نفسى أغمض عينى و افتحها ، ألاقى .....................

[botta]

توبيك يجنن بجد
انا حصلت معايا كتير ايام الامتحانات وايام تانيه كتير
بس الوقت اللي ندمت فيه لما قولت نفسي اغمض عيني
وافتح الاقيني طلعت برا مصر بقى...ولما طلعت بجد ندمت جدااا
اني فكرت اخرج منها اصلا، ودلوقتي بقى نفسي اغمض عيني وافتحها
الاقيني نزلت مصر وقاعده مع الناس اللي واحشوني مووت وهموت واشوفهم.
تسلمي يا جميل توبيك حلو اوي

ربنا يقرب البعيد و ترجعى تنورى مصر
بس خلى بالك لتقولى عاوزة أرجع تانى برة
نورتى يا ايمى
و يا رب دايما منورانى

[جلال عزت]

السلام عليكم ورحمة الله و بركاته...

كالعادة يا botta موضوع مميز كمان من مواضيعك احب ارد عليه و اتمنى يليق ردى بالموضوع ان شاء الله...

انا اكتر ايام كنت عاوزها تفوت بسرعة هى ايام الامتحانات و تعب والدى بالرغم من انه تعبه مكانش بيأثر على نفسيته لكنى كنت بتضايق لما بشوفه تعبان.

اما اكتر ايام بندم عليها هى الايام اللى بتفوت عليا من غير ما اعمل اللى عليا.

و الايام اللى اتمنى انها تفوت بسرعة و الاقى امنيتى اتحققت بعدها هى دراستى تخلص على خير و الاقى نفسى ارتبطت بالانسانة اللى احبها.

نصيحة صغيرة: صحيح الندم بيكون على حاجات كتير كان لازم نعملها علشان نرتاح و كان قدامنا خيار ساعتها، بس ده مش معناه اننا نستسلم ابدا .. مادام لسه قدامنا خيارات تانية و نقدر نحقق حاجة افضل و نرسم مستقبل احسن لنفسنا يبقى مش نيأس و لا نفكر فى الندم ابدا علشان مش يعطلنا عن اللى باقى فى حياتنا بإذن الله.

بشكرك مرة تانية على طرحك الممتاز للموضوع...

محمود...

[آية الرحمن]

انا اتمنيت كدة كتير فى الامتحانات والحزن والمشاكل والملل والسفر والمرض والدراسة
ووقت الدرس يعدى بسرعة وحاجات كتير اوى بس انا ندمت مرتين على كدة مرة لما كان نفسى اكبر ولما كبرت بندم ونفسى ارجع طفلة تانى ومرة لما اتمنيت رمضان يخلص بسرعة علشان يجى العيد بقى واعيد واقول ما خلص كنت حزينة ونفسى يرجع تانى

[ام اسراء]

يختلف هذا الأحساس حسب المرحلة السنيه للفرد
الصغير نفسه يكبر زى بابا أو ماما
فى المدرسه نفسه يخلص
البنات نفسهاااا حاجات كتير
والاولاد برضه
طبعا أنا مريت بكل دة
ودلوقت بعيش كل لحظه ولا أستعجل الأيام لأنها جايه جايه
اسيبها تأخد وقتها
وما يقدرة الله لى هو الأفضل
تحياتى لكى على موضوعاتك المميزة

[botta]

السلام عليكم ورحمة الله و بركاته...

كالعادة يا botta موضوع مميز كمان من مواضيعك احب ارد عليه و اتمنى يليق ردى بالموضوع ان شاء الله...

انا اكتر ايام كنت عاوزها تفوت بسرعة هى ايام الامتحانات و تعب والدى بالرغم من انه تعبه مكانش بيأثر على نفسيته لكنى كنت بتضايق لما بشوفه تعبان.

اما اكتر ايام بندم عليها هى الايام اللى بتفوت عليا من غير ما اعمل اللى عليا.

و الايام اللى اتمنى انها تفوت بسرعة و الاقى امنيتى اتحققت بعدها هى دراستى تخلص على خير و الاقى نفسى ارتبطت بالانسانة اللى احبها.

نصيحة صغيرة: صحيح الندم بيكون على حاجات كتير كان لازم نعملها علشان نرتاح و كان قدامنا خيار ساعتها، بس ده مش معناه اننا نستسلم ابدا .. مادام لسه قدامنا خيارات تانية و نقدر نحقق حاجة افضل و نرسم مستقبل احسن لنفسنا يبقى مش نيأس و لا نفكر فى الندم ابدا علشان مش يعطلنا عن اللى باقى فى حياتنا بإذن الله.

بشكرك مرة تانية على طرحك الممتاز للموضوع...

محمود...

شكرا محمود على اهتمامك و ردك
و شكرا على النصيحة
ربنا يحقق لك كل ما تتمناه
و يا رب علطول تشرف موضوعاتى

[botta]

انا اتمنيت كدة كتير فى الامتحانات والحزن والمشاكل والملل والسفر والمرض والدراسة
ووقت الدرس يعدى بسرعة وحاجات كتير اوى بس انا ندمت مرتين على كدة مرة لما كان نفسى اكبر ولما كبرت بندم ونفسى ارجع طفلة تانى ومرة لما اتمنيت رمضان يخلص بسرعة علشان يجى العيد بقى واعيد واقول ما خلص كنت حزينة ونفسى يرجع تانى

حاولى بقى بعد كده تعيشى كل وقت عشان تستمتعى بحياتك
ربنا يوفقك

[botta]

يختلف هذا الأحساس حسب المرحلة السنيه للفرد
الصغير نفسه يكبر زى بابا أو ماما
فى المدرسه نفسه يخلص
البنات نفسهاااا حاجات كتير
والاولاد برضه
طبعا أنا مريت بكل دة
ودلوقت بعيش كل لحظه ولا أستعجل الأيام لأنها جايه جايه
اسيبها تأخد وقتها
وما يقدرة الله لى هو الأفضل
تحياتى لكى على موضوعاتك المميزة

أنا كمان بعمل زيك كده
هستعجل ايه يعنى و ليه ؟؟
منورانى يا حبيبتى
يا رب علطول

[هشام اللول1]

انا قولت كده كتير بسبب بعد الاوقات انا حسيت انه عصيبه ولكن اكتشفت انها احسن ايام مرت بيه
قبل ما اغادر مصر كنت بقول نفسي اغمض عين وافتح عن واخرج من البلد دي
ولكن اكتشفت اني غلطان لما قولته دلوقتي بقول نفسي اغمض عين وافتح عين وارجعلك يامصر تاني

[شيري العسولة]

لية بس بتفكرينى يا شوشو
ده انا كان نفسي اخلص دراسة ولما خلصت بجد زعلت لانى مابقاش ورايا حاجة اعملها زى المزاكرة ودخولى الجامعة واصحابي وحاجات كتير
بس الوقت اللى عايزاه يعدى بجد الفترة دى علشان زواجى قرب وكل ما يقرب احس ان فى عراقيل بتصادفنا ادعيلى يا شوشو

[hadede]

عايز تحير حد خيره
طبعا هذا مثل
ففعلا الموجود هنا بيحلم بالسفر
والمغترب بيحلم بالعودة
وطبعا الاحلام والامانى مشروعة
فى النهاية
اغمض عينى وافتحها
اقول الحمد لله
فمن يرضى بما قسمه له الله يكن اسعد الناس
دمت فى حفظ الله ورعايته