مش هتخسر حاجة

[Ali Pharouq Najar]

السلام على من اتبع الهدى
أنا كنت عاوز اتكلم فى الموضوع ده مع أى حد فى سنى
أو نقول بوجه عام لشباب و الشابات و بخاصة المسلمين
يا شباب :
أنا عاوز أعرف راى كل من يدخل هنا حول حالنا كعرب
و كمسلمين .
من غير الكلام اللى فى السياسة , و لا الكلام اللى فى النفاق
و لا الكلام اللى ميرضيش ربنا .
أحنا مش زى زمان . صح ؟؟؟؟.
ممكن لو سمحت تدور معايا عن الاسباب ؟؟؟
أسباب ايه يا عم أحنا زى الفل
لا لا أنت بتضحك على نفسك
هل أنت زى ما أنت من سنة ؟؟
طيب أنتى فاكرة كويس أن انتى كنتى كده من سنتين ؟؟


مشكلة ؟؟
و الحل ؟؟؟
بسيطة


اتق الله !!!!
و للحديث بقية

[قطقوطة]

عندك حق ياعلى والله
مش عارفة بالظبط ايه اللى اتغير
بس الاكيد اننا مش زى من سنة او حتى كام شهر
تحس ان كل حاجة بتتغير ايه الاسباب مش عارفة
يمكن بنكبر اكتر ونحلل امور كانت غايبة عننا
او بنعرف اكتر
بنفهم الحياة اكتر وبالتالى تتغير شخصيتنا
منها اللى للافضل ومنها اللى للاسوأ لللاسف
يعنى مثلا حاجات ماكانتش حتى تحتاج لتفكير عشان نرفضها تلاقي نفسك بتوافق عليها وجواك رافضها
الله اعلم
بس انا حاسة ان في نضوج اكتر والمصلحة بقت تغلب في كتير من الاحيان كمان المشاعر بقت بتتغير النهاردة بتحب فلان بكرة تحس انه ماكانش حب
النهاردة دى صاحبتك بكرة تلاقيها عدوتك
حاجات كتير والاحساس دا من قريب مش من زمان
انا اسفة انى طولت عليك بس بجد موضوع مهم
انا عندى 21 سنة وانت؟؟؟؟؟؟؟؟؟؟؟؟؟؟؟؟ وياترى شايف او حاسس بكدة من دلوقت والا من زمان؟

[Ali Pharouq Najar]

بسم الله
إزيك يا ياسمين ...
أنا عاوز أشكرك على ردك و على مرورك ..........
و عاوز أقول أن كلامك صحيح ...
المصلحة بجد بقت تغلب ، لكن مش فى كثير من الأحيان
دى بقت فى كل الأحيان ....
أما عن جانب المشاعر اللى كنا فاكرينه الناحيه
الصافيه اللى لا تخطع لمادية ولا لسلطان أو لاى مسألة دنيوية ....
أصبحت و سيلة فعالة للتلاعب بالناس ......

و لكن
ربنا موجود .... وهو قادر على كل شيئ ....

شكرا من جديد يا ياسمين

على
18 سنة

[hero]

ياجماعه البلد هى الى مش عطيه فرص لحد والله احنا شباب ضايع جدا بسبب البلد حرام ال بيحصل فى البلد ده معتش ورنا غير النت واللعب وكلام فاضى حتا الخناق ال فيه الشباب بسبب البلد
والله الواحد مش عارف يعامل ايه بس ربنا معا وانا احمد
23سنه

[Ali Pharouq Najar]

صح يا أحمد لكن المشكلة مش فى البلد والله ..
المشكلة فينا أحنا كبشر .....
إحنا لازم نتغير علشان نغير ......
عز من قال :
"إن الله لا يغير ما بقوم حتى يغيروا ما بأنفسهم "
صدق الله العظيم

شكرا يا أحمد ........

على

[البنت الجديده]

انا هاتكلم في الموضوع من وجهه نظري وانا فعلا شايفه اننا اتغيرنا وبنتغير واكيد ان شاء الله هنتغير بس المهم انا هل بنتغير للاحسن او للاسوء ؟وان كل انسان شاب فينا يشوف ايه اللي غلط فيه ويصلحه علشان نتغير للاحسن ودي من الناحيه الشخصيه اما من الناحيه العامه فانا شايفه اننا بتغير او الظروف بتحكم علينا اننا نتغير للاسوء مثلا انا شايفه ان الشباب احلامه بتتدمر وخصوصا المثقفين فينا لما الشاب مش لاقي وظيفه او عمل يليق به كمهندس او مدرس وفي الجانب الاخر نري ممثلين ومطربين ليس لهم اي اهميه ويكون لهم الحظ والنصيب الاكبر من المكاسب والاحترام من الدوله والله لقد احترت ولا املك الاان ادعو ربي ان يهون علينا هذه الدنيا ويرزقنا جنه الاخره لصبرنا في هذه الدنيا الغريبه
صفا 19

[Ali Pharouq Najar]

شكرا صفا ..... على تعليقك ...
و كلامك صحيح ......
إحنا كمسلمين ..قبل ما نكون عرب ....
لازم يكون لينا شخصية مستقلة ...
لا تقليدية للعلمانية الغربية ...
أما عن كلامك عن الأزمة اللى بيعانى منها الشباب ..
وخضوصا الفئة المثقفة ...
فلقد أصبحت ظاهرة ترى ..رأى العين ...
و الغريب أن كل اللى فى بال الشباب هو ..
اللبس ...تقليد الفنانين ...الفسح ...الرحلات ...
البنات ....
ولكن ..........
ربنا موجود ........
شكرا من جديد صفا و دمتم بخير ...

على

[Lovely Dina]

اولا اشكرك علي الموضوع المهم جدا دة
ثانيا انا معترضة علي كلام احمد(من غير زعل)
لانة اة البلد بايظة بس احنا الي في ايدنا نصلحها
ونخليها احسن بلد
والحل بسيط جدا ان احنا نجتهد ونعمل بجد اة نعض ونلعب علي النت بس مش طول الوقت ولو كل واحد اهتم انة يغير نفسة كلنا هنتغير ولا اية من موافئني

[Ali Pharouq Najar]

فى البداية ......
شكرا ليكى يا دينا على تعليقك ....
و لكن الكلام اللى قالوا أحمد كلام واقعى وهوا دا اللى أحنا فيه حاليا ........
أنا معاكى فى نقطة أنه أحنا بإدينا نصحح من أوضاعنا .......

بسم الله الرحمن الرحيم
"إن الله لا يغير ما بقوم حتى يغيروا ما بأنفسهم "
صدق الله العظيم

و لكن يا جماعة أنتوا مش حاسين أن احنا كنا هدف لناس تانية ...
و الضلال اللى أحنا فيه دلوقتى كان متخطط لي من فترة ....
و بصراحة ....

أحا بكل بساطة و سذاجة ....
وقعنا فى الفخ بكل سهولة ..........

من الأخر ومن غير كتر الكلام ...
أحنا عاوزين معجزة ....
و للاسف ......!!!!!
عصر المعجزات انتهى


على

[suzy]

موضوعك جميل مفيش كلام في كدة بس بالنسبه للتغير او احنا بقينا ايه دة يتوقف علي الشخص نفسه اللي عاوز يكون حاجة بينحت في الصخر وبيكون زي ماهو عايز الفرق في العزيمه والارادة والكلام دة عن تجربه حصلت معايا ولو كملت كلامك انا هاحكيلك التجربه بتاعتي
تقبل مروري