عايزه الشباب يردوا بصدق

[دق دق]

انا عن نفسى برفض تمام موضوع الشات

انما الكتابه بالمنتديات ... مافيهاش حاجة غلط

مدام بكتب موضوعات هادفه ومحترمه او برد ردود تعبر عن شخصيتى

وبتحاور واتناقش فى اطار موضوعات محترمه وباسلوب محترم ... يبقى ايه المانع !!!!!!!!!!!!!!!

وفى النهاية

الي عايز يبقى صح هيبقى صح فى اى علام حتى لو كان افتراضى

والي عايز يبقى غلط هيبقى غلط حتى لو على ارض الراقع

والرجل او الشاب ذو الافق الواسع سوف يساتوعب الكتباه بالمنتديات
وربما يشارك بها ايضا

والرجل ذو الافق المنغلق لن يستوعب حتى الحديث معه هو شخصيا

الموضوع كبيييييير جدا
والكلام فيه كتير ومش هيخلص
طول ما الحياة مستمرة
شكرا لمن سطر تلك الموضوع

[محمودسليمان]

شكراً يامان على مرورك
بس انت مش رديت غير على سؤال واحد ومش قولت انت اي نوع من الرجاله
هل الصعيدي ولا المودرن ولا ايه بالظبط

اولا يااخت هبة \\اعوذباللة من كلمة انا رجل مسلم -شرقى- مصرى (عربى) عمرى ما هسمح لاختى او جتى بان يكون لها اصدقاء رجال تقعد معاهم اوتحثهم عبر الهاتف (مااجتمع رجل وامرائة الاوكان الشيطان ثالثهم)
اما بالنسبه للانترنت يجب ان اعرف ما الموقع ولا تستعمل الكمبيوتر الا تحت رقابة من الاهل كماقال الاخMAA فى ردة وراى الدين قالتة لكى الاخت قمر
يبقى باقى موضوع الزواج عن طريق الشات عمرمافى شاب يرضى بان يتزوج بوحدة كان على علاقةغير شريفه معها سواء عن طريق تليفون اونت---فما ادرانى مع كم واحد تكلمت واى مواقع دخلت لان مشكل المواقع محترمة
اسائل اللة ان يحمى موقعنا الجميل من كل سؤ وان نبقى بةدائمااخوة ليس بينناشىء غيرالمحبة والاحترام
وكل عام وانتم بخير=====ومنتداناالغالى بخير

[هبه اتش]

أولاً شكراً على الردود بس مش هاقدر أدر عليكم في بعض أسألتكم لاني مستعجله النهارده

[هبه اتش]

هاااااااااااااااايmaahes أولاً انا بعتذر لأني رديت متأخر أوي على سؤالك وردك في نفس الوقت بس انا مش عارفه ليه الرجاله عموماً شايفيين ان النت للبنت غلط
انا الأول مكنش عندي معلومات عن الشات بس دلوقتي الحمد لله ربنا تاب عليا وتقريباً مش بدخله مطلقاً
اما المنتدى
فأنا شايفه ان ده شيئ عادي
لأن الكلام أولاً مراقب من ناس أكبر مننا وعارفيين ايه الصح وايه الغلط
اما بالنسبه لشريك حياتي
مش هاقولك لازم يكون ميعرفش قبلي ولا الجو ده
لاني متأكده ان مفيش حد كدا
بس اتمنى انه يكون بتاع ربنا اوي
معنديش اي اعتراض ابداً انه يكون عضو في اي منتدى مدام المنتدي محترم زي مصراوي كافيه مثلاً وأكيد ماحبش انه يكون متعرف عليا من شات أو انا متعرفه عليه بنفس الطريقه لاني بعد كدا مش هايحترمني وانا كمان مش هاعرف احترم نفسي
لان في موضوع المعايره عند بعض الرجاله
يعني ممكن واحد يشك في خطيبته فايقولها حقك تعملي اي حاجه مانا متعرف عليكي في شات الغلط كان مني
ده شئ وارد وانا شوفته بأم عيني
يارب اكون قدرت اوصلك رأيي لاني مبعرفش أوصل معلومه بأي طريقه لأي حد
أختك هبه اتش

[maahes]

هاااااااااااااااايmaahes
وعليكم السلام ورحمة الله وبركاته
أولاً انا بعتذر لأني رديت متأخر أوي على سؤالك وردك في نفس الوقت
ياستي ولا يهمك مانا متعود المهم انك رديتي
بس انا مش عارفه ليه الرجاله عموماً شايفيين ان النت للبنت غلط
مين قال كده ياأختي البنت دي هي أختي وأمي وزوجتي و....و...الخ ودوول فى نظري جوهرة لاتقدر بثمن ولو راحت أحدى هذه الجواهر فقدت حياتي مقابل ذهابها، يبقى الأولى أنتظر لما تروح مني ولا أحافظ عليها بطريقة لا أسلب بها حقوقها وفى نفس الوقت أحافظ عليها؟!!!!!!!!!!
انا الأول مكنش عندي معلومات عن الشات بس دلوقتي الحمد لله ربنا تاب عليا وتقريباً مش بدخله مطلقاً
الحمد لله ان الله تاب عليكي منه لأن نهايته مش كويسة
اما المنتدى
فأنا شايفه ان ده شيئ عادي
وأنا ماقلتش غير كده بس اليس من الواجب اعرف نوع المنتدى ومايهدف له ولا أيه رأيك؟!!
لأن الكلام أولاً مراقب من ناس أكبر مننا وعارفيين ايه الصح وايه الغلط
مش شرط كبر السن يدل على معرفة ماهو صح وماهو غلط ليس هذا هو الضابط فى الأمر بينما الضابط هو مدى قرب هذا المراقب من الله ومعرفة شرعه .مش ضابط شرطة
اما بالنسبه لشريك حياتي
ماله خير
مش هاقولك لازم يكون ميعرفش قبلي ولا الجو ده
لاني متأكده ان مفيش حد كدا
انا معترض معكي فى هذا لأن فيه كتير كده وان كانت فيه علاقة فهي علاقة فى نطاق العمل او دراسة
بس اتمنى انه يكون بتاع ربنا اوي
ربنا يرزقك بزوج صالح يعرف حق الله فيكي ويعاملك حسب شرع الله.ومن ترك شيئاً لله عوضه الله خيراً منه
معنديش اي اعتراض ابداً انه يكون عضو في اي منتدى مدام المنتدي محترم زي مصراوي كافيه مثلاً
وانا معاكي بس لازم اعرفه بردوا ولكن مش من خلف الشاشة
وأكيد ماحبش انه يكون متعرف عليا من شات
تمام كده
أو انا متعرفه عليه بنفس الطريقه لاني بعد كدا مش هايحترمني وانا كمان مش هاعرف احترم نفسي

