عمرو مصطفى وعمرو دياب عايزين ايه من تامر حسني؟

[ابو عائشه]

من الاخر يتقنعونى ياهقنعكم اتفقنا .......

بصوا انا هتكلم بالعقل وبالحكمه والحمد لله كلنا بنفهم يعنى من الاخر مش عاوز حد يصدر دماغه

ربنا بيقول فى القران(ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين )

اسمعنى انت وهى مش اول ما بتشوف قران بتمشى اصبر واسمع واقنعنى او انا اقنعك

من الاخر اى حاجه بنعملها يا لينا يا علينا يعنى اما حسنات او سيئات

طيب والاغانى دى بقى لما بنسمعها بناخد حسنات ولا بناخد سيئات

قول وبصدق متقولش اهو اى حاجه وخلاص بتسلينى

ربنا بيقول لهم عذاب مهين

يعنى عمرو وتامر وغيرو وغيرو ربنا يهديهم يــــــــــارب لو مرجعوش لربنا وتابوا قبل ما يموتوا دا مصيرهم

والرسول بيقول المرء يحشر مع من احب

ترضى تبقى معـــــــــــــــــــــــ ـــاه فى العذاب دا متجاوب جاوب ياعمى متجاوبى يا خالتى !!

لازم دلوقتى حالا تعلن توبتك وتقول مش هسمع اغانى ومش بحب ولا عمرو ولا تامر
ووالله والله والله لما تعدى فتره هتعرف قد ايه كنت انا صح او بعد الشر عليك وعليكى بردو هتعرفوا اد ايه انا صح
بس دلوقتى تقدر تتوب بعد كدا صددقنى مش هتقدر ترجع

معلش ان كنت طولت عليكم بس كان لازم اقول الحق واعرفكم انتوا بتودوا نفسكم فين

لو مش مقتنع بكلامى انا مستنى كلامك يمكن اقتنع بيه.

[هبه اتش]

حب الشخص في الله غير حبه في الاغاني
وتامر حسني نفسه عايز يبطل انه يغني وبيحاول
يحقق ده
انا مقتنعه بكلامك وهاحاول ابعد عن الاغاني
بس هافضل احب تامر والحب مش كفر ولا ذنب
مشكور على مرورك

[ابو عائشه]

حب الشخص في الله غير حبه في الاغاني
وتامر حسني نفسه عايز يبطل انه يغني وبيحاول
يحقق ده
انا مقتنعه بكلامك وهاحاول ابعد عن الاغاني
بس هافضل احب تامر والحب مش كفر ولا ذنب
مشكور على مرورك

الحمد لله انك مقتنعه بكلامى يبقى بالنسبه لقضيه الاغانى مفروغ منها
وربنا يثبتك يارب ويبعدك عنها ويهدى تامر يارب امين

الخلاف بينا بقى على حب تامر
ممكن اسالك سؤال وتجاوبى بصراحه؟؟

لما بيكون فى حفله لتامر مثلا وانتى كنت بطلتى تسمعى اغانى ياترى هتروحى ولا ؟

هتفضلى تقولى اروح لا مش هروح هروح بحب تامر لا بس انا بخاف من ربنا مش هروح

شوفتى تامر انتى وصلتيه لدرجه ايه
خلانا نقول تامر ولا ربنا (نستغفر الله ) وشباب كتير بعد مانتوب بنرجع تانى

ترضى تحبى شخص بيحارب ربنا
ترضى بالله عليكى فكرى كويس شخص بيخلى الناس تبعد عن ربنا حبيبك
اللى خلقك وخلاكى جميله واحسن مظهرك واداكى النعم دى كلها ترضى تقولى وانت واقفه قدام ربنا تقولى له
انا بحب واحد كان بيبعد الناس عنك واحد كل شغلته بيغنى

اقؤلك على حاجه انا كنت بحب تامر وعمرو دياب اكتر من نفسى

بس لما فوقت وعرفت خلاص بقى دانا بحب واحد بيعصى ربنا

ياترى كان ينفع يجى واحد من الصحابه يقول للرسول انا بحب ابو لهب لشخصه
اللى كان بيؤذى الرسول
هتقولى وايه علاقه تامر بابو لهب
تامر بيهد كل القيم والمعانى الجميله اللى الرسول علمها لينا

بصى لازم تعرفى انك هيجى يوم وتقفى قدام ربنا لو قدرتى تقولى لربنا انا بحب واحد كان بيعصيك يبقى حبيه دلوقتى
شكراااااا

[هبه اتش]

زمان كنت بمشي في الشارع وأقابل ناس اعرفهم كانوا يقولولي وحشتينا وكدا ماتسأليش علينا
كنت أروح أحكي لماما تقولي اللي ربنا بيحبه بيحبب فيه خلقه
باللنسبه لتامر انا بحب فيه حاجات معينه كأنه حد اعرفه
زيه زي صديق لبابا بحب طيبته
او زميل لأخويا بحب شهامته
أو زي صديق ليا في المعهد بحب ذكائه
ممكن حبي لتامر يقل مع الوقت بس مش هايختفي
عايزه اقولك كمان انا محدش اغلى عندي من ربنا وده شئ اكيد في قلب كل مسلم
وغير كدا تامر شخصيه قريبه من ربنا أوي
والانسان في الدنيا مخير مش مسير يعني الحلال بين والحرام بين وكل واحد مدرك هو بيعمل كده ليه وايه سببه
وكل واحد ربنا هايحاسبه على نيته
وبالنسبه للحفلات انا عايزه اقولك اني مش بخرج من البيت اساساً عشان احضر حفله لتامر أو غيره انا يادوب بعرف الاخبار من tv او النت
وربنا يزيدك يارب ويكتر من أمثالك
وشكراً مره كمان على الحوار الجميل ده
ومشكور على مرورك مره تانيه