تريقه على الاغانى بعيد عن الهضبه طبعا

**broken_heart** · 7 - 9 - 2009, 12:46 AM

تامر حسنى - حضن الغريب

خليه يمشى يا فهمى و يبعد و يبطله يومين
بكره هيرجع تانى يا فهمى مزلول على نفسين
ماتسيبه يروح هناك
و يدور ع المزاج
ما هيلقى زينا
مهما يروح او يغيب
بردو قرش الغريب
مش زى قرشنا
مش زى قرشنا

محمد محى - اتخنقت
اتزنقت.. وطلعت كنت بضيع وقت
..
كان كل همي أقول خلصت.. وانا ماصدقت
وامتحنت..امتحان وهمي بجد.. معرفتش أغش من حد..زي ما خططت
انا مانجحتش في حاجة مـ اللي امتحنت فيه
..
سوء تصحيح دا ولا غباوة ولا ايه
واخدت صفر وكأني ولا امتحنت..فاتخنقت
درجات الناس كتيرة والوضع ما اختلفش
فيه منهم شاف نتيجته وفيه منهم ما شافش
اتهزقت.. من أمي طبعا واتشتمت..واتبهدلت لحد ما قلت..خلاص حرمت
اتعلقت .. من أبويا لحد ما مت.. خلاني أقول انا توبت.. اتضربت واتظبطت

هشام عباس - فينه
صايع و فى تالته صنايع و بنطلونه من غير حزااام
قميصه واسع .. و عقله لاسع .. من الدور التاسع ..يرمى الكتب و يخش ينام
فينو الواد المسطول ..ليه مش حاضر الحصة ؟
ومزوغ فين على طول ..مش ناوي يفوق ولا لسه؟
أصلي ناويله.. ها أطين ليله.. بس أما أشوفه دا يومه هباااب
بنات يكلم ..ويخش يسلم .. وبلاش يتعلم ..وخروجاته في التمااام
يزبط واحدة .. ويعاكس واحدة ..ودايما واقف يدلع مع بنت الجيرااان
فينو الواد الفسدان..ليه ماجاش النهاردة؟
قرب يجيبلي جنان ..نفسي أشوفه في المحاضرة
أصلي ناويله.. ها أطين ليله.. بس أما أشوفه دا يومه هباااب

تامر حسنى - هى دى

أكتر حاجة بحبها فيكى هوا ده .. اه هوا ده .... اه طبخك
و أكتر حاجة شدتنى ليكى هى دى ... اه هى دى حلاوة أكلك
و أكتر حاجة بتتجننى أكللك طول الوقت عاجبنى
لما بتعملى احلى بطاطس هيا و الملوخية
و اجمل حاجة و احلى ما فيكى طبخك أكلك كل مافيكى
عليكى أكل اللة يخليكى هطخن كده يا ولية
ياااه على الحمام لما الحمام يبقى معمول كده بالخلطه
و اااه يا سلام يا سلام ع البتنجان انا عمرى ما دوقتة من اى واحده
انا عارف انا الاسباكتى يا حبيبتى .. يا حبيبتى أحلى أكل
و ازاى كده أكلك
و احلى ما فحبى ليكى انى باكل اكل ... اه اكل و يا ريتنى ما بطخنش

ايهاب توفيق - تترجى فيا
تتصل بيا..ترن عليا
مش ممكن يووووم هارغى معاااك
تتصل بيا..ترن عليا
مش ممكن يووووم هارغى معاااك
و ازااااااااااااااااااااااى
ازاى ك ك يسيبك ..تفتح على ميسد حبيبك..و تخلص ليا رصيييدى
ازااااى
ده تمن الكارت انا شحته
تمن العدة استحملته
كان صعب و كله اقسااااااااط
و جاى دلوقتى تقولى خلاص
ما خلاص
رصيدى خلص
خلاااااااااااااااااص
رصيدى خلص
خلاااااص
خلاااااااااااااااااااااص
فتحت؟ فتحت ليه؟ كنسلت؟ كنسلت ليه؟ جاى؟ جاى بعد اييييه ..ترد عليا
خط؟ خط مين؟ كارت ؟؟؟ هو فييييين؟ شحن؟؟ شحن ايييييييييييييه...متقولش نوكيااااااااااااااااااااا

محمود العسيلى - تررم

كان مره فية ماده اسمها فزياء غباوتها مش طبيعية
كل ماجى اذاكرها احس انها هندية
تعبانا و قرفانا
ومسائلها مبهدلانا
و تبصلنا و تقول متحلونى في اية
مش فاهمين منها حاجة - ولا ايه اخرتها معانا
نفسنا نرتاح من اللى احنا فيه
الرخامة والتناحة و الغباوة و القباحة
كل الناس اللى يذاكروها يبقوا خلاص هيقطعوها
او يروحوا يحرقوها و يخلصوا من أبوها
لو كان وزيرنا شالها من المنهج
كان قصر و ريحنا
بدل مانقعد نذاكر و نفضل زى ماحنا
كارهنها و مش طايقنها و مخنوقين منها
و بنفضل نقول بتعملى كده ليه
هتفضل كده معنا قارفانا و خانقانا بس نبقى عارفين اخرتها ايه
الرخامة و التناحة و الغباوة و القباحة
كل الناس اللى يذاكروها يبقو خلاص هيئطعوها
او يروحوا يحرقوها و يخلصونا من أبوها

**__Fadwa__** · 7 - 9 - 2009, 02:13 AM

طبعا مفيش حد يجرئ انه يترئ على اغانى الهضبة
بس تريقت الأغانى دى جامدة جدا
نايس توبيك

**broken_heart** · 7 - 9 - 2009, 02:39 AM

ميرسى كوكو انتى اللى عسل والله والهضبه ده حبيب قلبى

**Sezer** · 7 - 9 - 2009, 12:53 PM

ههههههههههههههه
جامدين اوى
احلى واحده بتاعة ايهاب توفيق

تسلمى يا قمر

**ahmed_sasaa** · 7 - 9 - 2009, 04:53 PM

بتاعت الفيزيا دى جامده اوى اصل انا مجربها ماده مقرفة

**broken_heart** · 8 - 9 - 2009, 01:31 AM

والله انت اللى جامد يابوب ميرسى يا قمر ليك

**broken_heart** · 8 - 9 - 2009, 01:32 AM

ميرسى ليك يا احمد انا الحمد لله ربنا رحمنى من الفيزيا

**ahmedmharb** · 8 - 9 - 2009, 02:35 AM

طبعا الهضبه فوق الكل
والفيزياء فوق الهضبه ههههههههههههههههههههه
الحمد الله ارخم ماده على الاطلاق
ونشكرا الجميع على حبهم للهضبه وبعدهم عن شعر صدر حسيــــــــــــــــــــــ ــــــــــــــن
هههههههههههههههههههههههه وياريت تشوفوا صورة التعليق بتاعى وقولوا ايه رايكوا

**broken_heart** · 8 - 9 - 2009, 03:06 AM

جامده يا احمد والله انت مبدع يا بنى ومعاك حق لازم يكمل سجنه ههههههههههههههههههههههه وتسلم على مرورك يا سكر

**King MeZo** · 8 - 9 - 2009, 12:24 PM

نيس توبيك بروكين
ايه الحلاوة دى

الموضوع: تريقه على الاغانى بعيد عن الهضبه طبعا

أدوات الموضوع

تريقه على الاغانى بعيد عن الهضبه طبعا

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة