يا احلى اعضاء فى احلى منتدى ممكن سؤال؟

[TOTA_MEMO]

يا جماعه لو سمحتوا انا فى حاجه محيرانى اوى وعاوزه راى كل الاعضاء اللى موجودين

فى سؤال عاوزه اساله وياريت الكل يجاوب بسراحه
ما هو الحرام فى الحب ؟

ياريت الكل يرد عليا ردودكم هتفيدنى كتير

ميرسى لمروركم مقدما

[botta]

الحرام فى أى حاجة معنى آخر للحاجة اللى تتكسفى تعمليها أو تحاولى تستخبى من الناس و تعمليها و انتى لوحدك
و بيزيد عليها فى الحب خصوصا انك تحسى من جواكى انك خايفة و انتى بتعمليها
ممكن يكون الحب ده نفسه حرام و ده يتوقف على انتى حاساه ازاى
فاهمانى يا توتا ؟؟؟
و يا ريت بدل ما تحيرى نفسك كده شوفى انتى عاوزة تعملى ايه أو تحسى ايه و اسألى نفسك ده حرام ولا لأ ؟؟
كده هيبقى كأنك بتحاسبى نفسك موقف بموقف
آسفة للاطالة بس يا رب أكون أفدتك

[TOTA_MEMO]

بجد ميرسى جدا لردك بس فى حاجه انا ممكن ابقى مقتنعه بيها وما اعملهاش قدام حد لان الحد ده مش مقتنع بيها وكل واحد ليه وجهة نظره بسراحه انا قربت اوصل لدرجه انى معرفش الحلال من الحرام حتى الكلام فى التليفون عيب ولا حرام ولا الاتنين وليه؟

[botta]

الكلام فى التليفون هو أول خطوة فى الطريق للحرام
هتقولوا ايه غير كلام انتى و أنا عارفينه كويس؟؟؟
حبيبتى اقطعى الشك باليقين و امنعى أى حاجة كده لغاية ما يبقى فيه ارتباط رسمى و شرعى بمعرفة أهلك و تحت اشرافهم
و بعدين الحد اللى مش مقتنع ده صح لأنها حاجة غلط و انتى مقتنعة لأنها على مزاجك
اسمعى كلامى و اتركى الموضوع ده عشان خاطر ربنا هتلاقى ربنا يبدلك أحسن منه بمراحل
ها اتفقنا ولا لسه عندك حيرة تانى ؟؟؟
أنا متابعاكى ان شاء الله

[عمارطه2009]

كلام جميل ومنقدرش نقول حاجه غير اللي تقال _ بس عايز أقول حاجه الحرام في الحب أنه يكون حب في الضلمه لان الحب الحقيقي بيتولد في النور وقدام الدنيا كلها عارفه ليه لان الحب الطاهر جزء من العبادة _ وميرسي ليكي

[TOTA_MEMO]

يا جماعه والله انتوا عندكوا حق فى كل الكلام اللى قولتوه وميرسى اوى لردودكم وافادتكم بس المشكله فى عندنا فى البيت ان موضوع الحب ده تقريبا مرفوض وانا على فكره عارفاه كويس لانه قريبنا ومامته واخته عارفين وهم اللى كلمونى انا عمرى ما كنت هكلمه من غير ما اثق فيه وكمان المشكله الاكبر ان هو اصلا قدى بس اصغر منى بسنه فى التعليم لانه كان ازهر وكفايه انى اعرفه وانه كمان ازهر ولا ايه؟

ياريت تقولولى ايه رايكم
اسفه هاتعبكم معايا بس انا محتاجه لكم اوى ولرايكم

[botta]

أنا كمان مش بشجع حكاية الحب دى الا بشروط كتيييييييييييييييير
مامته و أخته لو كويسين أو يعنى خايفين عليكى ما يشجعوكيش على انك تكلميه كده
خليكى انتى أحسن منهم و خليهم يكلموا أهلك
و لو أهلك وافقوا تمام ، ما وافقوش يبقى خلاص الموضوع يتقفل
كمان بتقولى انك واثقة فيه .. ماشى بس هو لما توافقى تكلميه مش هيثق فيكى هيقول ممكن زى ما كلمتنى تكون كلمت غيرى أو بعدين ممكن تكلم غيرى و تبقى خسرتيه بجد .. ممكن يكون تفكيره كده
و لو حكاية السن دى مشكلة استنى لما يتقدم لك واحد أكبر منه على الأقل هيكون خلص دراسته و مستعد ماديا للزواج
هااااااااا ايه رأيك فى كلامى ؟؟؟؟؟؟؟؟؟

[محمودسليمان]

الاخت توتا --- الحب شى جميل وهو الحياة الحب صافى ونقى لكنة ممكن يتعكر وبمنتهى السهولة
لايهم السن فى الحب واذا كان ازهرى اوغير فالرجال سواء مهماكان تعليمهم يكون بعض الغريزية فى تفكرهم
تمهلى فى تفكيرك ولاتتعجلى فى قراراتك وادرسى شخصيتة ونوع حبة لكى واجعلى كل مابينكم فى النور
ودائما تسمعى كلام اهلك فهم الادرى بصالحك
وابتعدى عن موضوع التليفونات فعواقبها سيئة حتى لوتزوجتية هيشك ان مثل ما كلمتية ممكن تكلمى غيرة ----------
تقبلى مشاركتى ونصيحة رجل داب وجرب كل انواع الحب وفقك اللة

[TOTA_MEMO]

يا جماعه ميرسى اوى لرايكم وانا اقتنعت بكلامكم فى حكايه الكلام فى التليفون يعنى ممكن افضل مستنياه بس من غير كلام فى التليفون انا على فكره متقدم لى اكتر من واحد بس مينفعش اقبل لانى بكده هاظلم اللى ممكن ارتبط بيه وكمان نفسى واللى حبيته بس بجد ميرسى اوى انتوا اصدقاء يعتمد عليكم

[TOTA_MEMO]

botta انا عاوزه اخد ايميلك واكلمك على الياهو ممكن؟
ولو ممكن قوليلى اخده ازاى