل تظنون
ان هذه الرينادا بطلة فعلا
ان كانت هذه بطلة فماذا تكون خديجة رضوان الله عليها
وكيف تكون أم سلمة وسمية وغيرهن كثير.
في هذه اللحظة قررت أن تكون بطلات أحلام بناتي
هن بطلات الاسلام
ولن يكون هذا الا بتعريف أبنائنا
ببطلات الاسلام وحاملات رايته ولوائه عبر الزمن
من عهد رسول الله صلى الله عليه وسلم
وحتى وقتنا هذا
فمعين الاسلام لم ولن ينضب
أبداااااااا

بقلم

شمس الأصيل

[طيف عابر]

بارك الله فيكِ اختي الغاليه شمس

حقاً انه كلام صحيح شمس وكل الاطفال للاسف اصبحت قدوتهم ابطال الكرتون
والشباب قدوتهم ابطال الافلام
تقليد في الحركات والملابس وفي كل شيء
ولكن اتوقع الاهل والإعلام عليهم مسؤولية كبيرة حيث فعلا هناك تعتيم فيما يخص
نساء الاسلام واللاتي يجب ان يكن قدوة للبنات

لي عودة ان شاء الله

[اسيرة الغربه]

صحيح فعلا انا اختي الصغيره24 ساعه علي الكرتون وحتي فعلا في كلامها بتقول اللي بيتقال

بس للاسف يا شمس انا اعتقد ان الامهات نفسهم مبيكونوش عارفين عن بطلات الاسلام فازاي يعرفوا بنتهم او اولادهم؟؟؟؟

طبعا التلفزيون نادراااااااا جداااااااا لما يجيب اي حاجه عن بطله مسلمه عشان كده لازم الام تكون قراه كتب وتكون مثقفه علشان متقولش لعيلها حاجه خطا

مشكووووووووووره جدااااااا

واللهي فعلا قضيه مهمه جدااااااااااا وحلو جدااااااااا المبادره بتاعتك

مع حبي

[dr_manoon]

والله كلام حضرتك مظبوط فعلا كتير بنحلم نكون شخصيات
شايفنهم اقوياء او بتعمل جو فى الفيلم او شادين انتباهنا
وعمرنا ما نفكر نكون ابطال بس فى حاجه كويسه
ويمكن ده بسبب الفرجه على التليفزيون اللى مش
بيجيب اى حاجه عدله الحمد لله
ممكن حضرتك تشوقيهم للقصص
وتقريلهم كتير عن زوجات الرسول وبناته لدرجه تخليهم هما اللى يجرو
وراكى عشان تحكيلهم جربى ويمكن الله اعلم

[ساجدة]

بوركتِ اخية على طرحك موضوع اصبح مؤرق وخطير للاهل فالخطورة تكمن فيمن يعتقدهم الابناء ابطال خارقين وتقليدهم الاعمى والابتعاد عمن يجب ان يكونوا لهم قدوة
تصرفك كان حكيماً وناضجاً ان نبهتي طفلتك
وهذا يدعونا لتشديد المراقبه على ما يشاهده الابناء ومحاولة وعظهم والتدخل بهم
عند الضرورة

[شمس الأصيل]

بارك الله فيكِ اختي الغاليه شمس

حقاً انه كلام صحيح شمس وكل الاطفال للاسف اصبحت قدوتهم ابطال الكرتون
والشباب قدوتهم ابطال الافلام
تقليد في الحركات والملابس وفي كل شيء
ولكن اتوقع الاهل والإعلام عليهم مسؤولية كبيرة حيث فعلا هناك تعتيم فيما يخص
نساء الاسلام واللاتي يجب ان يكن قدوة للبنات

لي عودة ان شاء الله

أما الأهل فنعم

وأما الاعلام فلا

فالاعلام ان استطاع دفن كل مايمت لزمن الصحابة بصلة لفعل

يجب أن نهتم نحن بهذا الأمر

لتجد بناتنا ويجد أبناؤنا القدوة

للأسف صارت القدوة هيفاء وتوم كروز

[شمس الأصيل]

صحيح فعلا انا اختي الصغيره24 ساعه علي الكرتون وحتي فعلا في كلامها بتقول اللي بيتقال

بس للاسف يا شمس انا اعتقد ان الامهات نفسهم مبيكونوش عارفين عن بطلات الاسلام فازاي يعرفوا بنتهم او اولادهم؟؟؟؟

طبعا التلفزيون نادراااااااا جداااااااا لما يجيب اي حاجه عن بطله مسلمه عشان كده لازم الام تكون قراه كتب وتكون مثقفه علشان متقولش لعيلها حاجه خطا

