حوار مفتوح بين شباب وبنات المنتدى فين الصح وفين الغلط؟

[maahes]

ايه ياياسمين هو الواحد لما يكون عنده استعداد نفسي للرد ومناقشة المواضيع يجي الواحد مايلقيش وربع موضوع ينفع كده ، يابني ياتحطي موضوع للمناقشة يأما تختاري حل من التلاتة دول وبسرعة فى أقل من عشر سنين:
1-تدفعي 2.25جينه
2-تدفعي 2.25جينه وربع بردوا
3-أحط أنا موضوع وأمري الى الله
لو أنا مكانك أختار الخيار الرابع اللي جنب الطماطم
يالا انا مستني.
ولكي مني جميل الشكر

[قطقوطة]

ايه ياياسمين هو الواحد لما يكون عنده استعداد نفسي للرد ومناقشة المواضيع يجي الواحد مايلقيش وربع موضوع ينفع كده ، يابني ياتحطي موضوع للمناقشة يأما تختاري حل من التلاتة دول وبسرعة فى أقل من عشر سنين:
1-تدفعي 2.25جينه
2-تدفعي 2.25جينه وربع بردوا
3-أحط أنا موضوع وأمري الى الله
لو أنا مكانك أختار الخيار الرابع اللي جنب الطماطم
يالا انا مستني.
ولكي مني جميل الشكر

ههههههههههههههههههههههههه هههههههههههههههه
اهلا بيك يامحمد بس انا حاسة ان الناس كلها بقت مشغولة جدا ومبقاش حد بيهتم وكمان لو تلاحظ انا كمان بقيت قليل جدا لما بحط موضوع جديد بس والله غصب عنى الكلية وكدة وانت عارف بقة
بس بالنسبة لل2.25 انا مش موافقة خاااااااااالص بس موافقة على الطماطم ويارب لو 2 كيلو خيار كمان
وبعدين ليه ماحطتش انت موضوع يعنى كله عليا انا والا ايه؟

[قطقوطة]

السلام عليكم يااحلى شباب واحلى بنات
النهاردة بقة جايبة لكم موضوع يارب يعجبكم وتشاركونى برأيكم
الموضوع بقة عن العلاقات بين الناس اللي بقت بتتغير فجأة وبدون سابق انذار طبعا انا اقصد العلاقات كلها سواء بالاصحاب او بالاحباب او حتى بالمعارف او حتى بين الناس وبعضها
كله بقة بيتغير فجأة وماتبقاش عارف ايه اللى حصل وكل يوم في حال ياترى ليه؟
ايه اللي حصل لنا كل حاجة حلوة بقت بتتغير
وكمان في حاجة تانية؟؟؟؟؟؟؟؟؟؟؟؟؟؟؟
ليه بقينا بنتكلم على بعض بشكل يوجع بجد
ونشغل نفسنا بدا عمل ودى عملت ودا لابس ايه ودى لابسة ايه؟
وكمان لما نشوف اى حاجة مش جاية على هوانا نفسرها بالتفسير اللى على مزاجنا
ليه مابنحطش نفسنا في مكان اللى احنا بنتكلم عليه دا؟
ليه كل حاجة حلوة بقت بتتغير وتختفي بالتدريج؟؟؟؟؟؟
ليه مابنخليش همنا نفسنا مالناش دعوة بحد الكلمة الطيبة وبس من غير مانؤذى حد بكلمة ولا حتى نظرة
لو شفنا حاجة غلط ندى الرأى والنصيحة لكن مانعملش كدة
انا عارفة انه موضوع غلس بجد بس ياريت كل واحد يقول رأيه بصراحة الغلط في مين فينا والا في الناس والا في الدنيا والا فين بالظبط؟؟؟؟؟؟؟؟؟؟؟؟؟؟؟
مستينة مشاركاتكم وياريت ماحدش يبخل بيها

[rodi]

والله عندك حق فعلا بس بالنسبة لموضوع الناس اللى عارفينهم بيتغيروا انا دة بيحصل معايا كتير خاصة صحابى او اللى كانو صحابى بس انا بصراحة دايما برجعه لانى اصلا مش بقرا الناس صح يعنى بتخدع فى ناس كتير بمعنى انهم كدة اصلا بس انا اللى مكنتش عارفة
وموضوع لية بنتكلم عن الناس دة بقا لان كل حد فينا فاكر نفسه احسن واحد فى الدنيا وخلاص مفيهوش اى عيوب وفضى بقة للناس يمكن يكون جزء م الغلط ع الناس اللى حواليه اللى مش بيصارحوه بعيوبه لدرجة انه افتكر نفسه مافيهوش اى حاجة او لاننا بطلنا نحاسب نفسنا وفاكرين ان كل حاجة بنعملها صح
ربنا يصلح الحال
شكرا ع الموضوع الجميل

[قطقوطة]

مرسيه يارودى ع الرد ويارب دايما منورانى وعندك حق في كلامك انا معاكى كلمة بكلمة