وحــشـــتـــونـــى ولــــكــــن ؟؟؟؟

**عاشقة الرومانسية** · 8 - 9 - 2009, 01:42 AM

هاى على احلى واجمل وألذ اصحاب فى الدنيا

وحيات ربنا وحشتونى مووووت بجد انا على فكرة كنت بتابعكم من بعيد لبعيد وبسم الله ماشاء الله المنتدى بقى تمام اوى وطبعا البركة فى اعضاءنا الحلوة اللى زادوا علينا واللى طبعا موجودين من الاول

صعب طبعا اقول مين ولا مين اللى وحشنى لأن بجد كلكم وحشتونى كتير كتير وانا نفسى بجد كان يبقى كله دلوقتى موجود عشان اسلم عليهم

علشان مع كل اسفى بقى صعب جدا دخولى على النت فى الوقت الحالى لظروف خاصه لكن انا كل فترة كده هحاول بجد ادخل اسلم عليكوا او لو شوفت اى حد موجود هاتمنى منه ان يوصل سلامى للى مش موجود عشان بجد وبدون اى مجاملة انتوا اصحاب بجد فى قمة الادب والاحترام كفايه اننا بنحب بعض من قلوبنا وبنخاف على بعض وبنتمنى لبعض الخير ربنا يدمها عليكوا محبة وود يارب العالمين

مش عارفه اقولكم ايه اعذرونى وادعولى بالتوفيق فى حياتى وياريت تفتكرونى بالخير لأنى محتاجة انكوا تدعولى اوى وتتمنوا ليا من كل قلوبكم الصبر وراحه البال

ميرسى اوى اوى على الايام الحلوة اللى قضتها معاكوا وبجد انا كنت تقريبا مش بقوم من على الكمبيوتر إلا لما مامتى تصوت عشان اقوم وده طبعا عشان بجد كنت بنسى نفسى معاكوا بس يلا مش مهم كلوا يهون عشان عيونكم

مش بتمنى حاليا غير انكوا تفتكرونى بالخير وياريت اللى موجود دلوقتى يسلم على اللى مش موجود السلام امانة وخلى بالكم هراقبكم من بعيد وياويله اللى مش هسلملى على اللى مش موجود بجد يا جماعه انا حبيتكوا من قلبى

ويـــاريت تفتكرونى بالخير

رأيت الموت يطوى الناس تكرارا
فكتبت اسمى خوفا من الموت تذكارا
ســــنــــدس

كل سنة وانتم بأتم صحة وراحه بال

**botta** · 8 - 9 - 2009, 01:48 AM

سندس انتى أكيد منورة المنتدى و حتى فى غيابك انا هدعيلك كل ما افتكرك

ربنا يصلح حالك و يريح بالك و يعطيكى الخير كله

يا رب العالمين

تسلمى يا قمر و حاولى ما تتأخريش علينا

**~~zero0~~** · 8 - 9 - 2009, 01:49 AM

أيه يا سندس

رايحه فين

انا محمود هلال يا ريت تكونى لسه فاكرانى

هتروحى فين يا سندس

الكافيه هيبقى وحش اوى من غيرك

**عاشقة الرومانسية** · 8 - 9 - 2009, 02:27 AM

المشاركة الأصلية كتبت بواسطة botta

سندس انتى أكيد منورة المنتدى و حتى فى غيابك انا هدعيلك كل ما افتكرك

ربنا يصلح حالك و يريح بالك و يعطيكى الخير كله

يا رب العالمين

تسلمى يا قمر و حاولى ما تتأخريش علينا

كلامك فرحنى كتير ودعوتك حلوة اوى وامانة عليكى كل ماتفتكرينى ادعيلى وميرسى اوى على كلامك لينا ربنا يكرمك يارب وتسلمى يا جميلة

