حوار مفتوح بين شباب وبنات المنتدى فين الصح وفين الغلط؟

**~~ronaldinhooo~~** · 5 - 10 - 2009, 06:21 PM

مفيش حاجة اسمها كلية حلوة وكلية مش حلوة

المشكلة عندنا ان العقول مش سليمة والبلد مش مساعدانا
لا ياناصحه في كليه حلوه وفيه كليه وحشه العقول اللى مش سليمه دي انت السبب فيها انت وامثالك
مع كل الاحترام
لان كل واحد حاطط ايده على خده ويقول اللى انت قلتيه
مش هيحصل حاجه ولا البلد دي هتطور ولا العقول هتنضف
والسؤال هل انت لما تجيبي كليه زي كلية الطب وتشتغلي وتاخدي راتب عالى سواء في مصر او في الخليج
ام لما تاخدي كلية تجاره وتعدي عاطله
(((لا شغله ولا مشغله)))
هتعرفي ان في كليه حلوه وفي كليه وحشه
مع تحياتي الى قطقوطه
الاختلاف في الرأي لايفسد للود قضيه

**قطقوطة** · 5 - 10 - 2009, 07:33 PM

اولا مرسيه جدا لذوقك
ثانيا انا وامثالى بنحاول نحل المشكلة ونشوف فين الصح وفين الغلط والا ماكناش اقترحنا وعملنا المواضيع دى عشان نتناقش فيها
ثالثا كلية الطب راتبها هنا في البلد مش عالى ولا حاجة بالمقارنة لكلية التجارة اللى ممكن لو خريجها سافر برة او لقي فرصة شغل كويسة هنا
ومرسيه تانى مرة لذوقك اللى اتكلمت بيه بجد مش عارفة اوصفلك سعادتى بتعليقك

**قطقوطة** · 6 - 10 - 2009, 02:28 PM

النهاردة بقة مع موضوع يمكن مهم بالنسبة لنا اوى بمناسبة 6 اكتوبركل سنة وانتو طيبين
ياترى حاسس ان في انتماء للوطن ؟
والا كله كلام وحاجات بنحسها لما بتسمع اغنية وطنية وكدة وتعدى والسلام؟
ولو ممكن توصف احساسك بالبلد
ياترى لسة زى ماقال مصطفي كامل
لو لم اكن مصريا لوددت ان اكون مصريا
اوصف لى احساسك من فضلك ياترى اليوم دا بالنسبة لك ايه؟
هل هو يوم اجازة عادى بنرتاح فيه وبس ويمكن نخرج نتفسح وكدة عادى يعنى؟؟؟؟؟؟؟؟؟؟؟؟؟؟؟؟؟

**lovely egypt 2010** · 6 - 10 - 2009, 08:33 PM

كل سنة وانتو طيبين
وانت طيبه
ياترى حاسس ان في انتماء للوطن ؟
هو انا بالنسبا لي انا دايما عندي انتماء للوطن لاني بعيده عنه
وبيوحشني جدا
اما عن 6 اكتوبر يعني لما اسمع اغنيه او اشوف فيلم عن فوزنا في الحرب اتأثر جدا
لكن بعد شويه عادي
بس يعني انا فرحانه علشان احنا انتصرنا

ولو ممكن توصف احساسك بالبلد
ياترى لسة زى ماقال مصطفي كامل

لو لم اكن مصريا لوددت ان اكون مصريا
اكيييييد لان مصر اجمل واحلى بلد في العالم وبحبها جدااااااااااااااااااااااا ااااااااااااااااااااااااا اا
اوصف لى احساسك من فضلك ياترى اليوم دا بالنسبة لك ايه؟
هل هو يوم اجازة عادى بنرتاح فيه وبس ويمكن نخرج نتفسح وكدة عادى يعنى؟؟؟؟؟؟؟؟؟؟؟؟؟؟؟؟؟
انا زي لما قلت احساسي يعني
يمكن علشان انا مش خارج مصر فمش حاسه بالفرحه اوي
ممكن لو كنت في مصر كنت افرح اكتر

شكرااااا كتير على الموضوع

(((يارب انصر مصر دائما)))
ااااامين

**قطقوطة** · 7 - 10 - 2009, 11:11 AM

مرسيه ياجميل ع المشاركة وان شاء ترجعى بلدك وتنوريها

**قطقوطة** · 19 - 10 - 2009, 02:04 PM

السلام عليكم ورحمة الله وبركاته
النهاردة مع موضوع جديد
وهو ياترى بتقضي يومك ازاى؟ ياترى في اخر كل يوم بتحاسب نفسك؟
ايه الحاجات المفيدة اللى عملتها خلال اليوم؟
ياترى لما بتغلط بتكرر الغلط وتندم عليه والا بتقول كدة لنفسك بس عشان تريحها وترجع وتعيد الغلط من تانى وتعمل نفسك مش واخد بالك؟
حاسس نفسك ايه؟
بتبص لنفسك ازاى؟ انسان عادى مش عاوز حاجة من الدنيا غير ان اليوم يعدى وبس؟
بتحسبها ازاى ياترى في اول اليوم؟ بترتب نفسك هتعمل ايه وماتعملش ايه والا بتسيبها كدة زى ماتيجى؟