عندك حق
لان في موضوع المعايره عند بعض الرجاله
؟
يعني ممكن واحد يشك في خطيبته فايقولها حقك تعملي اي حاجه مانا متعرف عليكي في شات الغلط كان مني
ده شئ وارد وانا شوفته بأم عيني
الحال من بعضه لا تعايرني ولا اعايرك فاالهم طايلني وطايلك
يارب اكون قدرت اوصلك رأيي لاني مبعرفش أوصل معلومه بأي طريقه لأي حد
يعني بس الواحد فهم وربنا معانا ويعدي الايام اللي جاية على خير
أختك هبه اتش

أخوكي محمد

يارب مااكون تقيل الدم فى ردي
ولكي مني جميل الشكر
محمد محمد محمد

[ك/علاء النسر]

السلام علكيم
بصى يا هبه مش كل الناس زى بعضها
اولا فى ناس تقولك ان دا عادى وناس ترفض الموضوع دا من اساسه
وناس فاهما هى بتعمل ايه وتعرف تحكم الموضوع كويس
ودى اجابتى انا من وجهة نظرى المتواضعه المتوازيه

ياترى تقبل تكون شريكه حياتك على علاقه صداقه بشباب آخريين ؟
الصراحه مقبلهش لانى رجل شرقى بس هو فى وقت معين بتكون فيه البنت مصاحبا فيها شباب اكيد ودى ميختلفش عليها اتنين وهى فترة الجامعه
بعدين طالما هى هتبقى شريكة حياتى يبقى اكيد هتكون بتحبنى ولما اطلب منها انها متصاحبش ولاد تانى اكيد هتنفز كلامى

وكمان بتقعد على النت تتكتب مواضيع وفي شباب بيردوا عليها؟
دى مافيهاش مشكله مادام المواضيع فى حدود الاحترام واللى بيرد بيرد بردو بكل احترام

وياترى تقبل تكون شريكه حياتك انسانه انت متعرف عليها عن طريق الشات؟
ليه لا لو حسيت انها فعلا محترمه وفى توافق كبير بين افكارنا اكيد هتقدم اخطبها
وياريت اعرف رايك فى ردى
تقبلى مرورى وتسلم ايدك

[هبه اتش]

أولاً maahes
انت عمرك ماكان دمك تقيل
وشكراً تاني لانك رديت عليا
وعموما ياسيدي الاختلاف في الرأي لايفسد للود قضيه
اذا اختلفنا في بعض الاراء تحياتي
اختك هبه

[هبه اتش]

هاااااااااااااااااي ك/علاء النسر
اولاً بشكرك على المرور
وثانياً رد حضرتك رد عقلاني جداً
بس انا بختلف معاك في موضوع الشات
لان من وجه نظري ان الشات ده نقمه وضرر من اضرار النت
وزي ماقولت ان اختلاف الاراء لايفسد للود قضيه
لكن ممكن تلاقي واحد في المليون كويس بالنسبه للشات
بس الحسنه بتخص والسيئه بتعم
وفي الاخر لكل منا رأيه
ويارب ماكونش رخمت عليك
اختك هبه اتش

[ك/علاء النسر]

هاااااااااااااااااي ك/علاء النسر
اولاً بشكرك على المرور
وثانياً رد حضرتك رد عقلاني جداً
بس انا بختلف معاك في موضوع الشات
لان من وجه نظري ان الشات ده نقمه وضرر من اضرار النت
وزي ماقولت ان اختلاف الاراء لايفسد للود قضيه
لكن ممكن تلاقي واحد في المليون كويس بالنسبه للشات
بس الحسنه بتخص والسيئه بتعم
وفي الاخر لكل منا رأيه
ويارب ماكونش رخمت عليك
اختك هبه اتش

لا ياستى ليه رخمه متقوليش كدا دا حتى الموضوع دمه خفيف زي صاحبته
تقبلى مرورى

[هبه اتش]

لا ياستى ليه رخمه متقوليش كدا دا حتى الموضوع دمه خفيف زي صاحبته
تقبلى مرورى

ميرسي على ذوقك ومرورك مره تانيه
ومرورك جاااااااااااااااااااااااا ااااااااااااااااااااااااا ااااااااااااااااااااااااا امد اخر حاجه