مشكووووووووووره جدااااااا

واللهي فعلا قضيه مهمه جدااااااااااا وحلو جدااااااااا المبادره بتاعتك

مع حبي

عارفه يا أسيرة الغربة

المشكلة الأكبر ان الأمهات مش داريين بقنوات الكرتون

والفكر اللي بيتغرس في عقول الأطفال من خلال مسلسلات الكرتون

صحيح القنوات العربية زي اسبيس تون وآر تينز بتشيل بلاوي من المسلسلات

لكن الفكر هو هو لازال موجود وبمنتهى القوة

ان كانوا الأمهات مايعرفوش يبأى لازم يعرفوا ويدوروا

مش يسكتوا ويقولوا محدش عرفنا

في زمنا ده احنا أحوج مايكون للبحث عن دينا

أمال عايزين نجيب منين صلاح الدين

اذا كانت الأمهات مش نافعين

ولا صلاح الدين ده هيتربى لوحده كده ويطلع صلاح الدين ولاخالد ابن الوليد

[شمس الأصيل]

والله كلام حضرتك مظبوط فعلا كتير بنحلم نكون شخصيات
شايفنهم اقوياء او بتعمل جو فى الفيلم او شادين انتباهنا
وعمرنا ما نفكر نكون ابطال بس فى حاجه كويسه
ويمكن ده بسبب الفرجه على التليفزيون اللى مش
بيجيب اى حاجه عدله الحمد لله
ممكن حضرتك تشوقيهم للقصص
وتقريلهم كتير عن زوجات الرسول وبناته لدرجه تخليهم هما اللى يجرو
وراكى عشان تحكيلهم جربى ويمكن الله اعلم

عارفه يا منون

الحمد لله ربنا أكرمني بأم علمتني حاجات كتيرة جدا أنا وأخواتي مدينين لها بكتير جدا

علمتنا قيمة الكتاب

كانت لما غلاف كتاب بس يجي عليه شوية تراب

كانت تزعل وكانت دايما تقول الكتاب ده أغلى من الصديق حافظي عليه عشان يحافظ عليكي

وده اللي أنا عملته مع أولادي

من أول لما اتعلموا يقرأوا اشتريت لهم كتب بسيطة وجميلة عن أمهات المؤمنين وعن سيدات في الآسلام كانوا قدوة بحق

وعن حياة الرسول صلى الله عليه وسلم

والعشرة المبشرين بالجنة وغيره من القصص الاسلامي

كل سلسلة كنت بشتريها كاملة

والحمد لله عودتهم حب القراءة

لكن الفرق هنا ان الكتاب مش بيدي نفس الابهار اللي بيديه مسلسل الكرتون

واللي يغيظ ان مستوى مسلسلات الكرتون العربية اللي بتتعمل على الاسلام وبخاصة في القنوات الاسلامية
معندهاش نفس الابهار اللي موجود في المسلسلات الغربية

والطفل بطبيعته بيحب الابهار

أنا حفظت مسلسلات الكرتون كلها متكررة

مثلا مسلسل يوجي

معلش يتفرج مجبر أخاك لا بطل عشان أتابع ولادي بيتفرجوا على ايه

المسلسل ده كله مشهد واحد بس فيه ابهار

مسلسل أبطال الديجتال فكرة واحدة بتكرر كل حلقة مفيش جديد لكن برضه الابهار

امته نستغل تراثنا الاسلامي اللي مليان ابهار بس صح

[شمس الأصيل]

بوركتِ اخية على طرحك موضوع اصبح مؤرق وخطير للاهل فالخطورة تكمن فيمن يعتقدهم الابناء ابطال خارقين وتقليدهم الاعمى والابتعاد عمن يجب ان يكونوا لهم قدوة
تصرفك كان حكيماً وناضجاً ان نبهتي طفلتك
وهذا يدعونا لتشديد المراقبه على ما يشاهده الابناء ومحاولة وعظهم والتدخل بهم
عند الضرورة

حياك الله أختي الفاضلة ساجدة

الحقيقة المتابعة لازم تكون شديدة فعلا

يعني أبسط مافيها عشان الطفل مايحسش بالحرمان

أنا بأعد مع ولادي وأتفرج معاهم صحيح أحيانا بتبأى حاجة تفرس

لكن لازم أطمن ان اللي بيشفوه مش خطر عليهم أو أوضح الفكر اللي موجود في المسلسلات

وخاصة الطفل بتشرب الفكر ده بدون ادراك منه

والنتيجة بتكون مشكلة بتظهر في الكبر


مهمة الأم صعبة وللأسف فيه أمهات كتيرة مش عارفين خطورة الفكر اللي بيتغرس في عقول الأطفال من خلال مسلسلات الكرتون

الغرب عرف يوصل لعقول أجيالنا الجديدة ازاي

ويعملهم غسيل مخ واحنا مش داريين

وطبعا مفيش أساس مخ الطفل فاضي معندوش قدوة

وطبيعي هيدور على قدوته في المسلسلات الكرتونية اللي مبهور بيها

شكرا ليك

شرفني وأسعدني مرورك

[ساندرا]