ياريت ياجماعة نشارك بعض بالاراء

**جومانه2009** · 19 - 10 - 2009, 02:33 PM

اولا بجد انا عايزة احييكى على موضوعك الرائع ده
وكمان على الموضيع اللى بتختاريها للمناقشه

وهو ياترى بتقضي يومك ازاى؟
بصى يا قطقوطة للاسف انا بعد ما خلصت دراسة قاعدة فى البيت لا شغله ولا مشغلة وده بأمر من اهلى طبعا
ويومى بقضية ما بين النت والقراءة
ياترى في اخر كل يوم بتحاسب نفسك؟
ده لازم والا مش هعرف اعيش او بمعنى اصح مش هحس فى يوم انى غلط ما ننساش اننا فى نهاية الامر بشر مهما كانت اخلقنا وتربيتنا وثقافتنا لازم بنغلط احيانا ولكى نتفدى الغلط مرة اخرى ونتعلم منه لازم نحاسب نفسنا كل يوم كده هعرف انا عملت ايه الغلط انهرده وهحاول انى ما اكرروش
ايه الحاجات المفيدة اللى عملتها خلال اليوم؟
الافادة بتختلف من شخص لاخر ممكن تقولى كلمة لحد تفيدى بيها وتستفيدى ممكن تعملى موقف ولو صغير تفيدى نفسك وتفيدى من حولك وانا وعلشان مدمنة نت ممكن اقولك انى ممكن افيد واستفيد من اى مناقشة او موضوع بشارك فيه هنا او على اى منتدى تانى
ياترى لما بتغلط بتكرر الغلط وتندم عليه والا بتقول كدة لنفسك بس عشان تريحها وترجع وتعيد الغلط من تانى وتعمل نفسك مش واخد بالك؟
الانسان اللى بيطنش اخطأه هو اول واحد خسران
علشان زى ما قولنا قبل كده ان الانسان لازم يعرف غلطه علشان ما يكرروش تانى
ما ينفعش انى غلط واقول عادى وانسى غلطى وتانى يوم اعمل غلط تانى ده بيأثر على شخصية اى انسان ويجعلة انسان سلبى
حاسس نفسك ايه؟
بصراحة سؤال صعب بالنسبة ليا بس هجوبك من خلال نظرتى لنفسى
انا انسانه مثلى مثل الجميع
اخطأ احيانا واتعلم واعلم وافيد واستفيد
بالمختصر المفيد بشر من خلق الله فيه كل عيوب البشر ومميزاته
بتبص لنفسك ازاى؟
اىانسان فى الدنيا لازم يبص لنفسه بنظرة الرضى
علشان يعرف يعيش
انسان عادى مش عاوز حاجة من الدنيا غير ان اليوم يعدى وبس؟
للاسف انا احيانا بقول كده لنفسى يوم ويعدى وخلاص

بتحسبها ازاى ياترى في اول اليوم؟
بصراحة انا ما بحسبهاش خالص علشان للاسف ايامى شبه بعضها

بترتب نفسك هتعمل ايه وماتعملش ايه والا بتسيبها كدة زى ماتيجى؟

زى ما قولتلك انا ايامى شبة بعضها يعنى مش محتاجة ولا ارتب ولا احسب
بجد يا قطقوطة مناقشه واسئلة جميله
ومنتظرين مناقشتك

**قطقوطة** · 19 - 10 - 2009, 04:28 PM

مرسيه جومانة لمرورك ياسكرة اسعدتنى اجاباتك جدا ويارب دايما ياقمراية

**البرنس المصرى** · 19 - 10 - 2009, 05:20 PM

السلام عليكم الاول طبعآ الولد مش غلطان علشان البنت هى السابت نفسها تحبه و برده الولد سعات بيطلع ندل بس مش كل الحالات بتخلص على كده فيهم بتخلص بحب و زواج بس 1%

**قطقوطة** · 19 - 10 - 2009, 05:26 PM

اولا وعليكم السلام ورحمة الله وبركاته
ثانيا انا مش فاهمة انت بتتكلم عن ايه؟
ثالثا ياريت لو سمحت تقرا الموضوع وترد عليه
وبجد نورتنى ونورت المنتدى ويارب دايما

الموضوع: حوار مفتوح بين شباب وبنات المنتدى فين الصح وفين الغلط؟

أدوات الموضوع

الى قطقوطه

معلومات الموضوع

الأعضاء الذين يشاهدون هذا الموضوع

المواضيع المتشابهه

شوية مسجات تودى فى داهيه ايوة الله تودى فى ستين داهيه

توأم يتزوجون توأم ( صور جميله وغريبه سبحان الله )

الكلمات الدلالية لهذا الموضوع

ضوابط المشاركة