**عاشقة الرومانسية** · 8 - 9 - 2009, 02:32 AM

المشاركة الأصلية كتبت بواسطة zero0

أيه يا سندس

رايحه فين

انا محمود هلال يا ريت تكونى لسه فاكرانى

هتروحى فين يا سندس

الكافيه هيبقى وحش اوى من غيرك

ياااااه محمود طبعا فاكرااك يا باشا انا اقدر انسى الناس الحلوة اللى زيك ازيك يا قمر يارب تكون بخير ومعلش سامحنى مش هاقدر اكمل الابسيط مووت ادعيلى يا محمود كل لما تفتكرنى وابقى سلم على اللى مش موجود
وصدقنى الكافيه حلو بيكوا انتوا
هتوحشونى كتير وتسلم على كلامك الحلو ده

**salama10** · 8 - 9 - 2009, 02:35 AM

حمدا لله على السلامه ياسندس

والله وحشتينا اووووووووووووى

وفرحتنا النهاردة ماتتوصفش

اولا رجوع سندس واحمد (انتهينا)

وثانيا عيد ميلاد زيزو

يااااااااااااااارب دايما بخير ونطمن عليكى

وكل سنة واتى بصحة وسعادة وخير

**عاشقة الرومانسية** · 8 - 9 - 2009, 02:48 AM

تسلم يا سلامة ربنا يخليك
ربنا يوفقك ويكرمك يارب
نورتنى

**كابوس الحرامية** · 8 - 9 - 2009, 03:07 AM

ايه يا سندوقه يا حبيبتي
شكلك زعلان من حد هنا
مين زعلك بس يا روح قلبي
والله انتي وحشانا كلنا يا قمرايه
نتمنى انك تتراجعي
لان شكل كدة عدم دخولك دة وراه سبب هنا
وكلنا بنحبك يا عسل
ربنا يوفقك يارب ويحميكي يا قمر

**Mr.Mo0ody** · 8 - 9 - 2009, 03:16 AM

سندس احنا دايما فاكرينك وربنا
ودايما واحشاني بجد

بجد انتى معزتك عندنا كبيرة قوى انتى ومصطفي

وصعب علينا بجد ان نلاقي حبايبنا واصحابنا واخواتنا بيبعدوا عننا واحد وري التاني

فى ايه اي جماعه مالنا

ابتدت بطيف وساندرا وشمس
مرارا بأحمد عمر ووليد الأسلام وايميري شوو وسلامه

بعدهم ريهام ونهي ورشا

وبعدها انتى ومصطفي

بجد يا جماعه كتير علينا كده وحرام

فين الأيام الحلوة اللى بنينا بيها الكافيه ووقف علي رجليه واحنا كلنا مع بعض

يارب ربنا يرجع الأيام الحلوة دي

ويرجع لينا كل اخ واخت غايب عننا

ويارب ما تبعدى عننا ابدا ابدا

**~ man neO ~** · 8 - 9 - 2009, 11:52 AM

والله الواحد كل ما بيشوف اسمائكم
بيرجرع لورا ويتذكر والله
الكافيه ما بقااش ليه طعم زى الاول
بس اهو بنشرب بردو

منوره الكافيه من جديد ويارب دايماا منوره بيتك
واخواتك ان شاء الله
ترجعى بالف سلامه

الموضوع: وحــشـــتـــونـــى ولــــكــــن ؟؟؟؟

أدوات الموضوع

وحــشـــتـــونـــى ولــــكــــن ؟؟؟؟

معلومات الموضوع

الأعضاء الذين يشاهدون هذا الموضوع

المواضيع المتشابهه

كاركاتيــــ رمضــانيه ـــرات ... مع الفرق بين ؟؟؟؟ و ؟؟؟؟ !!!

من انت عنــــــــــد الله؟؟؟؟ اجـــــب

ما هو الحنين ؟؟؟؟

لغز تحدي.....؟؟؟؟ مين يقدر ؟؟؟؟!!!!!!!

الكلمات الدلالية لهذا الموضوع

ضوابط المشاركة